Хилээр нэвтрэхдээ хар тамхи тээсэн хэргээр ОХУ-д есөн жилийн хорих ял сонссон Бритни Гринерийн давж заалдах гомдлыг аравдугаар сарын 25-нд хэлэлцэх гэж байна. Олимпын хошой алтан медальтныг өнгөрсөн сард буруутгаж, есөн жилийн хорих ялыг оноосон. Түүнийг өнгөрсөн хоёрдугаар сард Москвагийн ойролцоох нисэх онгоцны буудлаас баривчилж, гашишийн тос агуулсан тамхины хайрцаг эзэмшиж байсан хэргээр буруутгаж байсан юм. Гринерийн хуулийн баг дээд тал нь 10 жилийн ялтай ойролцоо байсан ялыг давж заалдаж байна. АНУ Гринерийг буруу шүүсэн гэж үзэж байгаа бөгөөд Гринерийг суллахад туслах зорилгоор хоригдлуудыг солих хэлэлцээрийг эхлүүлээд байгаа билээ. Гэсэн хэдий ч АНУ-ын зүгээс хатуу шүүмжилж, хариуд нь Оросын эсрэг эдийн засгийн хатуу хориг арга хэмжээ авсан Украины дайнаас болж эдгээр хэлэлцээ хүндрэлтэй байгаа юм.

 
Оросын зэвсгийн наймаачин Виктор Буттай холбоотой хоригдлуудыг солилцох асуудал яригдаж байна. Сагсан бөмбөгийн одыг суллахын тулд дотоодын дарамт шахалт ихсэж байгаа энэ үед АНУ-ын Ерөнхийлөгч Жо Байден өнгөрсөн сард Гринерийн гэр бүлийн хүнтэй уулзжээ. Гринер Рио 2016, Токио 2020 олимпийн сагсан бөмбөгийн эмэгтэйчүүдийн ангилалд багаараа алтан медаль хүртсэн юм. Тэрбээр мөн АНУ-ын багийг 2014, 2018 онд эмэгтэйчүүдийн сагсан бөмбөгийн дэлхийн аварга шалгаруулах тэмцээнд түрүүлэхэд тусалсан боловч Бямба гарагт Австралид болсон шигшээ тоглолтод Америкчууд дахин түрүүлэхэд хоригдсон хэвээр байсан учраас, энэ удаагийн дэлхийн аваргыг өнжихөд хүрсэн. Олон улсын олимпын хорооны ерөнхийлөгч Томас Бах өмнө нь Гринерийг саатуулсан талаар асуухад энэ нь АНУ-ын Олимп, Паралимпийн хорооны асуудал гэж хэлсэн. Гринер баривчлагдах үедээ ОХУ-ын Премьер лигийн Екатеринбург клубт тоглохоор явж байсан юм.

 

Н.Бэлгүүн