2024-25 оны Клевеланд Кавальерс 2014-15 оны эзэрхэг Уарриорстой ижил төсөөтэй зүйл маш их ажиглагдаж байна…
2014-15 оны Дайчид тэр үедээ:
Стеф Көрри (25 нас)
Клей Томпсон (23 нас)
Андре Иггуодала (30 нас)
Дреймонд Грийн (23 нас)
Эдгээр багийн цөм болсон тамирчидын дундаж нас нь 25.
Харин энэ жилийн Кавсын тухайд:
Дариус Гарланд (25 нас)
Донован Мичелл (28 нас)
Жарретт Аллен (26 нас)
Эван Мобли (23 нас)
Энэ багийн цөм болсон гол дөрвөн тоглогчийн дундаж нас мөн л 25.
Хоёр самбрын хамгаалагчид өндөр ихэр цамхаг.
Хамгаалалтад шилжих хурд.
Шинэ дасгалжуулагч.
Бие биедээ дамжуулах чадвар.
Ялдаг сагсан бөмбөг. 
Зарим үгүйсэгчид Кавсыг плейоффд ороод амжилт үзүүлж чадаагүй, батлаж чадаагүй гэж хэлж магадгүй.
2015 оны Уарриорс ч өмнөх жилүүддээ мөн адил плейоффос мултарж л явсан түүхтэй гэдгийг санах хэрэгтэй.
Тэд 2015 онд аварга авахаасаа өмнө:
2013 онд хоёр дугаар тойргоос мултрав
2014 онд эхний тойргоос мултраь
Кавс ч мөн ялгаагүй:
2023 онд эхний тойргоос мултрав
2024 онд Мичеллийг гэмтэлд алдаж аваргуудад хоёр дугаар шатанд хожигдов
Кавс мэдээж Уарриорс шиг ирэх жилүүдэд ноёрхож 4 аварга авахгүй л байх. Учир нь шинэ CBA дүрмээр Уарриорсд тохиолдсон 73-9 баг дээр КД шиг ур чадвар нэмэх боломжгүй болгосон байдаг.
Өнөөдөр л гэхэд Кавс Лейкерсийг торох юмгүй хожиж улиралд 29-4 гэсэн амжилттайгаар бусад 29 багаа итгэл төгс тэргүүлж байна. 33 тоглолтод 4 удаа л ялагдаж байгаа баг улиралд 70+ хожоод гараад ирэхэд эргэлзэх зүйл алга. Тэдний гол тоглогчид бүгд гэрээгээ сунгасан ба Клевеланд гэдэг баг анхны удаа Лебронгүйгээр ийм өндөр амжилтад хүрч байна…
