2026 оны хөлбөмбөгийн дэлхийн аваргын шөвгийн 16-ийн ээлжит тоглолтууд хөгжөөн дэмжигчдийн таамгийг дахин эвдлээ. Урд шөнө дэлхийн таван удаагийн аварга Бразил нутаг буцаж, Норвег түүхэндээ анх удаа ДАШТ-ий шөвгийн наймд шалгарсан бол Англи эзэн орны нэг Мексикийг буулган авч дараагийн шатанд шалгарлаа.

Бразил 1:2 Норвег

Өнөөдрийн хамгийн том дуулиан нь Бразил–Норвегийн тоглолт байв. Эхний үед Бразил илүү санаачилгатай тоглож, торгуулийн цохилт хүртэл авсан ч хаалгач Өрьян Нюланд Бруно Гимараэшийн цохилтыг хааж багаа аварсан. Тоглолтын төгсгөлд чимээгүй байсан Эрлинг Холанд жинхэнэ од нь болж, 79 болон 90 дэх минутад дараалан хоёр гоол оруулж, 2:0 болгов. Улмаар үдсэн цаг дуусаж, шүүгчийн мэдлийн нэмэлт цагт Неймар торгуулийн цохилтоор тооны харьцааг ойртуулсан ч цаг хангалтгүй байж, Норвегийн шигшээ баг 2:1 харьцаатайгаар хожил байгууллаа. Ингэснээр Норвег анх удаагаа дэлхийн аваргын шөвгийн наймд шалгарсан түүхэн амжилтыг бичив. Ингэснээр Норвегийн шигшээ баг шөвгийн наймд хүчирхэг Английн шигшээ багтай тоглохоор боллоо

Мексик 2:3 Англи

Өнөөдрийн хоёр дахь тоглолт Мехико хотын домогт Ацтека цэнгэлдэхэд болж, Англи 3:2-оор Мексикийг буулган авлаа. Жуд Беллингхэм ердөө хоёр минут хүрэхгүй хугацаанд буюу 36, 38 дахь минутуудад хоёр гоол дараалан оруулж тоглолтын тооны харьцааг 2:0 болгов. Гэсэн ч түүний гоолоос ердөө 4 минутын дараа Мексикийн шигшээ багаас Хулиан Киньонес гоол оруулж, 1:2 болгож, эхний хагас өндөрлөв. Тоглолтын хоёрдугаар хагасын 54 дэх минутад Английн шигшээ багийн хамгаалагч Жарел Куанса улаан хуудсаар торгуулж, талбайг чөлөөлөв. Гэсэн ч тоглолтын 60 дахь минутад Харри Кэйн торгуулийн цохилтоор Английн гурав дахь гоолыг оруулж, 3:1 болгов. Тоглолтын 69 дэх минутад Мексикийн шигшээ багаас багийн ахлагч Рауль Хименес торгуулийн цохилтоос гоол оруулж, 2:3 болгон ойртуулсан ч дахин гоол оруулж чадсангүй. Ингэснээр Английн шигшээ баг шөвгийн наймд шалгарч, Норвегийн шигшээ багтай тоглохоор боллоо.

Маргааш Хөлбөмбөгийн ДАШТ-ий шөвгийн 16-ийн хоёр тоглолт явагдана:

Испани – Португал 07-р сарын 07-нд 03:00 цагаас

Маргаашийн эхний тоглолт ДАШТ-ий шигшээ 32-ийн тоглолтдоо Австрийн шигшээ багийг 3:0 харьцаатай буулган авч, шөвгийн 16-д шалгарсан Испанийн шигшээ баг болон шигшээ 32-ийн тоглолтдоо Хорватын шигшээ багийг 2:1 харьцаатай буулган авч, шөвгийн 16-д шалгарсан Португалын шигшээ багуудын хооронд явагдана. Энэхүү хоёр баг түүхэндээ 41 удаа хоорондоо тоглож, Испанийн шигшээ баг 17 удаа хожиж, 18 удаа тэнцэж, 6 удаа Португалын шигшээ баг хожиж байв.

Испани болон Португалын шигшээ багуудын сүүлийн 5 хоорондын тоглолтууд:

Испани /3/ 2:2 /5/ Португал /Үндэстнүүдийн Лиг, 2025 он/

Испани 1:0 Португал /Үндэстнүүдийн Лиг, 2022 он/

Испани 1:1 Португал /Үндэстнүүдийн Лиг, 2022 он/

Испани 0:0 Португал /Нөхөрсөг Тоглолт, 2021 он/

Испани 0:0 Португал /Нөхөрсөг тоглолт, 2020 он/

Испанийн шигшээ багийн ДАШТ-ий сүүлийн гурван тоглолтын үр дүн:

Испани 4:0 Саудын Араб

Испани 1:0 Уругвай

Испани 3:0 Австри

Испанийн шигшээ багийн боломжит гарааны бүрэлдэхүүн:

Дасгалжуулагч: Луис Де Ла Фуэнте 4-2-3-1

Хаалгач: Unai Simon

Хамгаалагч: P.Porro, P.Cubarsi, A.Laporte, M.Cucurella

Хагас хамгаалагч: Rodri, Pedri, L.Yamal, D.Olmo, A.Baena

Довтлогч: M.Oyarzabal

Португалын шигшээ багийн ДАШТ-ий сүүлийн гурван тоглолтын үр дүн:

Португал 5:0 Узбекистан

Португал 0:0 Колумб

Португал 2:1 Хорват

Португалын шигшээ багийн боломжит гарааны бүрэлдэхүүн:

Дасгалжуулагч: Роберто Мартинес 4-2-3-1

Хаалгач: D.Costa

Хамгаалагч: N.Mendes, R.Veiga, R.Dias, J.Cancelo

Хагас хамгаалагч: Vitinha, R.Neves, R.Leao, B.Fernandes, P.Neto

Довтлогч: C.Ronaldo

АНУ – Бельги 07-р сарын 07-нд 08:00 цагаас

Маргаашийн хоёр дахь тоглолт ДАШТ-ий шигшээ 32-ийн тоглолтдоо Босни Херцеговины шигшээ багийг 2:0 харьцаатай буулган авч, шөвгийн 16-д шалгарсан АНУ-ын шигшээ баг болон шигшээ 32-ийн тоглолтдоо Сенегалын шигшээ багийг 3:2 харьцаатай буулган авч, шөвгийн 16-д шалгарсан Бельгийн шигшээ багуудын хооронд явагдана. Энэхүү хоёр баг түүхэндээ 5 удаа хоорондоо тоглож, АНУ-ын шигшээ баг 1 удаа хожиж, Бельгийн шигшээ баг 4 удаа хожиж байв.

АНУ болон Бельгийн шигшээ багуудын хоорондын тоглолтууд:

АНУ 2:5 Бельги /Нөхөрсөг Тоглолт, 2026 он/

АНУ 1:2 Бельги /ДАШТ, 2014 он/

АНУ 2:4 Бельги /Нөхөрсөг Тоглолт, 2013 он/

АНУ 0:1 Бельги /Нөхөрсөг Тоглолт, 2011 он/

АНУ 3:0 Бельги /ДАШТ, 1930 он/

АНУ-ын шигшээ багийн ДАШТ-ий сүүлийн гурван тоглолтын үр дүн:

АНУ 2:0 Австрали

АНУ 2:3 Турк

АНУ 2:0 Босни Херцеговин

Бельгийн шигшээ багийн ДАШТ-ий сүүлийн гурван тоглолтын үр дүн:

Бельги 0:0 Иран

Бельги 5:1 Шинэ Зеланд

Бельги 3:2 Сенегал

АНУ-ын шигшээ багийн боломжит гарааны бүрэлдэхүүн:

Дасгалжуулагч: Маурисио Почеттино 4-2-3-1

Хаалгач: M.Freese

Хамгаалагч: A.Robinson, C.Richards, T.Ream, A.Freeman

Хагас хамгаалагч: T.Adams, M.Tillman, C.Pulisic, W.McKennie, S.Dest

Довтлогч: F.Balogun

Бельгийн шигшээ багийн боломжит гарааны бүрэлдэхүүн:

Дасгалжуулагч: Руди Гарсия 4-2-3-1

Хаалгач: T.Courtois

Хамгаалагч: T.Meunier, B.Mechele, A.Theate, T.Castagne

Хагас хамгаалагч: Y.Tielemans, N.Raskin, L.Trossard, K.de Bruyne, J.Doku

Довтлогч: R.Lukaku

📝 Мэдээллийн ивээн тэтгэгч:

🤝 ҮҮЭТ ХХК ЭВТ БРЭНД - Эрүүл хүнсийг Эвт брэндээс

🤝 VNG Travel - Европыг танд илүү ойртуулна.

Selfy - Олон Улсын Дата Сим - Дурсамж дүүрэн аялалд хамтдаа