NBA-ийн 2023-20224 оны улирал дууссан ч ирэх улиралд аваргын төлөө өрсөлдөгч гол багуудын ажил одоо л эхэлж байна. Мэдээж энэ бол чөлөөт агентын зах зээлээс ямар тоглогч авах, хэрэггүй үнэтэй гэрээнээсээ салж, хэрэгцээт тоглогчдоо бүрдүүлж болох торгон мөч. Яг одоо чөлөөт агентын зах зээлд яригдаж буй том нэрснүүдийн нэг болох Клэй Томпсон багаа орхиж магадгүй талаар олон хэвлэлүүд бичиж буй. Тэгвэл Клэй энэ жил Голден Стэйт Уарриорс багтай тохиролцоо хийж чадах уу , эсхүл өөр баг руу явж болох талаар ESPN-ий сэтгүүлч мэдээлжээ. 

Түүний хүсэж буй цалин бол хоёр жилийн 70 сая доллар.

Ирэх жил нэгдэх боломж хамгийн өндөр багууд: Голден Стэйт Уорриорс, Оклахома Сити Тандер, Орландо Мэжик, Филадельфи 76

Томпсон 2023-24 оны улиралд 77 тоглолтод оролцохдоо 17.9 оноо, 3.3 самбар, 2.3 оновчтой дамжуулалт дунджилсан. Харин улирлын төгсгөлөө маш муу хийж Сакременто Кингс багттай хийсэн тоглолтод 0-10 довтолсон буюу нэг ч оноо аваагүй юм. Голден Стэйт Уарриорс багтай дахин гэрээгээ сунгахад хамгийн том асуудал бол багийн санхүүгийн асуудал. Уарриорс багийн эзэн Жо Лакоб 2-р сард гаргасан мэдэгдэлдээ тансаг хэрэглээний татвараас ангижрахыг зорьж байгаа гэдгээ тодорхой хэлсэн. 

Уарриорс Стефен Көрри, Дрэймонд Грийн нартай аль хэдийн том гэрээ хийсэн нь түүнд ч бас хүндэтгэлтэй хандах хэрэгтэй мэт харагдуулж байгаа нь асуудлыг улам дэвэргэж буй. Үүнийг хэнээс ч илүү мэдэж буй Томпсонд ирээдүйд маш сайн цалин өгч чадах, хожилд бэлэн Тандер, Мэжик зэрэг сонирхож болно. Мөн дээр нь нэг супер од авах боломжтой буй Филадельфиа 76 болон Даллас Маверикс багууд ч өрсөлдөөнд орж ирнэ. Ямартай ч Голден Стэйтдээ үлдсэн ч бай үгүй ч бай тэр энэ жил өөрийгөө өөр түвшинд харуулахаар бэлдэж буй нь ойлгомжтой. Голден Стэйтийн зүгээс мөнгө татахгүй бол Клэй үлдэж, хэрвээ үлдэж чадахгүй бол дээрх багуудаас хамгийн өндөр санал тавьсантай гэрээ хийх эсэхийг харах үлдлээ.