UFC-ийн нэрт тулаанч Конор МакГрегор энэ сарын эхээр Майамид болсон NBA-гийн финалын сагсан бөмбөгийн тоглолтын дараа нэгэн эмэгтэйд бэлгийн хүчирхийлэл үйлдсэн хэрэгт буруутгагдсан юм. Энэхүү хэрэг Касея төвийн угаалгын өрөөнд болсон гэж дурджээ. МакГрегорыг өмгөөлж буй хуульч хэлэхдээ "Энэ гүтгэлэг нь худал. Ноён МакГрегорыг ийм зүйлд автахгүй" гэжээ. Улмаар Майами хотын цагдаагийн газраас мөрдөн байцаалтын ажиллагаа эхлүүлсэн байна.
UFC мэдэгдэлдээ, энэ мэдээллийг мэдэж байгаа бөгөөд нэмэлт мэдээлэл цуглуулж байна. NBA-гийн финалын тоглолтыг зохион байгуулсан Майами Хит багийнхан бүрэн хэмжээний мөрдөн байцаалт явуулж байна гэж мэдэгджээ. Хохирогч эмэгтэйн өмгөөлөгч Ариэль Митчелл хэлэхдээ, үйлчлүүлэгч нь хэрэг гарахаас өмнө 6-р сарын 9-ний баасан гаригт болсон NBA-гийн финалын дөрөв дэх тоглолтыг үзэж байсан. Эмэгтэйг МакГрегор бэлгийн хүчирхийлэлд өртөхөөс өмнө NBA болон Майами Хит багийн хамгаалалтын ажилтнууд эрэгтэйчүүдийн угаалгын өрөөнд оруулсан бөгөөд эмэгтэй угаалгын өрөөнөөс гарч чадсан гэжээ. Эмэгтэй хамгаалалтын ажилтнуудаас гуйсны дараа түрийвчээ авч явсан гэж нэмж мэдэгджээ. Лиг, баг, талбайн аюулгүй байдлын ажилчид нМакГрегорыг угаалгын өрөөнд барьж, тусгаарлахад тусалсан гэсэн байна. Мөн түүнчлэн, эмэгтэйн өмгөөлөгч сэжиглэгдсэн үйл явдлын нэг хэсгийг харуулсан видео бичлэгийг олж авсан гэж хэлжээ. Энэ үйл явдалтай холбоотой цагдаагийн тайланг зургадугаар сарын 11-ний ням гарагт гаргасан гэж Майами хотын цагдаагийн газраас хэлсэн байна. "Энэ бол нээлттэй мөрдөн байцаалтын ажиллагаа тул одоогоор нэмэлт мэдээлэл өгөх боломжгүй" гэж цагдаагийн газрын хэвлэлийн төлөөлөгч хэлжээ.
Ирландын тулаанч NBA-гийн финалын тоглолт үзэж байхдаа Майами Хит багийн маскот сахиусыг мөргөж, цохисон нь спортын ертөнцөд олны анхаарлын төвд ороод байсан бол түүний тоглолтын дараах үйл явдал дайран дээр давс нэмсэн цочирдом мэдээ болсон юм. Дашрамд сонируухалад, Майами Хит багийн сахиусын хувцсыг өмсөж байсан ажилтан хэрэг гарсны дараа орон нутгийн эмнэлэгт хүргэн эмчлүүлсэн гэсэн мэдээлэл гарсан байна.
