Голден Стэйт Уарриорс багийн довтлон тоглогч Эндрю Виггинс гэр бүлийн хувийн асуудлаас болж хэд хэдэн тоглолт өнжөөд байсан юм. Тэгвэл маргааш болох Милаукий Бакстай хийх тоглолтод оролцоно боломжтой болсон хэмээн ESPN-ээс мэдээлсэн байна. Багийн чухал тоглогчдын нэг Виггинс гэр бүлийн бүлийн асуудлаа шийдсэний дараа өнөөдөр багийн бэлтгэлийн зааланд буцаж нэгдэв. 

Виггинс өнөөдөр бэлтгэл хийснийхээ дараа "Би анхаарах ёстой зүйлдээ санаа тавьж, байх ёстой газраа байсан нь дээр гэж бодож байна. Мэдээж дараа нь буцаж ирэх нь ойлгомжтой. Харин тэр тохиромжтой цаг нь хэзээ вэ гэдэг нь үргэлж багт маань асуудал болж байгаа байх. Одоо багтайгаа буцаж нэгдсэн бөгөөд дахин ийм асуудал гарахгүй гэж найдаж байна” хэмээн ESPN-ийн сэтгүүлчдэд өгсөн ярилцлагадаа дурджээ.

Уарриорс өнгөрсөн долоо хоногт Виггинсгүйгээр маш сайн байж чадсан. Тэд түүнгүйгээр 3:1 амжилттай буюу Вашингтон Визардс, Нью-Йорк Никс, Торонто Рэпторс багийг хожсон. Харин энэ даваа гарагт Бостон Селтикс багт 140:88-аар бут ниргүүлж олны анхааралд өртсөн билээ. Тэдний аялан тоглолт өндөрлөсөн. Мосес Мүүди Виггинсийн оронд гараанд гарж ашигтай тоглож чадсан. Харин Уиггинс эргэн ирснээр дахин сэлгээний сандал руу шилжих болж байна. 29 настай Уиггинс энэ улиралд 12.7 оноо, 4.3 самбараас бөмбөг авалт дунджилж, Уарриорсын хамтаар 4 дэх улиралдаа тоглож байна. дасгалжуулагч Стив Керр “Надад сагсан бөмбөг хамаагүй, Амьдрал бол тоглоомоос хамаагүй чухал зүйл. Хамгийн гол нь манай тоглогчдын аль нэг нь гэр бүлийнхэнтэйгээ хамт байх ёстой үе тулгарахад тэд тэндээ байх болно" хэмээн мэдэгджээ.