IHC Apes Бишрэлт металл багуудын 4 дэх тоглолтын дараа тоглолтын үр дүнг урьдчилан тохирсон байж болзошгүй талаар IHC Apes багийн эзэн олон нийтэд мэдэгдэж багийн ахлах дасгалжуулагч Lale Gorunovic-ыг ахлах дасгалжуулагчийн ажлаас нь чөлөөлсөн. https://msports.mn/posts/08cc0aef-5b95-44b1-8cb8-39d887572d10 тэгвэл энэ асуудлын талаар Lale Gorunovic өөрийн байр сууриа илэрхийллээ.
...Ihc apes том ялалтанд баяр хүргэе!!! Өнөөдөр би Металл багийн ахлах дасгалжуулагч Stojancev-тэй оройн зоог барьсан тухай олон мессеж надад ирсэн. Би түүнийг 2018 оноос хойш Хятадад хамт ажиллаж байхаас хойш мэднэ. Мөн бид лиг эхлэхийн өмнө бусад дасгалжуулагчид болон клубын эзэдтэй уулзалт хийж, үдийн зоог барин цагийг сайхан өнгөрүүлсэн. Бид 2 бол өнөөдрийн байдлаар Европын хамгийн хүчирхэг сагсан бөмбөгийн орон, өнгөрсөн дэлхийн аварга шалгаруулах тэмцээний дэд аваргууд, Сербийн дасгалжуулагч, эх орон нэгтнүүд.
Монголын бүх оддын тоглолтын дараа би түүнтэй хамт оройн хоолонд орсон, учир нь тэр миний найз. Тэр мөчид бид плей-оффт таарах эсэхээ ч мэдэхгүй байсан. Гэхдээ плей-оффын цувралын үеэр ч бид оройн хоолонд орвол сонин биш байх байсан, учир нь бид олон жилийн турш хамт байгаа найзууд.
Миний хувьд тоглолт бүр ширүүн тулаан байдаг, гэхдээ тоглолтын дараа гар барьж, бие биенээ жинхэнэ спортын хүн гэж хүндэтгэдэг. Дайсан байж, бие биенээ үзэн ядах хэрэггүй!
Намайг таньдаг хэн ч намайг өрсөлдөгчдөө тоглолт наймаалцана гэж бодохгүй, би ч тэр талаар төсөөлж чадахгүй байна!!! Тоглолт болгонд би бүх хүчээ зарцуулдаг, миний хувьд ялалт бол тоглолт бүрийн хамгийн чухал зорилго юм! Миний баг, тоглогчид, сагсан бөмбөгийн төлөөх хүсэл тэмүүлэл бол хамгийн том зүйл бөгөөд миний дасгалжуулагчийн карьер дахь энэ асуудал нь таамаг төдий зүйл биш юм.
Спорт хүмүүсийг салгах биш холбох ёстой!... Хэмээн өөрийн цахим хуудсаараа дамжуулан мэдэгдэл гаргажээ. 2 багийн шийдвэрлэх 6 дах тоглолт 2024.03.03-ны 18.40 минутаас болно.
