АНУ-ын Өмнөд Флорида мужид Шелл Бэй клуб нэртэй тансаг зэрэглэлийн гольфийн талбай өмнөх долоо хоногт нээгдсэн байна. Дэлхийн жишигт нийцсэн гольфийн талбай, төрөл бүрийн цохиурын бааз, хувийн дарвуулт завь болон хүний хэрэглээнд нийцсэн бүхий л зүйл өндөр зэрэглэлд байх энэхүү клубт бүртгүүлэхэд 1 сая доллар хэрэгтэй гэнэ.

Далайн эрэг орчмын усан замын дагуу байрлах 150 акр талбайн ихэнх хэсэг нь Австралийн хошой аварга Грег Норманы зохион бүтээсэн 18 нүхтэй хувийн гольфын талбай болж хувирсан байна. Тэрээр "Шелл Бэй дэх курс нь миний зохион бүтээсэн хамгийн өвөрмөц, цэвэр гольфийн талбайн нэг байх болно" хэмээн хэвлэлийнхэнд мэдэгдэв.

Орчноосоо бүрэн тусгаарлагдсан, явган явахад тохиромжтой загвар нь таны цүнхэнд байгаа бүх цохиурыг шалгахад хүргэнэ. Мөн өөгүй цэвэр зам, элсний цооног бүхий тоглолтыг сонирхолтой болгох хэсэгтэй, хүрээтэй ногоон байгууламж бүхий тус талбай нь тоглогчдод тус спортын жинхэнэ мөн чанарыг харуулах зорилготой аж. 

Тус талбай руу харсан 20 давхар хотхоны 108 оршин суугч, пентхаусуудад амьдардаг түрээслэгчид гольфийн талбайд хөнгөлөлттэй үнээр нэвтрэх боломжтой ба сошиал клубын гишүүнчлэлтэй болно гэжээ. 

Зөвхөн гольфийн гишүүнчлэлтэй байхаас өөрөөр тус талбайд тоглох боломж байхгүй хэмээн хэвлэлийн төлөөлөгч нь хэлжээ.