2026 оны Хөлбөмбөгийн Дэлхийн Аварга Шалгаруулах Тэмцээний эрхийн төлөөх урьдчилсан шатны тоглолтууд өндөрлөхөд 1 тойрог дутуу, Ази тивээс дараагийн шатанд шалгарсан багууд тодорлоо. Тэдний дунд Узбекистан, Йордан, Өмнөд Солонгосын шигшээ багууд тус тэмцээнд оролцох эрхээ албан ёсоор баталгаажууллаа.

Узбекистан улсын хувьд энэ нь түүхэн амжилт бөгөөд тус улс анх удаа Дэлхийн Аваргын үндсэн шатанд оролцохоор боллоо. Сүүлийн жилүүдэд залуучуудын академийн хөгжил мэргэжлийн бэлтгэлийн чанарт онцгой анхаарсны үр дүнд Узбекистан Азийн хүчирхэг багуудын нэг болж чадсаныг энэ амжилт харуулж байна.

Йорданы шигшээ баг мөн адил анх удаагаа ДАШТ-д шалгарч тус улсын хөлбөмбөгийн түүхэнд шинэ хуудас нээлээ. Тэд энэхүү эрхийн төлөөх шийдвэрлэх тоглолтуудад тогтвортой тоглолт үзүүлж олон улсын тавцанд хүчтэй өрсөлдөгч гэдгээ баталсан юм.

Харин Өмнөд Солонгосын шигшээ баг дэлхийн аваргад 11 дэх удаагаа оролцох гэж буй бөгөөд тэдний тогтвортой амжилт нь Азийн хөлбөмбөгийн хөгжлийн түвшинг илэрхийлж байна. 2002 оны Япон, Өмнөд Солонгосын хамтарсан зохион байгуулалттай тэмцээнээс хойш тэд олон улсын тавцанд тогтмол өрсөлдөгч байсаар ирсэн.

Одоогоор ДАШТ-ийг зохион байгуулагч орон болох АНУ, Канад, Мексик болон Япон, Шинэ Зеланд, Аргентин, Иран, Узбекистан, Йордан, Өмнөд Солонгосын шигшээ багууд эрхээ авсан байна.