1891 оны 12 сарын 21-нд Канадын биеийн тамирын багш доктор Жеймс Нейсмит оюутнуудаа өвлийн улиралд идэвхтэй байлгах үүднээс энэхүү спортыг хөгжүүлсэн байна.
Ийнхүү 12-р сарын 21-ны өдрийг Дэлхийн Сагсан бөмбөгийн өдөр болгон тунхаглажээ.

Өнөөдөр сагсан бөмбөг нь дэлхийн хамгийн алдартай, өргөн хүрээний спортын нэг болтлоо өргөжин тэлсээр байна. Сагсан бөмбөгийн дээд байгууллага болох FIBA-гийн тооцоолсноор өнөөдөр дэлхий даяар дор хаяж 450 сая хүн сагсан бөмбөгийг ямар нэг байдлаар тоглосон байдаг. 1936 оны Берлиний Олимпод сагсан бөмбөг элсэн орсон цагаас хойш олимпын нэг ч олимп алгасалгүй томоохон төрөл болтлоо хөгжсөөр байна. 

Сагсан бөмбөгийн спорт нь Хойд Америк, ялангуяа АНУ, Европ, Ази болон бусад бүс нутагт томоохон байр суурь эзэлдэг. Эмэгтэйчүүд сагсан бөмбөгийн спортыг 1892 онд буюу энэ тоглоомыг зохион бүтээснээс хойш жил хүрэхгүй хугацааны дараа тоглож эхэлсэн. Эмэгтэйчүүдийн сагсан бөмбөг нь 1976 оны Монреалийн наадамд Олимпод оролцох эмэгтэйчүүдийн багийн спортоор анхлан гарч ирэн одоог хүртэл мөн адил олимпын төрөлд багтаж байна. 

Спорт, тэр дундаа хөгжлийн бэрхшээлтэй хүмүүсийн спортыг хүлээн зөвшөөрөх нь энх тайван, хөгжлийг дэмжих, хүний эрхийг хүндэтгэх, жендерийн тэгш байдлыг хангах, эмэгтэйчүүд, охид, тэр дундаа сагсан бөмбөгийн спортыг бүх нийтээр алдаршуулж, чадавхжуулахад чухал үүрэг гүйцэтгэдэг. 2023 оны 8-р сарын 25-ны өдөр НҮБ-ын Ерөнхий Ассамблей 12-р сарын 21-ний өдрийг Дэлхийн сагсан бөмбөгийн өдөр болгон зарлах тухай тогтоолыг баталсан байна.