Өнөөдөр хоёр дахь олимпын наадамдаа оролцож буй буудлага спортын тамирчин Нянтайн Баяраа 50м урт бууны гурван байрлалаас буудах дасгалд тив, дэлхийн шилдэг 43 тамирчинтай өрсөлдөж, 584 оноотойгоор 30-р байранд орлоо. 

Түүний төрөлд Чехийн тамирчин PRIVRATSKY Jir 590 оноотойгоор 8-р байранд, Энэтхэгийн тамирчин KUSALE Swapnil 591 оноотойгоор 7-д, Польшийн тамирчин BARTNIK Tomasz 591 оноотойгоор 6-д, Сербийн тамирчин KOVACEVIC Lazar 592 оноотойгоор 5-т, Францын тамирчин KRYZS Lucas Bernard Denis 592 оноотойгоор 4-т, Украйны тамирчин KULISH Serhiy 592 оноотойгоор 3-т, Норвегийн тамирчин HEGG Jon-Hermann 593 оноотойгоор 2-р байранд, БНХАУ-ын тамирчин LIU Yukun 594 оноотойгоор тус тус финалын шатанд өрсөлдөхөөр болж байна. 

Ж.Ганхуяг дасгалжуулагчтай ОУХМ Н.Баяраагийн хувьд 50м урт бууны гурван байрлалаас буудах дасгалд 2018 оны ЧанВоны Дэлхийн аварга шалгаруулах тэмцээнд 1168 оноотойгоор 41-р байр эзэлж байсан юм. Мөн энэ оны Азербайжан улсын нийслэл Баку хотод болсон Дэлхийн цомын тэмцээнд 575 оноотойгоор 55-т орж байжээ.