Зул сарын баярын өдрийн мартагдашгүй тоглолтууд

Өсөхбаяр

12 сарын 25

1963 он: Премьер лигт 66 гоол бүртгэгдэв

1963 оны зул сарын баярын өдрөөр Английн нэгдүгээр дивизоны лиг буюу одоогийн Премьер лигт нийт 66 гоол орж байсан түүхтэй 12-р сарын 26-нд болсон нийт 10 тоглолт болж, бүх тоглолт багадаа хоёр гоолтой өндөрлөж байв. Хамгийн өндөр оноог Фулхэм Ипсвичийн эсрэг оруулсан ба 10:1 харьцаатай өндөрлөсөн байдаг. Фулхэмийн баруун жигүүрийн тоглогч Грэхэм Леггат гуравхан минутын дотор гурван гоол оруулж, түүхэнд бичигдэх хет-трик хийсэн нь энэ өдөр юм. Энэ нь Английн хөлбөмбөгийн түүхэн дэх хамгийн хурдан хет-трик болсон бөгөөд 2015 онд Садио Мане Саутхэмптоны төлөө хоёр минут 56 секундийн дотор гурван удаа гоол оруулснаар тавь гаруй жилийн дараа энэ амжилтыг эвдсэн юм.

Домогт Фил Жэйксон энэ өдөр замналынхаа 1000 дахь ялалтыг байгуулав

2008 оны NBA-ийн аваргын төлөөх тоглолтод Лос Анжелес Лэйкерс, Бостон Селтикст багууд учраа таарч Бостон Селтикс цом өргөж байсан түүхтэй. 2008 оны энэ өдөр Фил Жэйксоноор удирдуулсан Лос Анжелес Лэйкерсийнхэн Бостон Селтикстэй аваргын тулаанаас хойш дахин учирч, Селтиксийн 19 дараалан хожсон цувралыг зогсоов. Тус тоглолтод Коби Брайант 27 оноо, Пау Газол 7 оноо авсан ба 92:83 харьцаатай хожлоо. Энэ нь Фил Жэйксоны 1000 дахь хожил болон түүхэнд бичигджээ.

2011 он: Деррик Рөүзийн хожлын довтолгоо

2011 онд тус жилийн шилдэг тоглогч Деррик Рөүзээр ахлуулсан Чикаго Буллс, Лос Анжелес Лэйкерстэй баярын тоглолт хийв. Тоглолт дуусахад 20 секунд дутуу байхад 86:87 харьцаатай Лос Анжелес Лэйкерс тэргүүллийг атган бөмбөг эзэмшиж байлаа. Бөмбөгийг хажуугийн шугамаас Лэйкерс гаргахад Лоул Денг тасалж, бөмбөг хэд хэдэн тоглогч дамжин явсаар Деррик Рөүзийн гарт ирэв. Бүгд түүнийг эцсийн довтолгоог хийхийг мэдэж зай тавьж өглөө. Хамгаалагч Деррик Фиширийн өөдөөс дайран орж, дундын зайнаас хөөргөж довтолсноор 88:87 харьцаатай тэргүүлж, улмаар ялалт байгуулсан билээ.

1971 он: NFL-ын хамгийн удаан тоглолт болж өнгөрөв

Христийн мэндэлсний баярын өдөр Америк хөлбөмбөгийн мэргэжлийн лиг болох NFL-ч мөн адил баярын тоглолт хийдэг байв. 1971 онд Канзас Сити Чифс болон Майами Дельфинс багуудын баярын тоглолт болсон ба хоёр баг харилцан довтолсоор үндсэн цагт 24:24-өөр тэнцэв. Эхний нэмэлт цагт аль ч баг нь гоол оруулалгүй хоёр дахь нэмэлт цаг руу шилжив. Эцэст нь хоёр дахь нэмэлт цаг дуусахад 7:20 дутуу байхад Майамигийн Гаро Йепремейан ялалтын гоолыг оруулж, тоглолт өндөрлөв. Уг тоглолтын бодит цагт гурван цаг 21 минут үргэлжилж хамгийн удаан болсон тоглолтоор бүртгэгдсэн байна.

1993 он: Скотти Пиппен өөрийгөө нотлон харуулав

Тус жилийн зун нь Майкл Жордан зодог тайлж, Скотти Пиппенд хүмүүсийн анхаарал төвлөрөв. Чикаго Буллс багийг удирадаж чадах эсэхийг зул сарын баярын тоглолтын өдөр олон сая үзэгчид үзсэн гэдэг. Шакил О'Нил, Пенни Хардауэй нараар удирдуулсан Орландо Мэжиктэй тоглосон ба Тони Кукочийн ялалтын шидэлтээр 95:93 харьцаатай ялалт байгуулсан билээ. Тус тоглолтод Пиппен 28 оноо, 8 самбар, 6 оновчтой дамжуулалт гүйцэтгэж, өөрийгөө нотлосон юм.

Шилдэг багийн чансааг Бостон, Миннесота, Милуоки багууд тэргүүлж байна

12 сарын 27

Нийт сагсан бөмбөг сонирхогчдодоо "Дэлхийн сагсан бөмбөгийн өдөр"-ийн мэнд хүргэе

12 сарын 27

Сан Франциско Донс баг өрсөлдөгчөө 40 оноогоор илүүрхэв

12 сарын 27

Бен Симмонс нурууны бэртлийн улмаас багадаа хоёр долоо хоног тоглолтод оролцохгүй

12 сарын 27

Эмбийд замналдаа 7 дахь удаагаа 50-аас дээш оноо авлаа

12 сарын 27