2023 оны сүүлчээр Отоваяма нэрийг авч, өөрийн дэвжээгээ нээсэн Ёкозүна М.Ананд Какүрюү дэмжээндээ монгол шавь элсүүлэхээр оролдсон ч Японы мэргэжлийн Сүмо бөхийн холбооноос зөвшөөрөл олгосонгүй. 

Энэ жил Мичинокү ояката тэтгэвэртээ гарч, дэвжээ нь хаагдсан ба тус дэвжээний бөхчүүд нь Отоваяма дэвжээнд шилжин ирсэн. Тэдний дунд окэзи Киришима байгаа. 

Сүмо Бөхийн холбоонд одоо мөрдөгдөж буй “Нэг дэвжээнд нэг гадаад бөх” дүрмийн дагуу Какүрюү дахин гадаад бөх буюу монгол шавиа оруулж чадахааргүй болжээ. Одоогийн байдлаар 44 дэвжээний 20-д нь монгол сүмочид багтаж байна. Энэ талаар нэрээ хэлэхийг хүсээгүй нэгэн ояката сэтгүүлчдэд “Сүмоч болох хүсэлтэй гадаад залуус зөндөө байна. Тэгэхээр “1 дэвжээнд 1 гадаад бөх” дүрмээ “Нэг дэвжээнд 1 монгол бөх, 1 өөр орны гадаад бөх” болгож өөрчлөх хэрэгтэй” хэмээн ярьсан байна.