The Mongolz баг албан ёсоор 19 настай М.Азбаяр буюу “Senzu”-г үндсэн бүрэлдэхүүнээсээ хасаж, сэлгээнд шилжүүллээ. Энэхүү гэнэтийн шийдвэр нь багийн хувьд амжилттай улирлын дараа гарч буй бөгөөд тэд энэ улиралд Esports World Cup-д түрүүлж, Austin Major, Blast Bounty, FISSURE Playground 2 тэмцээний финалд шалгарсан билээ.

Senzu-ийн хувьд багийн энэ амжилтын гол тоглогчдын нэг байсан бөгөөд зуны амралтаас хойш дунджаар 1.11 рейтингтэй тоглож байв.

The Mongolz багийн мэдэгдэлд:

“Өнгөрсөн хугацаанд The MongolZ CS2 багийн тоглогчид та бүхний сайн мэдэх бүрэлдэхүүнээрээ Монголын цахим спортын хөгжилд шинэ хуудсыг нээж, Counter-Strike тоглоомыг энгийн нэгэн компьютерын тоглоом бус багийн спорт хэмээх үнэт зүйлээр нь олон нийтэд таниулж ирсэн билээ.

Гэсэн хэдий ч, тоглогч Senzu албан ёсоор “Inactive” статуст шилжиж буйг мэдэгдэж байна.

Энэхүү шийдвэрийг багийн тоглогчид болон менежментийн багийн зүгээс удаан хугацаанд нухацтай хэлэлцэн, олон талын байр суурийг харгалзан үзсэний үндсэн дээр гаргасан болно.

Бид The MongolZ-ийн үнэнч дэмжигч та бүхнийг энэ шийдвэрийг хүндэтгэн, ойлгож хүлээн авна гэдэгт итгэлтэй байна.

The MongolZ CS2 баг улирлын үлдсэн тэмцээнүүдэд Stand-In тоглогчтойгоор оролцох болно”. Хэмээн мэдэгдэв.

Энэ бол The Mongolz багийн хоёр жил гаруйн дараах анхны бүрэлдэхүүний өөрчлөлт бөгөөд Senzu 2023 оны есдүгээр сард The Mongolz багийг дэлхийн чансааны 30-р байр орчимд байхад анх элсэж байсан. Тэрбээр удалгүй багийн гол тоглогч болж, The Mongolz багийг “underdog”-оос аваргын төлөө өрсөлдөгч болгож чадсан юм. Тэрбээр өнгөрсөн наймдугаар сард EWC тэмцээний аварга болоход үнэтэй хувь нэмэр оруулсан билээ.

Senzu “X” хуудсандаа:

“Гэрээсээ яваад байгаа мэт сэтгэгдэл төрж байна. Бид хамтдаа олон дурсамж бүтээсэн. Хамгийн сайн сайхныг багийнхандаа хүсье. Биднийг дэмждэг бүх хүмүүсээс уучлал хүсэж байна, муу мэдээ дуулгасанд өршөөгөөрэй” хэмээн бичжээ.

The Mongolz багийн одоогийн бүрэлдэхүүн:

·        Б.Гарьдмагнай “bLitz”

·        М.Содбаяр “Techno”

·        Б.Өсөхбаяр “910”

·        Б.Аюуш “mzinho”

·        Б.Эрдэнэдалай “maaraa” /coach/

·        М.Азбаяр “Senzu” /сэлгээний тоглогч/

Senzu The Mongolz багт нэгдсэнээс хойш амжилтууд: