ОХУ-ын Допингийн эсрэг агентлаг Камила Валиевагийн допингийн шинжилгээнд бүтэлгүйтсэнтэй холбоотой мөрдөн байцаалтаа дуусгасан бөгөөд энэ сарын сүүлээр сахилгын шүүх хурал болж магадгүй байна. РУСАДА-гийн ерөнхий захирал Вероника Логинова Оросын төрийн мэдээллийн ТАСС агентлагт өгсөн ярилцлагадаа тус байгууллага лхагва гаригт  буюу 9-р сарын 14-нд мөрдөн байцаалтын ажиллагаа дууссан гэж мэдэгджээ. Логиновагийн хэлснээр сахилгын сонсгол 9-р сарын сүүл эсвэл 10-р сарын эхээр явагдах магадлалтай боловч яг товыг тогтоогоогүй байна.  Валиева 2022 оны Бээжингийн Өвлийн Олимпийн наадмаас багаараа алтан медалийн эзнээр тодорсны дараа буюу хоёрдугаар сарын 8-нд Валиевагаас хориотой бодис болох триметазидин илэрсэн юм. "Бээжин-2022" өвлийн олимпын уран гулгалтын багийн төрөлд допингийн сорил шинжилгээ маргаан дагуулснаар өнөөг хүртэл тус медаль гардуулах ёслол болоогүй. Өнгөрөгч өвөл болсон олимпоор АНУ хоёрдугаарт, Япон гуравт, Канад дөрөвдүгээр байрт орсон боловч допингтой холбоотой шийдвэрээс болж эдгээр үр дүнд өөрчлөлт орох боломжтой юм.  Оросын допингийн эсрэг агентлаг Валиеваг түр хугацаагаар түдгэлзүүлэхгүй байхаар шийдсэн бөгөөд тухайн үед Валиева 15 настай байсан учир үргэлжлүүлэн эмэгтэйчүүдийн төрөлд оролцохыг зөвшөөрсөн юм. ОУОХ, WADA бүгд түүнийг тэмцээнд оролцохыг түр түдгэлзүүлэх эрхийг сэргээхийн тулд Спортын арбитрын шүүхэд давж заалдсан боловч тэднийг хэрэгсэхгүй болгосон. Дэлхийн дээд амжилтыг эзэмшдэг Валиева өвлийн олимпын уран гулгалтын эмэгтэйчүүдийн ганцаарчилсан төрөлд дөрөвдүгээр байрт шалгарч, тэмцээний төгсгөлд нь нулимс дуслуулсан билээ. Маш их хараа хяналт, өндөр дарамтан дунд тэрбээр олимпыг даван туулсан.  Богино хөтөлбөрийн дараа Оросын залуу тамирчин охин тэргүүлсэн ч чөлөөт үзүүлбэрээр хэд хэдэн удаа унасан нь түүний сэтгэлзүй ямар байсныг харуулж байсан. . Валиева 12-р сарын 25-нд өгсөн дээжинд триметазидин илэрсэн байна. Валиеваг түр хугацаагаар түдгэлзүүлэх нь өсвөр насныханд "нөхөж баршгүй хохирол" учруулна гэж шүүх үзжээ.