Өдгөө тав дахь олимподоо оролцож буй Жүдо бөхийн домог +100 кг-ын босоо аварга гэгддэг Тедди Ринер 35 насандаа нутгийн дэвжээн дээрээ зодоглож байна. 2008 оны Бээжингийн олимпод оролцсон цагаасаа хойш:

Лондон 2012-т АЛТ

Рио 2016-д АЛТ

Токио 2020-д багийн төрөлд АЛТ

Бээжин 2008-д ХҮРЭЛ

Токио 2020-д ХҮРЭЛ медаль хүртэж байсан билээ. Мөн 2007 оны ДАШТ-д оролцсон цагаасаа хойш:

2007, 2008, 2009, 2010, 2011, 2013, 2014, 2017, 2017, 2023 ОНЫ АВАРГА

2010 онд МӨНГӨ

     2017 онд ХҮРЭЛ медаль хүртэж байсан. За тэгээд Гранд Слам, Гран При, Европын аваргийг нь тоолбол дуусахгүй босоо тамирчин юм.

Өнөөдөр тав дахь олимподоо оролцож буй Тедди баавгай эхний шатандаа хийлсэн ба шөвгийн 16-д АНЭУ-ын тамирчин Магомедомар Магомедоравтай барилдаж, нэмэлт цагт ялалт байгуулсан. Түүний араас шигшээ 8-ын барилдаанд Гүржийн бөх Гурам Түшишвилитэй гал гарсан барилдааныг хийж, эцсийн мөчид цэвэр яллаа. Барилдааны төгсгөлд Гурам нэлээн шатаж, Теддиг биеийн хэлэмжээр өдсөн ч хашир аварга тоосонгүй. Шөвгийн дөрөвт өнөөдөр орой 22:00 цагаас Тажикистаны бөх Темур Рахимовтой медалийн төлөө барилдана.

Тедди Ринер +100 кг-ын жингийн ганцаарчилсан төрөлд гурав дахь алтан медалиа хүртэж чадах болов уу?