𝐗𝐕𝐈𝐈 дахь удаагийн паралимпын наадмын эхний өдөр Байт харвааны нээлттэй ангиллын Рекувр төрөлд Спортын Мастер  Б.Оюун-Эрдэнэ, Д.Сэлэнгэ нар 23:00 цагаас цэц мэргэнээ сорин өрсөлдөх гэж байна. 

Тэдний төрөлд дэлхийд чансаагаараа нэгдүгээрт бичигдэж буй өнгөрсөн оны Дэлхийн аварга БНХАУ-ын тамирчин Ян Ву болон хоёрдугаарт эрэмбэлэгдэж буй Колумбын тамирчин Мариа Моника, Рио 2016 паралимпын хүрэл медальт Польшийн тамирчин Милена Олсзевска нар өрсөлдөж байна.

Спортын мастер Буянжаргалын Оюу-эрдэнэ нь өмнө нь Лондон-2012 паралимпод 𝟔-р байр, Рио-2016 паралимпод 𝟗-р байранд шалгарч байсан туршлагатай тамирчин бөгөөд 2024 оны Дэлхийн чансаа тогтоох тэмцээн алтан медаль, 2023 оны Паралимпын эрх олгох Ази тивийн АШТ-д алтан медаль хүртэж байсан юм. Тэрбээр дэлхийн чансааны 14-т бичигдэж байна.

Спортын мастер Дэмбэрэлийн Сэлэнгэ нь "Токио-2020" олимпод анх оролцсон бөгөөд Ази тивийн АШТ-ий хүрэл медаль, Парис-2024 паралимп наадмын эрх олгох тэмцээний хүрэл медальтай, дэлхийн чансааны 5-рт бичигдэж байна.

Та бүхэн Паралимпын наадамд оролцож буй Монгол тамирчдын хуваарь, оноолт, үр дүн, мэдээ мэдээллийг msports.mn-ий ТЭМЦЭЭН хэсгээс болон Msports app-аар дамжуулaн цаг алдалгүй авах боломжтой. Msports App татахыг хүсвэл ЭНД дарна уу.