М.Лхагвагэрэл: "Хятадын энэ бөхтэй ДАШТ-д таарч ялагдаж байсан. Даагаа нэхэх барилдаанд алдаа гаргахгүй барилдаж ялалт байгуулж чадсандаа баяртай байна. Анх чөлөөт бөхөөр хичээллэж байхдаа олимпод 2 удаа оролцоно гэсэн төсөөлөл байгаагүй. Хүн мөрөөдөж, зорьвол чаддаг юм байна."

Ийнхүү М.Лхагвагэрэл 2 дахь удаагаа хүн төрөлхтний эв нэгдэл болсон зуны олимпын наадамд Монгол улсыг төлөөлөн оролцохоор шалгарлаа.

Азийн тамирчдад олимпын эрх олгох тэмцээнд манай улсаасэрэгтэй 6 тамирчин өрсөлдөж, 2 эрх авлаа.

86 кг-д Б.Бат-Эрдэнэ, Зушен Линг ялж эрхээ өөрийн болгосон бол 125 кг-д М. Лхагвагэрэл Хятадын бөх Денг Живей буулган авснаар Парисыг зорих эрхтэй боллоо. Тэрбээр Токиогийн олимпын наадамд оролцож байсан туршлагатай бөгөөд ийнхүү хоёр дахь олимпын эрхээ авсан байна.