10-р сарын 3-ны өдөр түүхэн амжилтууд дахин шинэчлэгдэж МУГТ Б.Чинзориг мөнгөн медалийн болзол хангаж алтан медалийн төлөө Тайваны тамирчинтай тулалдахаар боллоо. Тэрбээр ирэх зуны Олимпын эрхээ авахаас гадна боксын спортын түүхэнд Азийн наадмаас хос медаль хүртсэн анхны тамирчин боллоо. Байт харвааны төрөлд Б.Отгонболд аваргын төлөө шалгарч тус төрөлд анх удаа медалийн болзол хангасан анхны тамирчин боллоо. 

1.    Байт харваа

Азийн наадмын байт харвааны тэмцээн үргэлжилж ганцаарчилсан төрөлд өрсөлдөж буй Б.Отгонболд финалд шалгарлаа. Тэрбээр хагас шигшээд Казахстаны харваач Илфат Абдуллиныг 6:2-оор буулган авч, Азийн Наадмын мөнгөн медалийн болзол биелүүлээд зогсохгүй “Парис 2024” Олимпын эрхээ авлаа. Аваргын төлөө 10-р сарын 7-ны 11:30 цагаас эзэн орны харваач Жи Шиан Шоутай цэц мэргэнээ сорин өрсөлдөх юм. Монгол улс өмнө нь Азийн наадмаас байт харвааны төрлөөр медалийн индэрт гарч амжаагүй байсан ба анхны медалийг Б.Отгонболд авчирч, азийн наадмын түүхэнд шинэ мөр үлдээлээ. 

2. Хөнгөн атлетик

09:10 800м-ын гүйлт З.Ганхишиг 800м-ын гүйлтийн зайд 2:12.75 амжилттайгаар гараандаа 5-р байр эзэллээ. Мөн тэрээр энэхүү амжилтаар хувийн рекордоо шинэчлэн тоглоолоо. Мөн 800м-ын гурав дахь гараанд уралдсан Ч.Шинэцэцэг 2:13.82 амжилттайгаар 6-р байранд шалгаран хувийн амжилтаа шинэчлэн тогтоов. 

09:40 цагаас эхэлсэн 4х400 метрийн буухиа гүйлтийн тэмцээнд Монгол Улсын шигшээ баг тамирчид болох Э. Төртогтох, О.Зулхүү, Н.Мөнхбаяр, Н. Жандос нарын тамирчид тамирчид өрсөлдөж 3.26.94  амжилтаар барианд орлоо.

3. Бадминтон 

10:00 цагаас Г.Мягмарцэрэн Непалийн тамирчинтай хоёр сэт өрсөлдөн 0-2 харьцаатай

10:00 цагаас М.Батдаваа Энэтхэгийн тамирчинтай хоёр сэт өрсөлдөн 0-2 харьцаатай

12:00 цагаас А.Мөнхцэцэг Тайваны тамирчинтай өрсөлдөн 0-2 харьцаатай

14:40 минутаас Э.Сумьяасүрэн Шри Ланкийн тамирчинтай өрсөлдөн 0-2 харьцаатай

16:00 цагаас эмэгтэйчүүдийн хосын төрөлд Б.Хуланоо, А.Мөнхцэцэг нар Хонгконгын Хос тамирчинтай тулалдан 0-2 харьцаатай тус тус ялагдал хүлээлээ.

4. Бокс

20:45 цагаас Үндэсний шигшээ баг, Алдар спорт хороо, АПУ ХХК тамирчин, МУГТ Б.Чинзориг 2022 оны Ази тивийн аварга Тайландын тамирчин  Бунжон Синсиритэй тулалдаж гурван үе илт илүүрхэж 5:0 харьцаатай ялалт байгуулан мөнгөн медалийн болзол хангалаа. Улмаар ирэх зуны Олимпод оролцох эрхээ авсан ба давхар Азийн наадмаас хос медаль авсан боксын спортын анхны тамирчин боллоо. Тэрээр өмнөх шатанд Казакстаны тамирчинтай тулалдаж 5:0 харьцаатай буулган авсан  билээ. Аваргын төлөө маргааш орой Хятадын Тайваны тамирчин Лай Чу Ентэй тулалдана. 

5. Шатар 

15:00 Багийн төрөлд эрэгтэйчүүдийн баг 5-р тойрогт Вьетнамын багтай тоглон 3 хожин нэг хожигдож нийлбэр дүнгээр 11.5 оноотой тэмцээнийг үргэлжлүүлж байна. 
Харин эмэгтэйчүүдийн багийн төрөлд хүчирхэг Энэтхэгийн багтай тоглон хожил авч чадалгүй өнгөрсөн өдрийн 8.5 оноотойгоор тэмцээнээ үргэлжлүүлж байна. 

6. Хүндийн өргөлт

15:00 Эрэгтэйчүүдийн 73 кг-ын жинд А.Ананд өрсөлдөн эхний тойрогт 111 оноо цуглуулж, хоёрдугаар тойрогт гурав дахь түлхэлттэй өргөлтөө өргөж чадалгүй тэмцээнээ өндөрлүүллээ. Мөн эрэгтэйчүүдийн 81 кг-ын С.Цэнгүм өрсөлдөж эхний тойрогтоо 104 оноо, хоёрдугаар тойрогтоо 227 оноо цуглуулснаар шигшээ тоглолтод шалгарч чадсангүй. 

8. Софт Теннис

10:00 цагаас Монголын эрэгтэй баг Индонезийн багтай тоглон 0-3 харьцаатай

10:00 цагаас Монголын эмэгтэй баг Энэтхэгийн багтай тоглон 0-3 харьцаатай 

11:45 минутаас Монголын эрэгтэй баг Японы багтай тоглон 0-3 харьцаатай

13:30 минутаас Монголын эрэгтэй шигшээ Филиппины багтай учраа тааран 0-3 харьцаатай 

13:30 минутаас Монголын эмэгтэй шигшээ зохион байгуулагч БНХАУ-ын багтай учраа тааран 1-2 харьцаатай 

15:15 минутаас Монголын эмэгтэй шигшээ Вьетнамын багтай тоглон 1-20 харьцаатай тус тус ялагдлаа. 

9. Дугуйн замын уралдаан

14:00 цагаас 39.6 км-ын дугуйн замын уралдаад С.Жамбалжамц 52:30.99 амжилттайгаар 14 орны тамирчдаас 8-р байр эзэллээ. Энэхүү төрлийн тэргүүн байрыг Казакстаны тамирчин 48:05.75 амжилттайгаар авсан бол дэд байрыг БНХАУ-ын тамирчин, гуравдугаар байрыг Хонгконгын тамирчин тус тус хүртлээ. Эмэгтэй дугуйн замын төрөлд 11:00 цагаас өрсөлдсөн Ж.Анужин 18.3 км замыг 28:42.51 секундэд туулан 13-р байраар барианд орлоо. Тус төрөлд Тэргүүн байрыг Узбекстаны тамирчин, дэд байрыг Японы тамирчин, гутгаар байрыг Казакстаны тамирчид тус тус хүртсэн байна. Манай дугуйчдын тэмцээн үүгээр дуусаагүй. Энэ 10 дугаар сарын 5-нд засмал замын бөөн гараатай уралдаанаар үргэлжлэх юм.

10. Спорт авиралт 

Спорт авиралтын тэмцээн 11:30 минутаас эхэлж, 2 оролдлогын дараа шилдэг 1 цагийн үзүүлэлтээр нь тамирчдыг жагсаахад эмэгтэйчүүдээс Нямдоогийн Сэлэнгэ 15-р байр, эрэгтэйчүүдээс Сүхбаатарын Итгэл 24, Баттулгын Билгүүн 25-р байр тус тус эзэллээ. Маргааш манай эрэгтэй баг буухиа төрөлд оролцох ба нийт 10 баг өрсөлдөх юм. Спорт авиралтын төрөлд Азиас Индонезийн тамирчид дэлхийд дээгүүр өрсөлддөг бөгөөд үүнийгээ ч баталж энэ төрөлд дэлхийн рекордыг эзэмшигч Веддрик Леонардо 4,978 секундын амжилтаар урьдчилсан тэмцээнд тэргүүллээ. Тэрээр нийт тамирчдаас ганцаараа 5 секундээс дотогш амжилт үзүүлсэн. Эмэгтэйчүүдийг мөн л Индонезийн тамирчин, энэ оны дэлхийн аварга Десак Деви тэргүүллээ.