Татварын албаныхан Японы олимпын хорооны 2018-2022 оны санхүүгийн жилийн хооронд нягтлан бодох бүртгэл буруу байсныг илрүүлсний улмаас тус хороо хоёр тэрбум иен буюу 13 сая ам.долларын татварыг буцаан төлөхөөс өөр аргагүйд хүрчээ. 

Японы Олимпын хорооны зардал болон орлогыг тооцож, төлөх цаг хугацааны хувьд зөрөлдөөнтэй байсан гэж мэдэгдсэн ч татварын мэдүүлгээ шинэчилж, нэмэлт татварыг Токиогийн бүс нутгийн татварын албанд төлсөн байна.

Хорооны удирдах зөвлөлийн ахлах гишүүн Такахиро Китано сэтгүүлчдэд "Үүнд маш их харамсаж байна. Гэхдээ ийм зүйл дахин давтагдахгүйн тулд бид чадах бүхнээ хийх болно" гэж мэдэгджээ. Японы олимпын хороо нь нийтийн ашиг сонирхлын компани бөгөөд зарим үйл ажиллагаа нь татвараас чөлөөлөгддөг.

Татварын товчооны шалгалттай тулгарсан Японы Олимпын Хороо нь нягтлан бодох бүртгэл, аж ахуйн нэгжийн татварын тооцоогоо татварын нягтлан бодох бүртгэлийн компанид шилжүүлж, дотоод аудитор болон хөндлөнгийн байгууллагаар шалгуулсан гэдгийг онцолжээ. Такахиро Китано хэлэхдээ: "Нягтлан бодох бүртгэлийн хорлонтой үйлдлийн талаар нотлох баримт байхгүй. Бид нөхцөл байдлыг тамирчдын ирээдүйд сургалтын төслүүдэд нөлөөлөхгүй байхаар зохицуулах болно" гэжээ.