Энэхүү түүх бол хөлбөмбөгийн түүхэн дэх гэгээлэг мөн арилшгүй дурсамжуудын нэг юм. Энэхүү түүхийн эзэн бол 20 гаруй настай Тиаго Реч хэмээх сэтгүүлч залуу юм. Тэрбээр Бразилд төрж өссөн ба тус орны Санта Круз до Сул багийн үнэнч шүтэн бишрэгч ажээ.

Доорх зургийн эхний зургийг 2012 онд авсан. Реч бага насныхаа үнэнч баг болох Санта Круз до Сулын тоглолтоо Гремио хотын Эстадио Олимпико цэнгэлдэхэд үзэж байв. Цэнгэлдэх хүрээлэнд 5000 хөгжөөн дэмжигч байсан ч Реч л зөвхөн багаа дэмжин үлдэв. 

Хоёр дахь зурган дээр Реч гуч гаруйхан настай. Тэр хөлбөмбөгийн талбайн индэр дээр сууж байна. Саарал поло цамц, хар өмдтэй. Тэр өмнөхөөсөө арай намба суужээ. Гэхдээ тийм ч их өөрчлөгдөөгүй харагдана. Түүний хажууд бас нэгэн цом харагдана. Энэ зургийг 2020 онд авсан. Реч бага насныхаа баг болох Санта Круз до Сул баг лиг элссэнээс хойш 107 жилийн дараа анх удаа аваргалж буйг нь харж байна. Фенүүдийн хувьд энэ бол гайхалтай, аз жаргалтай мөч байлаа. Гэхдээ Речийн хувьд фений хувьд үзээгүй ажээ. Тэр багийн ерөнхийлөгч болсон байв.

Санта Круз до Сул хот бол 1800-аад оны үед Бразилын өмнөд мужид байдаг ба Германы соёлын үлдэгдэл болсон жижигхэн хот юм. Тэдний цэнгэлдэх хүрээлэн 7000 орчим хүн хүлээн авдаг бөгөөд тэд зөвхөн 1-р сараас 4-р сар хүртэл үргэлжилдэг орон нутгийн аварга шалгаруулах тэмцээнд л тоглодог байв.

Лигийг бүс нутгийн хоёр том клуб болох Гремио болон Интернасионал ноёрхдог байлаа. Санта Крузын ихэнх оршин суугчид нэгдүгээрт дээрх хоёр багийн аль нэгийг нь дараан нь хотынхоо багийг эсвэл өрсөлдөгч Авенидаг дэмждэг байв.

Гэхдээ Реч бусдаас өөр байлаа. Тэр багаасаа л Санта Крузтай холбогдсон. Өсвөр насных нь томоохон дурсамж тэр хоттой, тус багтай холбогдсон ба жижигхэн цэнгэлдэх хүрээлэнгийн уур амьсгал, найз нөхөдтэйгээ уулзах, хотдог идэхээр ирсэн хүмүүсийн уур амьсгалд дуртай байжээ.

Реч 2012 онд Порто Алегре хотод сэтгүүлчээр ажилладаг байв. Тэр боломж л гарвал тоглолтоо үздэг байсан ба Санта Круз Гремиотой тоглохоор ирэхэд оффисоосоо яаран гүйж үзлээ. Гремиогийн дэмжигчид зэргэлдээх индэрт сууж байсан Речийг ганцаараа сууж байгааг анзаарав. Тэд “Санта Крузыг нэг хөгжөөн дэмжигчийн баг” хэмээн хошигнож байжээ. Харин түүний гэрэл зургийг нэгэн зурагчин авч, түүний нэрийг асуусан ба маргааш сонины нүүрэнд хэвлэгдсэн байв. Дараагийн өдрүүдэд Реч Бразилийн телевизэд ярилцлага өгч, дэлхийн өнцөг булан бүрээс сэтгүүлчидтэй утсаар ярьжээ. Тэрбээр орон нутгийн сонины эхний нүүрэнд "Намайг ганцааранг минь бүү явуул” нэртэйгээр хэвлэгдсэн байна. "Эхний хоёр өдөр би ажлаа хийж чадахгүй байлаа. Гурав дахь өдөр нь би YouTube-ээр 500,000 хүн давсан үзэлттэй болсон байв. Тэр үед би бүх зүйл миний төсөөлж байснаас ч том байгааг олж мэдсэн” гэжээ.

Түүний энэхүү баатарлаг байдал нь түүнийг нутагтаа алдартай хүн болгон хувиргав. Үүний дараа 2013 онд Реч клубын хэвлэлийн ажилтан болов. Жилийн дараа улам их үүрэг хариуцлага хүлээсэн түүнийг ерөнхийлөгчийн сонгуульд нэр дэвшүүлэх хүсэлт тавьжээ. Тухайн үед тэр дөнгөж 27 настай байсан байна.

“Хэрвээ өөр нөхцөл байдалд байсан бол би ийм залуу насандаа энэ албан тушаалд томилогдохгүй байлаа. Гэхдээ клуб улсын аварга шалгаруулах тэмцээний нэгдүгээр дивизээс хасагдсан тул захирлууд шинэ цус урсгах цаг болсон гэж бодсон” гэжээ. Речийн найзууд үүнийг сайн санаа гэдэгт итгэлгүй байв. Мэдээж тэр клубт дуртай байсан ч хөлбөмбөгийн клуб битгий хэл ямар ч бизнес эрхэлж байсан туршлагагүй. Аав нь ч мөн түүнд эргэлзэж байсан хэмээн хожим Реч ярьсан байна.

Клубийн ерөнхийлөгч болсноос хойш 2019 онд баг нь амжилтад хүрч, банкны өргүй болж өндөрлөлөө. 2020 оны улирал Ковид-19 тахлын улмаас тодорхойгүй байдлын дор лиг эхэлсэн ч Санта Крузын түүхэн дэх хамгийн мартагдашгүй улирал болж хувирав. Тэд тус мужийн жил бүр зохион байгуулдаг цомын тэмцээн болох “Copa FGF”-д түрүүлж, финалд Сан Хосег торгуулийн цохилтоор хожиж Бразилд томоохон шуугиан дэгдээжээ. Энэ амжилт дууссангүй. 2021 онд Санта Круз мужийн аварга шалгаруулах тэмцээний гуравдугаар дивизионд түрүүлсэн. Мөн энэ оны эхээр хоёрдугаар дивизионы аварга болж, дээд лигт дахин дэвшсэн байна. Тэд ердөө 8 жилийн дотор 3-р дивизионоос гарч чаддаггүй багийг дээд лигт дэвшүүлжээ.

Тэрбээр гурав дахь цомоо өргөхөд багийнхаа ерөнхийлөгчийн албан тушаалаа аль хэдийн өгсөн байлаа. Одоо тэр хотын захирагчийн ажлын албанд анхаарлаа хандуулж ТУЗ-ийн дэд даргаар ажиллаж байна.