Филадельфиа 76 баг 2031 он гэхэд Уэллс Фарго Аренатай хийсэн түрээсийн хугацаа нь дуусах үед Нью Жерси хотын шинэ ордон руу нүүх талаар багийн төлөөлөгч нухацтай бодож байна гэдгээ мэдэгджээ.

Нью Жерси мужийн албан тушаалтнууд өчигдөр 76ерс багийн удирдлагатай холбогдож, тэдэнд Нью Жерси мужийн Камден хотод байрлах төрийн өмчит газар дээр шинэ цэнгэлдэх хүрээлэн барьж байгаа ба 800 сая долларын татварын хөнгөлөлт үзүүлж болно гэдгээ мэдэгдсэн байна.

Филадельфиа 76ерс багийн хэвлэлийн төлөөлөгч Молли Мита “Бодит байдал дээр 2031-32 оны улиралд Филадельфиа 76ерс баг NBA-ийн шинэ улирлаа хаана өнгөрүүлэхийг шийдэхэд арай эртдэж байна. Бид боломжит бүх хувилбаруудыг, тэр дундаа танай саналыг нухацтай авч үзэх болно” хэмээн мэдэгджээ.

76-ынхан Филадельфиа хотын Хятад хорооллын ойролцоо 1.55 тэрбум долларын өртөгтэй цэнгэлдэх барих санал тавьсан ч хотын удирдлагууд огт зөвшөөрөөгүй юм. Учир нь цэнгэлдэх хүрээлэнгийн барилгын ажлыг эхлүүлэхийн тулд хотын зөвлөл дор хаяж 11 хуулийн төслийг батлах шаардлагатай болсон байна. Тус цэнгэлдэхийн төслийг 2031 он гэхэд дуусгахын тулд 2024 ондоо багтааж хот, муж, улсын барилгын зөвшөөрөл авах шаардлагатай болсон тул үүнийг мэдсэн Нью Жерси мужийнхан Филадельфиа 76ерс багийнханд санал тавьжээ. Цэнгэлдэх болон олон нийтийн худалдааны бүсүүдэд тус бүр 400 сая долларын татварын хөнгөлөлт үзүүлэхээс гадна Нью Жерси мужийн захирагчийн алба, Фил Мерфи мужийн хууль тогтоох байгууллагатай хамтран талбайн хөгжилд зориулж "тасалбар, хөнгөлөлт, зогсоолын хураамж, нэмэлт хураамжаар дэмжигдсэн 500 сая долларын тусгай зориулалтын бонд" санал болгож магадгүй байна.