Жил бүр уламжлал болгон зохион байгуулдаг Дота2-ын хамгийн том тэмцээн буюу "The International" 12 дахь удаагаа зохиогдож байна. Энэ удаагийн тэмцээнийг зохион байгуулах эрхийг АНУ-ын Вашингтон мужийн Сиатл хот авсан ба 10 дугаар сарын 13-аас 30-ны өдөр хүртэл үргэлжилнэ.

Тус тэмцээнд “Aegis” буюу аваргын цомын төлөө 20 баг өрсөлдөх ба хамгийн олон баг оролцож буй 2 дахь удаагийн тэмцээн гэдгээрээ онцлогтой. Мөн өмнөх тэмцээнүүдээс өөр дүрмээр явагдана гэдгийг тэмцээн эхлэхээс өмнө зарласан. Өмнө нь хэсгийн шатны дүрэмд бүх багууд хоёр хэсэгт хуваагдан хэсэг дотроо тойргоор тоглон, шалгарсан багууд аваргын төлөө хуваагдан өрсөлддөг байсан бол энэ жил 2 үе шаттай явагдахаар болсон байна. 

Эхний шат буюу 4 хэсэгт хуваагдсан багууд хэсэг дотроо тойргоор тоглож, хэсэг тус бүрээс оноогоороо тэргүүлсэн эхний 4 баг цааш үргэлжлүүлэх бол сүүл мушгисан багууд хасагдана. 

Энэ жил нэмэгдсэн хоёрдугаар шат. Энэхүү шат нь цааш шалгарсан 16 баг маань хасагдах аюултай шатанд тоглож тухайн баг нь дээд жагсаалтаас эсхүл доод жагсаалтаас тоглох эсэхийг шийдвэрлэх чухал ач холбогдолтой юм.

Өмнө нь хэсгийн тоглолт гэж багууд хоорондоо маш их тоглодог байсан ба сүүлийн  өдрийн зарим тоглолтууд ямар ч ач холбогдолгүй болдог байсныг энэхүү 4 хэсэгт хуваагдсан багууд хэсэг дотроо гурван тоглолт хийснээр багасаж байгаа юм. А хэсгийн 1-р гарсан баг B хэсгийн 3/4-р гарсан багаас аль нэгийг сонгож тоглох бөгөөд хожсон баг нь тэмцээнийг Дээд жагсаалтаас үргэлжлүүлэх давуу талтай. Харин доод шатанд шалгарсан багууд хэсгээсээ хэдээр гарснаас шалтгаалж тоглолтуудаа үрлгэжлүүлнэ. Энэ удаагийн тэмцээний шагналын сан маш бага буюу 10 жилийн өмнө 2013 онд зохиогдож байсан TI 3-тай ойролцоо буюу $2,957,685 хэмээн зарлажээ. 

Хэсгийн шат: 2023.10.13-2023.10.16

Хасагдах шат 1: 2023.10.21-2023.10.23

Хагас финал болон финалын шат: 2023.10.28-2023.10.30 өдрүүдэд тус тус зохиогдоно.