Дэлхийн таеквондо Саудын Арабын Эр-Рияд дахь Махд спортын академи дахь албан ёсны 13 дахь бүсийн сургалтын төвийн үүд хаалгаа нээлээ. Дөрөвдүгээр сард Бүсийн сургалтын төв болгон томилогдсон тус байгууламж нь улс орны өсвөр үеийнхний тамирчдын чадварыг дээшлүүлэх зорилготой бөгөөд Саудын Арабт таеквондог хөгжүүлэх зорилгын нэг хэсэг юм. Дэлхийн таеквондогийн ерөнхийлөгч Чунгвон Чоу Махдын спортын академийн дэд ерөнхийлөгч Хашем Дагестанид өргөмжлөлийн гэрчилгээг албан ёсны ёслолын үеэр гардуулжээ. Дэлхийн таеквондогийн ерөнхий нарийн бичгийн дарга Жонгкан Сео, Пара таеквондогийн хорооны дэд дарга Усман Дилдар, Саудын Арабын таеквондогийн холбооны ерөнхийлөгч Шаддад Аль-Амри, Махд спорт академийн үйл ажиллагааны захирал Султан Аль-Анизи нар ёслолд оролцжээ. Ирэх 12-р сард Саудын Арабт болох дэлхийн таеквондогийн гранпри тэмцээний үеэр эрдэм шинжилгээ, спорт, бизнес, боловсролын чиглэлээр харилцан хамтран ажиллах зорилгоор хоёр тал харилцан ойлголцлын санамж бичигт гарын үсэг зурлаа.

"Эр-Рияд хотод дэлхийн таеквондогийн хамгийн сүүлийн үеийн бүсийн сургалтын төвийн нээлтэд оролцоход таатай байлаа" гэж дэлхийн таеквондогийн холбооны ерөнхийлөгч хэлжээ. Махдын спортын академи таеквондогийн ирээдүйн одод манай томоохон тэмцээнд оролцох боловсрол, сургалтыг санал болгоно гэдэгт эргэлзэхгүй байгаа аж. Дэлхийн таеквондогийн холбоо анхны Бүс нутгийн сургалтын төвийг 2008 онд БНХАУ-ын Бээжин хотноо зохион байгуулж, түүнээс хойш Азербайжаны Баку, Узбекистаны Ташкент, Ираны Тегеран, Италийн Ром зэрэг бусад нийслэл хотуудад нээгээд байсан бол Саудын Арабт ийнхүү сургалтын төв нээлээ.  Мөн БНХАУ-ын Сюси, Шэньжэнь, Германы Фридрихшафен, Их Британийн Манчестер, Өмнөд Солонгосын Мужу, Хорватын Рижека, Балбын Лалитпур хотуудад төвүүдийг томилсон байна.

Н.Бэлгүүн