Монгол улсын 21 аймаг, УБ хотын 9 дүүргийн хэмжээнд буюу Монголын улсыг хамгийн өргөн хүрээнд хамардаг Үндэсний Супер лиг энэ жил дахин зохиогдох гэж байна. Үндэсний Супер лиг анх 2015 оноос зохиогдож эхэлсэн Монголын томоохон сагсан бөмбөгийн лиг юм. Лиг зохиогдож эхэлсэн анхны жилээсээ л Монгол улсын томоохон баг, тамирчид оролцож эхэлсэн юм. 

Монгол улсын 21 аймаг, УБ хотын 9 дүүргийн хэмжээнд буюу Монголын улсыг хамгийн өргөн хүрээнд хамардаг Үндэсний Супер лиг энэ жил дахин зохиогдох гэж байна. Үндэсний Супер лиг анх 2015 оноос зохиогдож эхэлсэн Монголын томоохон сагсан бөмбөгийн лиг юм. Лиг зохиогдож эхэлсэн анхны жилээсээ л Монгол улсын томоохон баг, тамирчид оролцож эхэлсэн юм. 

2015 онд “Үндэсний цом” нэртэйгээр зохиогдож Дархан, Хэнтий аймгийн багууд шигшээ тоглолтод шалгарч Дархан баг анхны аваргын цом өргөж байсан түүхтэй. Тухайн улирлын шилдэг тоглогчоор ОУХМ Ганбаатарын Ихбаяр тодорч байв. Харин 2016 онд Сүхбаатар, Ховд Алтайн Аргаль багууд шигшээд шалгарч Сүхбаатар аймаг тэргүүн байрыг эзэлж байжээ. Харин улирлын шилдэг тоглогчийн шагналыг спортын мастер Б.Батзолбоо хүртсэн байна. 

Үүний дараа Архангайн Алтан Дорнодын Дайчид хэмээх хүчирхэг баг бүрдэж 2017, 2018, 2019 онуудад дараалан гурван удаа түрүүлж мэргэжлийн лигт гурван жил дараалан түрүүлэх хэцүү амжилтын эзэд болж байв. Тус бүрэлдэхүүнд монголын сагсан бөмбөгийн нүүр царай болсон Э.Цэвэлдорж, О.Энхбаатар, Г.Баттөр нараас эхлээд Т. Санчир, Ц.Азбаяр, А.Энхбаясгалан зэрэг шилдэг тоглогчид тоглож байв. 2017 онд Э.Цэрэнбаатар, 2018 онд Э.Дөлгөөн, 2019 онд Д.Дэлгэрням нар улирлын шилдэг тоглогчдын шагналыг хүртэж байв. Харин финалын үнэ цэнтэй тоглогчдын шагналыг 2016-2017 оны улирлаас эхлэн олгож эхэлсэн байна. 2017 оны улиралд Robert Turner, 2018 онд Г.Баттөр, 2019 онд Т.Санчир зэрэг тоглогчид тус шагналыг хүртэж байжээ. 

Цар тахлын улмаас 2019 оноос хойш өргөн хэмжээнд зохиогдож амжаагүй Үндэсний Супер лиг гуравдугаар сарын 23-наас эхлэн зохиогдохоор болж байна. Зөвхөн Монгол тамирчид, монгол дасгалжуулагчдаар бүрдсэн 16 гаруй баг 3 сарын турш хэн шилдгээ өрсөлдөх ширүүн өрсөлдөөн тун удахгүй эхлэх гэж байна.