2026 оны Эрэгтэйчүүдийн Волейболын Үндэстнүүдийн Лигийн (VNL) шигшээ шатны шөвгийн наймын тоглолтод өнгөрсөн жилийн аварга Польшийн шигшээ баг Украйныг 3:1 (25:22, 22:25, 25:20, 25:17)-ийн харьцаатайгаар буулган авч, хагас шигшээд шалгарлаа.VNL-ийн шигшээ шатанд анх удаа хүч сорьж буй Украйн зоригтой тоглолтыг үзүүлж, аваргуудтай эн тэнцүү өрсөлдсөн ч шийдвэрлэх мөчүүдэд Польшийн туршлага, тоглолтын сахилга бат илүү байв. Ингэснээр Польш медалийн төлөөх өрсөлдөөнөө үргэлжлүүлж, дахин аваргын төлөө өрсөлдөх боломжоо хадгалж үлдлээ.

Тоглолтын эхний сетэд Польш давуулалтын дарамт, хаалтын хамгаалалтаараа илүүрхэж, Украйны довтолгоог тогтмол сааруулсан юм. Холбогч Марчин Коменда довтолгоог жигд хуваарилж, багийнхаа гол довтлогчдыг үр дүнтэй ашигласнаар Польш эхний сетийг 25:22-ийн харьцаатайгаар илүүрхэв.

Эхний ээлжийн тоглолтод хожигдсон Украйн бууж өгсөнгүй. Хоёрдугаар сетэд тэд илүү эрч хүчтэй тоглож, хамгаалалт болон сөрөг довтолгоогоо сайжруулснаар Польшийг алдаа гаргахад хүргэж, 25:22-оор ялалт байгуулан ээлжийн харьцааг тэнцүүлэв.

Улмаар тоглолтын гурав болон дөрөвдүгээр сетэд Польш аваргын туршлагаа бүрэн харууллаа. Тоглолтын төгсгөлд чухал оноонуудыг алдалгүй авч, давуулалт болон хаалтын хамгаалалтаараа Украйны довтолгоог зогсоож, 25:20, 25:17-ийн харьцаатайгаар илүүрхлээ. Ингэснээр Польш дөрвөн ээлжийн тоглолтын дараа 3:1-ээр хожиж, хагас шигшээ шатанд шалгарлаа.

Украины хувьд тэмцээн өндөрлөсөн ч энэ удаагийн VNL-д тэд түүхэн амжилт үзүүлэв. Анх удаа шигшээ шатанд шалгарсан тэд дэлхийн хүчирхэг багуудтай өрсөлдөх хэмжээний чадвартайгаа харуулж, ирээдүйд илүү өндөр амжилт гаргах боломжтой гэдгээ нотоллоо.Харин Польшийн шигшээ баг хагас шигшээд Туркийг буулган авсан Словенийн шигшээ багтай тоглох бөгөөд аваргын цомын төлөөх өрсөлдөөнөө үргэлжлүүлэхээр боллоо.

Шинэ мэдээ

VNL 2026: Польш Украйныг 3:1-ээр буулган авч, хагас шигшээд шалгарлаа

Пүрэвлхагва

2026 оны Эрэгтэйчүүдийн Волейболын Үндэстнүүдийн Лигийн (VNL) шигшээ шат Хятадын Нинбо хотод үргэлжилж байгаа бөгөөд шөвгийн наймын хамгийн анхаарал татсан тоглолтод АНУ-ын шигшээ баг дэлхийн аварга Италийг 3:0 (25:22, 25:21, 25:21)-ийн харьцаатай буулган авч, хагас шигшээд шалгарлаа.

Тоглолтын өмнө Италийг фаворит гэж үзэж байсан. Гэвч АНУ эхний онооноос эхлэн эрч хүчтэй тоглож, ялангуяа давуулалт болон хаалтын хамгаалалтаараа өрсөлдөгчөө илт илүүрхлээ. Америкчууд нийт 14 оноо давуулалтаар авч, Италийн пасс хүлээн авалтыг бүхэл тоглолтын турш алдагдуулсан нь ялалтын гол үндэс болов.АНУ-ын эсрэг довтолгоогоо тогтвортой явуулж чадаагүй Италийн баг олон удаа алдаа гаргаж, тоглолтын хэмнэлийг барьж чадсангүй. Харин туршлагатай холбогч Мика Кристенсон довтолгоог ухаалгаар удирдаж, багийнхаа довтлогчдыг оновчтой ашигласнаар АНУ бүх ээлжийн тоглолтыг хяналтдаа байлгасан юм.

АНУ-ын хамгийн тод од нь довтлогч Жэйк Хэйнс байлаа. Тэрээр 6 удаа давуулалтаар оноог авч, Италийн хамгаалалтыг задлан, тоглолтын хувь заяаг шийдэх мөчүүдэд багаа манлайлсан юм. Хүчтэй давуулалтуудынх нь ачаар Италийн довтолгоо олон удаа алдагдаж, АНУ хялбар оноо цуглуулж чадлаа. Ийнхүү АНУ дэлхийн аварга Италийг тэмцээнээс хасаж, VNL 2026 тэмцээний хагас шигшээд шалгарсан бөгөөд дараагийн шатанд Японы шигшээ багтай хүч үзэх эрхээ авлаа.

VNL 2026: АНУ дэлхийн аварга Италийг буулган авч, хагас шигшээд шалгарлаа

Хойд болон Төв Америк, Карибын бүсийн хөлбөмбөгийн холбоо болох Concacaf болон түүний 41 гишүүн холбоо FIFA-гийн ерөнхийлөгч Жанни Инфантиноос дэвшүүлсэн "FIFA Forward Enterprise (FFE)" төслийг албан ёсоор эсэргүүцэж буйгаа мэдэгдлээ. Уг төсөл нь FIFA-гийн Дэлхийн аварга шалгаруулах тэмцээний тодорхой хувийн эрхийг хувийн хөрөнгө оруулагчдад нээж өгөх зорилготой гэж үзэж байгаа юм.Concacaf мэдэгдэлдээ өнгөрсөн арван жилийн хугацаанд өөрсдийн байгууллагыг ил тод засаглал, хариуцлагатай удирдлага, хөлбөмбөгийн урт хугацааны хөгжлийг хамгаалах зарчимд тулгуурлан байгуулж ирснээ онцолжээ. Мөн өнгөрсөн түүхээс харахад хөлбөмбөгийг удирдах байгууллагууд үндсэн үнэт зүйлсээ алдах үед ямар үр дагавар гардгийг FIFA болон дэлхийн хөлбөмбөгийн хамтын нийгэмлэг хангалттай харсан гэдгийг сануулсан байна.Үүнтэй холбогдуулан Concacaf өөрийн 41 гишүүн холбооны ерөнхийлөгчид, холбооны ерөнхийлөгч, зөвлөлийн гишүүд болон FIFA-гийн Зөвлөлийн төлөөлөгчдийн оролцоотой шуурхай хурал зохион байгуулж, FFE төслийн талаар хэлэлцжээ.

Хурлын үеэр гишүүн холбоод энэхүү саналыг боловсруулах, танилцуулах үйл явц нь зохих дүрэм журмыг мөрдөөгүйд ноцтой санаа зовниж буйгаа илэрхийлсэн байна. Тэд санал өгөх хугацааг хэт богино тогтоосон, FIFA-гийн холбогдох удирдах байгууллагуудаар урьдчилан хэлэлцүүлж, батлуулаагүй, мөн түүхэн дэх хамгийн өндөр орлоготой Дэлхийн аварга шалгаруулах тэмцээнийг зохион байгуулсны дараа ч FIFA Forward хөтөлбөрүүдийг санхүүжүүлэхийн тулд яагаад заавал хувийн хөрөнгө оруулалт шаардлагатай болсон талаар эргэлзэж байгаагаа илэрхийлжээ.Хэлэлцүүлгийн үр дүнд Concacaf болон түүний 41 гишүүн холбоо FIFA-гийн саналыг албан ёсоор няцаахаар шийдвэрлэсэн байна. Үүний зэрэгцээ FIFA-гийн хуримтлуулсан их хэмжээний санхүүгийн нөөцийг ашиглан бүс нутгийн хөлбөмбөгийн хөгжлийн санхүүжилтийг нэмэгдүүлэх боломжийг судалж, FIFA-тай хэлэлцээ хийхийг өөрсдийн FIFA-гийн Зөвлөлийн төлөөлөгчдөд үүрэг болгожээ.Мөн цаашид ийм хэмжээний бодлогын шийдвэрийг FIFA-гийн дүрэмд заасан журмын дагуу ажилтнууд болон FIFA-гийн Зөвлөлөөр дамжуулан хэлэлцэж шийдвэрлэдэг байхыг FIFA-гийн ерөнхийлөгчөөс шаардахыг зөвлөлийн төлөөлөгчдөдөө даалгасан байна.Мэдэгдлийнхээ төгсгөлд Concacaf "Хөлбөмбөгийн ирээдүй, энэ спортын хамгийн үнэ цэнтэй өв нь хөлбөмбөгийн гэр бүлийн мэдэлд хэвээр үлдэх ёстой" хэмээн онцолж, Дэлхийн аварга шалгаруулах тэмцээний өмчлөл, удирдлагыг хувийн хөрөнгө оруулагчдад шилжүүлэх аливаа оролдлогыг дэмжихгүй гэдгээ дахин илэрхийллээ.

Concacaf ч мөн FIFA-гийн ДАШТ-ийг хувийн хөрөнгө оруулагчдад худалдах саналыг эсэргүүцлээ

Бид FIFA-гийн ДАШТ болон бусад FIFA-гийн тэмцээний өмчлөлийн тодорхой хувийг хувийн хөрөнгө оруулагчдад шилжүүлэх саналыг санал нэгтэйгээр, тууштайгаар, ямар ч эргэлзээгүйгээр эсэргүүцэж байна.Дэлхийн аварга шалгаруулах тэмцээнийг хөрөнгө оруулалтын бүтээгдэхүүн мэт үзэж болохгүй. Энэ бол хөлбөмбөгийн хамгийн агуу өвүүдийн нэг юм. Олон үеийн турш тоглогчид, шигшээ багууд, хөгжөөн дэмжигчдийн хүчин чармайлтаар, дэлхийн бүх тивд хамтдаа бүтээсэн үнэт өв билээ. Үүний ямар ч хэсгийг хувийн хөрөнгө оруулагчдад хэзээ ч шилжүүлж болохгүй. Дэлхийн аварга шалгаруулах тэмцээн худалдах зүйл биш.Ийм хэмжээний ач холбогдолтой саналыг хөлбөмбөгийн ирээдүйг хариуцан хамгаалах үүрэгтэй талуудтай бодитой зөвлөлдөхгүйгээр нууцаар боловсруулж, батлуулахын даваан дээр авчирсан нь туйлын хариуцлагагүй бөгөөд ямар ч үндэслэлгүй үйлдэл юм. Энэ нь зөвхөн удирдлагын ноцтой алдаа биш, харин дэлхийн хөлбөмбөгийн хамгаалагч байх FIFA-гийн үндсэн үүргээсээ татгалзсантай адил хэрэг юм.Өнөөдөр дэлхийн үндэсний холбоодын өмнө нэгэн тулгалт тавигдаж байна. Тэд хөлбөмбөгийн хамгийн үнэ цэнтэй тэмцээнүүдийг хувийн эзэмшлийн мэдэлд шилжүүлэхийг зөвшөөрөх эсвэл үр дагаврыг нь хүлээх гэсэн сонголттой үлдэж байна. Энэ бол "ардчилсан шийдвэр" биш. Харин айлган сүрдүүлэлтэд тулгуурласан засаглал бөгөөд дэлхийн хөлбөмбөгийг хамгаалах үүрэг хүлээсэн байгууллагад байж боломгүй шахалт юм.

Гэвч бидний эсэргүүцэл зөвхөн энэ үйл явцтай холбоотой биш. Гаднын хөрөнгө оруулагчид FIFA-гийн тэмцээнүүдийн өмчлөлийн хувь эзэмших мөчөөс эхлэн дэлхийн хөлбөмбөг эргэлт буцалтгүйгээр өөрчлөгдөнө. Ашиг орлого олох нь байнгын үүрэг болно. Хөрөнгө оруулагчдын хүлээлт өдөр тутмын дарамт болж хувирна. Тэр мөчөөс эхлэн олон улсын тэмцээний хуваарь, тэмцээний бүтэц, хөлбөмбөгийн ирээдүйг тодорхойлох аливаа шийдвэр тоглоомын эрх ашгийн төлөө бус, хувьцаа эзэмшигчдийн ашиг сонирхлын төлөө гардаг болно.Ийм загварт дэлхийн хөлбөмбөгт огтхон ч зай байхгүй. Хөлбөмбөгийн ирээдүйг хамгийн түрүүнд санхүүгийн өгөөжөө нэмэгдүүлэх үүрэгтэй хүмүүсийн хүлээлтээр тодорхойлж болохгүй. Үндэсний холбоод, лигүүд, клубүүд, тоглогчид, хөгжөөн дэмжигчдийн ашиг сонирхол хөрөнгө оруулагчдын өгөөжөөс доогуур тавигдах ёсгүй. Хөлбөмбөг ирээдүйгээ богино хугацааны санхүүгийн ашигтай сольж болохгүй.Европын байр суурь тодорхой. Бид ийм тогтолцоог хэзээ ч хууль ёсны мэт хүлээн зөвшөөрөхгүй. Дараагийн үеийнхэнд хадгалж үлдээх үүрэгтэй өвийг худалдах ёс суртахууны эрх хэнд ч байхгүй.Өнөөдрийн хэлэлцүүлгийн үр дүнд, энэхүү санал бүрэн цуцлагдаж, FIFA цаашид өөрийн засаглал болон тэмцээнүүдэд хувийн өмчлөл оруулахгүй гэсэн хууль эрх зүйн баталгааг өгөх хүртэл UEFA-гийн аль ч шигшээ баг FIFA-гийн тэмцээнүүдэд оролцохгүй.Хэн ч эргэлзэх хэрэггүй. UEFA болон түүний үндэсний холбоод эдгээр төлөвлөгөөг бүх хүчээрээ, тууштайгаар эсэргүүцэх болно.Зарим үед байгууллагыг юу зөвшөөрсөнөөр нь биш, харин юун дээр буулт хийгээгүйгээр нь дүгнэдэг. Энэ бол яг тийм мөч мөн.Зарим зүйлсийг мөнгөөр үнэлж, худалдах боломжгүй. FIFA-гийн Дэлхийн аварга шалгаруулах тэмцээн бол хөлбөмбөгийн өмч. Энэ үргэлж тийм байх болно. Европын дуу хоолой оршсоор байгаа цагт ДАШТ хэзээ ч худалдаанд гарахгүй.

UEFA болон түүний гишүүн 55 холбоо нэг байр суурьтай байна

Дэлхийн сагсан бөмбөгийн хамгийн алдартай тоглогчдын нэг Леброн Жэймс шинэ багийнхаа өмсгөлөөрөө дахин олны анхаарлын төвд орлоо. Түүний Филадельфи 76 багт нэгдсэн тухай мэдээлэл цацагдсаны дараа хөгжөөн дэмжигчид шинэ өмсгөлийг нь авах гэж олноороо захиалга өгсөн байна. Леброны 23 дугаартай шинэ өмсгөл худалдаанд гарснаас хойш ердөө хоёр цагийн дотор эхний нийлүүлэлт бараг дуусаж, олон хэмжээ, загварын сонголт олдохгүй болсон байна.

Энэ үйл явдал Леброн Жэймсийн нэр хүнд спортын талбайгаар хязгаарлагдахгүй, дэлхийн хэмжээний брэнд болсныг дахин харууллаа. Түүний шинэ өмсгөл ойролцоогоор 80-125 ам.долларын үнэтэй байсан ч олон мянган хөгжөөн дэмжигчид худалдаж авахыг хүссэн байна. Зарим хүмүүс шинэ багийнх нь анхны өмсгөлийг цуглуулгын үнэ цэнтэй зүйл гэж үзэж байгаа бол зарим нь Леброны карьерын шинэ үеийн нэг хэсэг болохыг хүсэж байгаа юм.

Өмнө нь дэлхийн алдартай тамирчид шинэ багт шилжих үед өмсгөлийн борлуулалт маш өндөр үзүүлэлт үзүүлж байсан. Тухайлбал, хөлбөмбөгийн од Криштиану Роналду Манчестер Юнайтед багт эргэн ирэх үед түүний өмсгөл маш хурдан зарагдаж байсан. Мөн Лионель Месси Америкийн Интер Майами багт очих үед түүний өмсгөл багийн худалдааны орлогод ихээхэн нөлөө үзүүлсэн.

Гэхдээ Леброн Жэймсийн энэ удаагийн шилжилт онцгой шалтгаантай. Тэрээр 20 гаруй жилийн турш дэлхийн шилдэг тоглогчдын нэг байж, олон сая хөгжөөн дэмжигчтэй болсон хэвээр байна. Тиймээс 40 гаруй настай ч шинэ багийн өмсгөл нь залуу супер оддын адил эрэлттэй байгаа нь түүний спорт дахь байр суурийг харуулж байна.

Леброн өмнө нь Кливленд, Майами, Лос Анжелесийн багуудад тоглож байсан бөгөөд Филадельфи 76 багийн өмсгөл нь түүний урт карьерын шинэ хуудсыг нээж байна. Одоогоор албан ёсны байгууллагууд “хамгийн хурдан борлуулалттай өмсгөлийн дэлхийн рекорд” гэж баталсан нэг тодорхой үзүүлэлт гаргаагүй байгаа ч Леброны шинэ өмсгөл худалдаанд гарсан даруйдаа асар их эрэлт үүсгэсэн нь спортын худалдааны сүүлийн үеийн хамгийн том үйл явдлуудын нэг болж байна.

Энэ бүхэн нэг зүйлийг дахин баталлаа. Леброн Жэймс бол зөвхөн сагсан бөмбөгийн тамирчин биш, дэлхийн спортын хамгийн хүчтэй нэр, хамгийн үнэ цэнтэй брэндүүдийн нэг хэвээр байна.

Леброн Жэймсийн шинэ өмсгөл худалдаанд гармагцаа шуугиан тарилаа

Мөнхбаясгалан

МИЕС (Швейцар) – FIBA 3х3-ийн Дэлхийн аялал (World Tour), Challengers болон бусад томоохон тэмцээний хуанлид багтсан олон хот бий. Жил бүр дэлхийн шилдэг 3х3 сагсан бөмбөгчид нэгэн алдартай хотоос нөгөөд аялж, дэлхийн өнцөг булан бүрийн хотын төв талбай, задгай талбайд энэ спортын онцгой эрч хүчийг түгээдэг.Гэвч эдгээр хотуудаас цөөн хэд нь тэмцээн зохион байгуулдаг газар байхаас давж, тоглогчдын дахин ирэхийг хүсдэг онцгой тайз болон хувирдаг. Тэндхийн уур амьсгал тоглолтын хувь заяаг хүртэл өөрчилж, оруулсан бөмбөг бүр шийдвэрлэх оноо мэт нижигнэсэн алга ташилтаар угтагддаг.Улаанбаатар бол яг ийм хотуудын нэг болсон.

Монгол Улсын нийслэл 2027 оны FIBA 3х3 Азийн аварга шалгаруулах тэмцээн-ийг зохион байгуулахаар бэлтгэж буй энэ үед Улаанбаатар зөвхөн Азийн 3х3 сагсан бөмбөгийн хүчирхэг төвүүдийн нэг төдийгүй дэлхийн хамгийн эрч хүчтэй, нэр хүндтэй 3х3 хотуудын нэг гэдгээ батлан харуулжээ.Энэ нэр хүнд нэг өдрийн дотор бий болоогүй. Олон жилийн турш FIBA 3х3-ийн хамгийн том тэмцээнүүдийг амжилттай зохион байгуулсны үр дүнд бий болсон юм. FIBA 3х3 World Tour, Women's Series, Challenger зэрэг олон улсын нэр хүндтэй тэмцээнүүд Улаанбаатарт тогтмол болж, мянга мянган хөгжөөн дэмжигчид тэмцээн бүрийг жинхэнэ сагсан бөмбөгийн баяр болгон хувиргадаг болсон.Улаанбаатарын үзэгчдийн гайхамшигтай уур амьсгал нь хотын хамгийн онцгой давуу талуудын нэг болжээ. Дотоодын болон гадаадын шилдэг тоглогчид Монголын хөгжөөн дэмжигчдийн эрч хүч, халуун дулаан дэмжлэгийг байнга магтан ярьдаг.Монголын "Дайчин гүнж" хочит О.Хулангийн хувьд эх орондоо тоглоно гэдэг зөвхөн талбайн давуу тал эдлэхээс хавьгүй илүү утга учиртай.

Тэрбээр 2026 оны FIBA 3х3 Women's Series Ulaanbaatar тэмцээнд Ulaanbaatar Amazons багийг аварга болгосныхоо дараа:"Эх орныхоо хөгжөөн дэмжигчдийн өмнө ийм амжилт гаргах үнэхээр онцгой мэдрэмж төрүүлдэг. Бид төрөлх хотдоо, ийм гайхалтай үзэгчдийн өмнө тоглох болгондоо ямар нэгэн ид шид бүтээдэг юм шиг санагддаг. Бид өөрсдийгөө супер охид мэт мэдэрдэг. Энэ бүхэн та бүхний дэмжлэгийн ач юм. Биднийг үргэлж дэмжээрэй. Бидний зорилго бол жил бүр улам сайжирч, дэлхийн шилдэг багуудын нэг болох" хэмээн ярьжээ.Түүний хэлснээр ийм мөчүүдийг баг болон хөгжөөн дэмжигчдийн хоорондын онцгой холбоо бий болгодог."Бид хөгжөөн дэмжигчдийнхээ бүх хайрыг мэдэрдэг. Тэдний урмыг хугалж, сэтгэлийг нь гонсойлгохыг хүсдэггүй. Би фенүүд, найзууд, хайртай хүмүүсийнхээ өмнө хамгийн сайнаараа тоглохыг хүсдэг. Манай дасгалжуулагч Стив энэ долоо хоног онцгой гэдгийг хэлсэн. Бүгдээрээ хамтдаа энэ мөчийг мэдэрч, хамтдаа таашаацгаая гэсэн. Бид яг тэгж чадсан."Гэхдээ Улаанбаатарын онцлог зөвхөн Монголын тоглогчдод мэдрэгддэггүй.Олимпын аварга, 3х3 сагсан бөмбөгийн домогт тамирчин Наурис Миезис дэлхийн хамгийн том тайзуудад тоглож байсан ч Монголын үзэгчдийг онцгой гэж үнэлдэг.

Тэрээр:"Миний бодлоор хамгийн онцгой нь үзэгчид. Бид тэдний нутагт, тэдний талбай дээр тоглодог. Эндхийн хөгжөөн дэмжигчид үнэхээр галзуу. Тэд бидэнд үргэлжлүүлэн гүйж, тэмцэж тоглох асар их эрч хүч өгдөг. Илүү хөдөлгөөнтэй, хамгаалалт сайтай тоглоход урамшуулдаг. Фенүүддээ маш их баярлалаа" гэжээ.Нутгийн баатар болон дэлхийн хамгийн шилдэг олон улсын тоглогчдын нэг ижил дүгнэлт хийж байгаа нь Улаанбаатар яагаад 3х3 сагсан бөмбөгийн хамгийн онцгой цэгүүдийн нэг болсныг тодхон харуулдаг.Хотын сагсан бөмбөгийн соёл элит тэмцээнүүдийг тогтмол зохион байгуулах бодлоготой зэрэгцэн хөгжсөнөөр гайхамшигтай мөчлөг бий болсон. Томоохон тэмцээнүүд улам олон хөгжөөн дэмжигчдийг татаж, тэдгээр хөгжөөн дэмжигчид илүү хүчирхэг дотоодын багуудыг төрүүлж, улмаар дараа дараагийн тэмцээнүүд улам өргөн хүрээтэй болж байна.Үүний үр дүн ч тодорхой харагдаж байна. Монголын эрэгтэй, эмэгтэй багууд олон улсын тавцанд улам хүчирхэг болж, тэр дундаа эмэгтэй шигшээ баг 2025 оны FIBA 3х3 Дэлхийн аварга шалгаруулах тэмцээнээс мөнгөн медаль хүртсэн нь Улаанбаатар хотод болсон тэмцээний хамгийн том амжилтуудын нэг байлаа.Өнөөдөр Улаанбаатар дэлхийн хэмжээний тэмцээнийг хамгийн өндөр түвшинд зохион байгуулдаг хотуудын нэг гэсэн нэр хүндийг хэдийнэ олжээ. Хөгжөөн дэмжигчдийн халуун уур амьсгал, шилдэг өрсөлдөөн, хотын өвөрмөц орчин бүгд нийлж дэлхийн 3х3 сагсан бөмбөгийн хуанлын хамгийн онцгой тайзуудын нэгийг бүрдүүлдэг.Энэ аялал дараагийн том алхамдаа хүрч байна.Тэр нь 2027 оны FIBA 3х3 Азийн аварга шалгаруулах тэмцээн юм.Энэ тэмцээн Монголд 3х3 сагсан бөмбөгийг танилцуулах биш, харин уг спортыг аль хэдийнээ өөрийн соёл, бахархлын нэг хэсэг болгосон хотыг дэлхий дахинд дахин харуулах болно.Азийн шилдэг тоглогчид 3х3 сагсан бөмбөгийг амралтын өдрийн нэгэн арга хэмжээ бус, харин орон нутгийн иргэдийн амьдрал, үнэт зүйлсийн нэг хэсэг болгосон хотод ирнэ.Сүүлийн жилүүдийн туршлагаас харахад тэд нэг зүйлийг гарцаагүй ойлгох болно.Улаанбаатарт хөгжөөн дэмжигчид тоглолтыг зүгээр нэг үздэггүй. Тэд түүний түүхийг хамтдаа бүтээлцдэг.

FIBA 3x3: 2027 оны ААШТ “Улаанбаатарт” болно

ONE Championship-ийн The Inner Circle 24 тэмцээн маргааш Тайландын Бангкок хотын алдарт Lumpinee Stadium-д маргааш болох гэж байна. Энэ орой хэд хэдэн тулаан болохоос үзэгч бидний хүсэн хүлээсэн оргил тулаан бол аваргын бүсээ хамгаалж тулалдах, Монгол түмний бахархал Баатархүүгийн Энх-Оргилийн тулаан байх юм.

ONE Bantamweight World Championship-ийн аваргын бүсийн төлөөх тулаанд өнгөрсөн жилийн аварга Баатархүүгийн Энх-Оргилийн эсрэг мэргэжлийн тулааны замналдаа нэг ч ялагдал хүлээгээгүй Азербайжаны тулаанч Элбек Алышов тулалдах болсон. Энэ амжилтаа үргэлжлүүлж нэг ч ялагдал хүлээгээгүй аваргын бүсийн шинэ эзэн тодрох уу? Эсвэл өнгөрсөн жилийн аварга Б. Энх-Оргил дахин аваргын бүсээ хамгаалах уу гэдэг сонирхолтой бөгөөд хариуцлагатай тулаан болох болно.

Баатархүүгийн Энх-Оргил өнөөдөр Монголын холимог тулааны спортын хамгийн тод төлөөлөл болоод байгаа юм. Тэрээр мэргэжлийн замналдаа нийт 17 тулаан хийж, 14 ялалт, 3 ялагдал хүлээсэн амжилттайгаар дэлхийн шилдэг холбоонд хүчтэй өрсөлдөж байгаа билээ. Харин Азербайжаны тулаанч Элбек Алышов 2020 оны аравдугаар сард мэргэжлийн ММА замналаа эхлүүлснээс хойш нэг ч ялагдал хүлээлгүй 10 дараалан ялалт байгуулж, ялагдашгүй амжилтаа үргэлжлүүлсээр байгаа залуу шилдэг тулаанч билээ.&nbsp;

Өнгөрсөн жил Б. Энх-Оргил Тайландын Бангкок хотын Lumpinee Stadium-д болсон ONE Bantamweight World Championship-ийн аваргын төлөөх тулаанд тухайн үеийн аварга Бразилын Фабрисио Андраде-тай хүч үзэж, шинэ аварга болсон. Энэ амжилтаа баталгаажуулж дахин аваргын бүсийн эзэн хэмээн дуудуулах хариуцлагатай тулаан эхлэх гэж байна.

Аваргын бүсээ хамгаалах хариуцлагатай тулаан маргааш болох болно

Энэ оны хоёрдугаар хагсын эхний тэмцээн болох "Blast Bounty 2026 Season 2" тэмцээнд Монгол улсын төлөөлөл The MongolZ баг амжилттай оролцож хасагдах шатад шалгараад байгаа билээ. Энэхүү тэмцээний гуравдугаар шат шигшээ тоглолтууд Мальта улсад LAN хэлбэрээр зохион байгуулагдах гэж байна.&nbsp;

Шилдэг найман багуудын хоорондох оноолт тодорхой болсон. Энэ тэмцээний эхлэлтэй адил доогуур чансаатай дөрвөн баг өөрсдийн өрсөлдөх багуудыг сонгосон. Монгол улсын төлөөлөл The MongolZ багийг Европын FaZe баг амлаж авсан. Бусад багуудын хуваарь бол paiN багийн эсрэг Astralis, 3DMAX багийн эсрэг MOUZ, Liquid багийн эсрэг Spirit гэсэн оноолт гарсан.

The MongolZ багийн хасагдах шатны эхний тоглолт долоодугаар сарын 31-ний (Баасан гараг) орой 20 цаг 30 минутаас FaZe багтай өрсөлдөхөөр болж байна. The MongolZ энэ удаагийн Blast Bounty 2026 Season 2 болон өнгөрсөн жил аваргын цомыг өргөсөн EWC World Cup зэрэг тэмцээнүүдэд дасгалжуулагчгүй оролцох болсноо мэдэгдсэн.&nbsp;

Шинэ бүрэлдэхүүн, дасгалжуулагчгүй тэмцээнүүд гээд The MongolZ багийн энэ оны хоёрдугаар хагсас хүндхэн эхэлж байгаа ч энэ нь залуу тоглогчдын хувьд илүү чөлөөтэй, бусдаас шалтгаалахгүй өөрсдийн буудалт, тоглолтыг чөлөөтэй гаргах боломж нээгдэж байгаа юм.

The MongolZ багийн дараагийн учраа FaZe

2026 оны Эрэгтэйчүүдийн Волейболын Үндэстнүүдийн Лигийн (VNL) шигшээ шат БНХАУ-ын Нинбо хотод албан ёсоор эхэлж, өчигдөр шөвгийн наймын эхний хоёр тоглолт явагдлаа. Үндэстнүүдийн Лигийн шөвгийн наймын эхний тоглолт Словенийн шигшээ баг Туркийн шигшээ багийг хожиж, Японы шигшээ баг талбайн эзэн Хятадын шигшээ багийг хожиж, хагас шигшээд шалгарлаа.Словени 3:0 Турк&nbsp;

Өдрийн эхний тоглолтод Словени, Туркийн шигшээ багууд учраа таарсан бөгөөд онооны зөрүү бага, ширүүн өрсөлдөөнтэй гурван үед Словени илүү тогтвортой тоглолтоо үзүүлэн 3:0-ээр ялалт байгууллаа. Хэдийгээр ээлжийн харьцаа 3:0 гэж харагдаж байгаа ч талбай дээр байдал огт өөр байв. Турк бүх үед Словенийн шигшээ багтай эн тэнцүү өрсөлдөж, шийдвэрлэх мөчүүдэд оноо авах боломжуудыг үүсгэсэн ч туршлага, алдаа багатай тоглолт Словенийн талд ажиллав.

Словенийн шигшээ багаас Рок Можич 25 оноо авч, бүх тоглогчдыг тэргүүлж, Ник Муянович 20 оноо авч, чухал мөчүүдэд дараалан оноо авч багаа ялалтад хүргэлээ. Ингэснээр Словени VNL-ийн түүхэнд дахин нэг удаа медалийн төлөө өрсөлдөх боломжоо хадгалж, хагас шигшээд шалгарсан эхний баг болов.Япон 3:1 Хятад&nbsp;

Өдрийн хоёр дахь тоглолт Нинбогийн цэнгэлдэхийг дүүргэсэн хөгжөөн дэмжигчдийн өмнө болж, Япон болон талбайн эзэн Хятадын хооронд гайхалтай тоглолт өрнөлөө. Хятад эхний мөчөөс эхлэн зоригтой тоглож, эхний ээлжийн тоглолтод ялалт байгуулж, Японыг ихээхэн сандаргасан ч Азийн шилдэг багийн туршлага шийдвэрлэх үед зангаргаа харууллаа. Ялангуяа багийн ахлагч Ран Такахаши довтолгоо, хамгаалалтын аль алинд нь манлайлан нийт 21 оноо авч, Японы ялалтын гол баатар боллоо.

Хятадын баг талбайн эзний хувьд нэр төртэй тоглолт үзүүлж, хөгжөөн дэмжигчдээ олон удаа босгон алга ташуулсан ч шийдвэрлэх мөчүүдэд Японы хурд, хамгаалалт, довтолгооны зохион байгуулалтыг гүйцэж чадсангүй. Ийнхүү Япон 3:1-ээр ялж, VNL 2026-ын хагас шигшээд шалгарлаа.Өнөөдөр Үндэстнүүдийн Лигийн шөвгийн наймын сүүлийн хоёр тоглолт явагдана.Итали – АНУ / 2026 оны 07-р сарын 30-нд 15:00 цагаас /Польш – Украйн / 2026 оны 07-р сарын 30-нд 19:30 цагаас /

VNL 2026: Словени болон Японы шигшээ багууд хагас шигшээд шалгарлаа

Монгол Улс 2026 онд 3х3 сагсан бөмбөгийн дэлхийн томоохон тэмцээнүүдийг дараалан зохион байгуулж байгаа бөгөөд энэ удаад Дархан хот олон улсын шилдэг багуудыг хүлээн авах гэж байна. “FIBA 3x3 Darkhan Challenger 2026” тэмцээн наймдугаар сарын 1-2-нд болох бөгөөд аваргын төлөөх өрсөлдөөнөөс гадна (World Tour)-ын эрхийн төлөөх чухал тоглолтууд явагдана. Энэхүү “Darkhan Challenger” тэмцээний шилдэг багууд 2026 оны арван нэгдүгээр сарын 7,8-нд явагдах Дэлхийн цуврал (World Tour)-т оролцох эрхээ авах юм.&nbsp;

Darkhan Challanger 2026 тэмцээнд Монгол улсаас нийт таван баг оролцоно. Тэмцээний урьдчилсан шатны “А” хэсэгт Чехийн Liberec, Тэрэлж, Дархан багууд өрсөлдөх бол урьдчилсан шатны “B” хэсэгт Завхан, Латвийн Jurmala, Энэтхэгийн Siliguri Kaga багууд өрсөлдөж, урьдчилсан шатнаас “А” болон “B” хэсгийг тэргүүлсэн багууд тэмцээний үндсэн хэсгийн шат руу шалгарна. Харин тэмцээний үндсэн хэсэгт манай улсаас Улаанбаатар ММС Энержи баг чансааны №2-т эрэмбэлэгдэж, тэмцээний “B” хэсэгт Хорватын Cibona, Литвын Kaunas багуудтай таарч тоглохоор боллоо. Мөн Сансар М Банк баг чансааны №9-т эрэмбэлэгдэж, тэмцээний “А” хэсэгт Сербийн Лиман, Литвын Marijampole багуудтай нэг хэсэгт өрсөлдөнө.

FIBA 3x3: Darkhan Challanger тэмцээнд Монгол улсаас таван баг өрсөлдөнө

Эрэгтэйчүүдийн Волейболын Үндэстнүүдийн лиг (VNL)-ийн урьдчилсан шат өндөрлөж, БНХАУ-ын Нинбо хотод болох шигшээ шатны шөвгийн наймын тоглолтын хуваарь болон учраанууд албан ёсоор тодорлоо. Шигшээ шатны тоглолтууд долоодугаар сарын 29, 30 болон наймдугаар сарын 1, 2-ны өдрүүдэд болно. Өдөр бүр хоёр тоглолт явагдах бөгөөд Нинбо хотын цагаар 15:00, 19:30 цагт эхэлнэ.

Шөвгийн наймын эхний тоглолтод гурван удаа VNL-ийн хагас шигшээд шалгарч байсан Словенийн шигшээ баг тэмцээний түүхэндээ анх удаа шигшээ шатанд шалгарсан Туркийн багтай хүч үзнэ. Эхний өдрийн хоёр дахь тоглолт урьдчилсан шатыг нэг ч хожигдолгүй тэргүүлсэн Японы шигшээ болон талбайн эзэн БНХАУ-ын багуудын хооронд өрнөнө. VNL-ээс нэг мөнгө, нэг хүрэл медаль хүртээд буй Япончууд энэ удаа анхны аваргын цомоо хүртэх зорилготой байгаа бол талбайн эзэд хөгжөөн дэмжигчдийнхээ өмнө сенсаци бүтээхийг зорьж байна.

Пүрэв гарагийн эхний тоглолт өнгөрсөн жилийн мөнгөн медальт, дэлхийн аварга Италийн шигшээ болон Парис-2024 олимпын хүрэл медальт, VNL-ээс дөрвөн медаль хүртсэн АНУ-ын шигшээ багуудын хооронд болно. Энэхүү тоглолт нь Парисын олимпын хүрэл медалийн төлөөх тоглолтын дахин давтагдсан учраа гэдгээрээ онцлог.

Харин шөвгийн наймын сүүлийн тоглолтод аваргаа хамгаалагч, дэлхийн чансааг тэргүүлэгч Польшийн шигшээ баг VNL-ийн шигшээ шатанд түүхэндээ анх удаа шалгарсан Украины шигшээтэй тоглоно. Хагас шигшээд Япон–БНХАУ-ын тоглолтын ялагч Итали–АНУ-ын хосын ялсантай учраа таарах бол нөгөө талд Словени–Турк болон Польш–Украины тоглолтын ялсан багууд финалын эрхийн төлөө өрсөлдөх юм.

Эрэгтэйчүүдийн Үндэстнүүдийн лиг (VNL)-ийн Шөвгийн наймын тоглолтууд маргаашаас эхэлнэ

Сэтгэл хөдлөлөөр дүүрэн нэгэн сар байлаа. Өөрсдийн хязгаарыг даван тэмүүлсэн сар. Францын шигшээ багийн өмсгөлийг өмсөн тоглосноороо бахархсан сар. Юу юунаас илүү, талбай дээрх тоглолтод амь оруулж, биднийг урагш хөтөлдөг тэрхүү хүсэл тэмүүллийн сар байлаа. Та бүхэн гэрээсээ үзсэн ч бай, цэнгэлдэхэд биднийг дэмжсэн ч бай, энэ бүхнийг бид хамтдаа мэдэрсэн. Үнэхээр гайхалтай аялал байлаа.Харамсалтай нь бид хамтын мөрөөдлөө биелүүлж, Дэлхийн аваргын цомыг эх орондоо авчирч чадсангүй. Энэ үнэхээр сэтгэлийг минь өвтгөсөн. Бас хэсэг хугацаанд өвдсөөр байх болно.

Өөрөөр дүр эсгэхгүй. Гэхдээ ДАШТ-д үзүүлсэн тоглолтоороо би энэ багаараа бахархаж байна. Магадгүй бид та бүхэнд илүү сайхан төгсгөх өртэй байсан байх. Гэхдээ түүх хэрхэн өндөрлөхийг бид үргэлж мэдэрч чаддаггүй. Харин өгч буй бүхнээ зориулан тэмцэхээ л бид сонгодог. Үүгээрээ бид бахархах эрхтэй. Багийнхаа нөхдөдөө баярлалаа. Та бүхний хөдөлмөр, гүйлт, дамжуулалтгүйгээр эхний тоглолтоос сүүлийн мөч хүртэл би ийм олон гоол оруулж хэзээ ч чадахгүй байсан. Энэ шагнал зөвхөн минийх биш, бүх багийнх. Би гурав дахь Дэлхийн аваргадаа оролцлоо. Нэг түрүүлж, нэгд нь дэд байр эзэлж, одоо дахин нэгийг дуусгалаа. Эх орныхоо шигшээ багийн ахлагч байх нэр төрийг хүртсэн нь миний амьдралын хамгийн том хүндэтгэлүүдийн нэг байлаа. Үүнийг би хэзээ ч мартахгүй. Та бүхнээс маш олон нь шөнө дөл хүртэл сэрүүн байж биднийг үзсэн. Зарим нь гэртээ, зарим нь баар, гэр бүл, найз нөхөдтэйгөө, Францад ч, дэлхийн өнцөг булан бүрд ч байсан. Харин өөр нэг хэсэг нь Францын далбаагаа нөмөрч, нүдэндээ итгэл дүүрэн цэнгэлдэхэд биднийг дэмжсэн. Нас, хүйс, гарал үүсэл үл харгалзан зүгээр л тэр мөчийг хамтдаа мэдэрч чадсандаа баярласан хүмүүс байсан.

Та бүхэн бидэнд итгэхээ хэзээ ч больсонгүй. Хамгийн хэцүү мөчүүдэд ч, бид үүнийг хүртэх эрхгүй мэт санагдсан агшинд ч. Энэ түүхийг зөвхөн талбай дээрх 11 тоглогч бус, ижил хүсэл мөрөөдлийг тээн явсан сая сая хүн хамтдаа бүтээсэн. Би хэлэх ёстой бүхнээ хэлчихлээ гэж бодож байна. Харин хамгийн гол нь Тэр өөрөө мэдэж байгаа. Физик эмчилгээний баг, эмч нар, дасгалжуулагчид, жолооч нар, арын албанд нэр нь үл мэдэгдэхээр хөдөлмөрлөсөн хүн бүр, мөн АНУ-д биднийг халуун дотноор угтан авсан бүх хүмүүст баярлалаа. Та бүхэнгүйгээр энэ боломжгүй байсан.Эцэст нь хэлэхэд, хөлбөмбөг бол тоглоом. Бид үүнд маш нухацтай ханддаг ч эцсийн дүндээ энэ бол хүүхэд байхдаа анх бөмбөг өшиглөж, гоол хийхийг мөрөөддөг байсан тэр л тоглоом. Тиймээс бид энэ тоглоомыг байгаа чигээр нь хайрладаг. Энэ Дэлхийн аварга өндөрлөсөн ч бидний түүх үргэлжилнэ. Дахиад олон тоглолт, зун, өвлийн олон шөнө биднийг хүлээж байна. Бид дахин хамтдаа цугларч, ижил хүсэл тэмүүлэлтэйгээр дахин тоглоно.Бидний аялал хараахан дуусаагүй.Бүх зүйлд баярлалаа.Килиан Мбаппе

Килиан Мбаппе: Баярлалаа

Дэлхийн хамгийн нэр хүндтэй Counter-Strike 2 (CS2) тэмцээнүүдийн нэг болох BLAST Premier Open 2027 тэмцээн нь ирэх оны тавдугаар сарын 10-23-ны өдрүүдэд Улаанбаатар хотод анх удаа зохион байгуулагдах гэж байна. Өмнө нь эх орондоо дэлхийн өндөр зэргэлэлийн тэмцээн зохион байгуулах гэдэг мөрөөдөл төдий байсан бол ийнхүү албан ёсоор Монгол улсын нийслэл Улаанбаатар хотод зохион байгуулах болсноо BLAST байгууллага зарлаад байна.

Тус тэмцээнд дэлхийн шилдэг 16 баг өрсөлдөж, нийт 1.25 сая ам.долларын шагналын сангийн төлөө хүч үзнэ. Хоёр долоо хоног үргэлжлэх LAN тэмцээн нь дэлхийн шилдэг Counter-Strike баг, тоглогчдыг Монголын үзэгчдийн өмнө авчрах түүхэн үйл явдал болох юм. BLAST байгууллагын хувьд энэ нь Монгол Улсад зохион байгуулж буй анхны тэмцээн бөгөөд дэлхий даяар өсөн нэмэгдэж буй Монголын Counter-Strike хөгжөөн дэмжигчдэд олон улсын хэмжээний томоохон тэмцээнийг эх орондоо үзэх боломжийг олгож байна.

Багууд хэрхэн шалгарах вэ? Тэмцээнд оролцох багуудыг Valve Regional Standings (VRS) дэлхийн чансаа болон бүсийн сонгон шалгаруулалтын үр дүнгээр тодруулна. Нийт 16 баг оролцох BLAST Premier Open Ulaanbaatar тэмцээнд дэлхийн VRS чансаагаар 11 багийн урилгаар оролцуулж, таван багийг бүс нутаг бүрд оноогдсон эрхээр тэмцээнд оролцуулах юм. Урилгаар оролцох багуудыг 2027 оны гуравдугаар сарын 2-нд, гуравдугаар сарын 1-ний VRS чансааг үндэслэн илгээнэ болно. Тэмцээн Монгол Улсад зохион байгуулагдаж байгаа учраас Азийн бүс нэмэлт эрх авч, нийт хоёр баг Азийн сонгон шалгаруулалтаас үндсэн тэмцээнд шалгарах юм.&nbsp;

Бүсийн сонгон шалгаруулалт Бүсийн онлайн сонгон шалгаруулалт 2027 оны дөрөвдүгээр сарын 16-18-ны өдрүүдэд болно. Бүс бүрийн хаалттай шатанд VRS чансаагаар дөрвөн баг шууд уригдах бөгөөд нээлттэй сонгон шалгаруулалтаас эрх авсан багуудтай өрсөлдөнө. Европ, Хойд Америк, Өмнөд Америкийн хаалттай шат найман багийн нэг хожигдлоор хасагдах системээр явагдах бол Азийн бүсийн тэмцээн найман багийн GSL форматаар зохион байгуулагдана. Энэ эрхийг хоёр Монгол баг аль эсвэл хоёр өөр Ази тивийн багууд ч авах боломжтой юм.

1.25 сая ам.долларын шагналын сантай BLAST Premier Open Ulaanbaatar тэмцээний нийт шагналын сан 1.25 сая ам.доллар байна. Үүнээс 500 мянган ам.доллар нь шагналын мөнгө, 750 мянган ам.доллар нь оролцож буй багуудад хуваарилагдах санхүүжилт байх аж. Үүнээс гадна BLAST-ийн шинэ Acceptance Fee буюу оролцооны төлбөрийн системийн хүрээнд уригдсан багууд нэмэлт санхүүгийн дэмжлэг авах юм.

Монголыг сонгосон шалтгаан BLAST-ийн мэдээлснээр Монгол Улс сүүлийн жилүүдэд дэлхийн Counter-Strike-ийн тавцанд улам хүчтэй байр суурь эзэлж байгаа бөгөөд үүнд мэргэжлийн багуудын амжилт, үнэнч хөгжөөн дэмжигчид гол нөлөө үзүүлжээ. Монголын фэнүүд олон улсын тэмцээнүүдийг үүрийн цагаар ч үзэж, тоглолт бүрийг идэвхтэй дэмждэгээрээ дэлхийд танигдсан бөгөөд энэ нь BLAST-ийн Монголыг сонгох нэг шалтгаан болсон байна. Мөн Монголын Counter-Strike-ийн нэр хүндийг өсгөсөн томоохон үйл явдлын нэг нь The MongolZ баг 2025 оны BLAST.tv Austin Major тэмцээний финалд шалгарч, Team Vitality багт ялагдан дэд байр эзэлсэн амжилт юм.

BLAST Premier-ийн шинэ чиглэл 2027 онд BLAST Premier уламжлалт тэмцээнүүдээ шинэ улс орон, хотуудад хүргэх бодлого баримталж байгаа бөгөөд Улаанбаатар энэ жагсаалтад багтаж байна. Одоогоор 2027 оны BLAST Premier тэмцээнүүдийг Рио-де-Жанейро, Сингапур, Хонконг, Мальта болон Улаанбаатар хотуудад зохион байгуулахаар төлөвлөжээ. Тэмцээний зохион байгуулагдах танхим, тасалбарын худалдаа, оролцох багуудын талаарх дэлгэрэнгүй мэдээллийг BLAST ойрын хугацаанд албан ёсоор танилцуулах юм.

BLAST Premier Open тэмцээн анх удаа Монгол Улсад зохион байгуулагдана

Малайз улсын Гентинг Хайландс хотын Wyndham ION Majestic Hotel-д энэ сарын 23-26-ны өдрүүдэд болсон "WPA Heyball Champion of Champions Malaysia 2026" олон улсын тэмцээнд Монголын тамирчин Б.Нарантуяа эмэгтэйчүүдийн ганцаарчилсан төрөлд мөнгөн медаль хүртэж, эх орныхоо нэрийг дэлхийн тавцанд дахин өндөрт өргөлөө.&nbsp;

Дэлхийн Пүүл Бильярдын Холбоо (WPA)-ны албан ёсны чансааны томоохон тэмцээнүүдийн нэг болох энэхүү тэмцээнд дэлхийн шилдэг 128 тамирчин оролцож, нийт 400 мянган ам.долларын шагналын сангийн төлөө дөрвөн өдрийн турш өрсөлдсөн байна. Тэмцээнд Ази, Европ, Америк, Африк болон Далайн орнуудын шилдэг тамирчид хуран чуулж, heyball буюу хятад пүүлийн дэлхийн хэмжээний өрсөлдөөн өрнүүлжээ. Монголын тамирчин Б.Нарантуяа хэсгийн болон хасагдах шатны тоглолтуудад дараалан ялалт байгуулж, шилдэг өрсөлдөгчдөө буулган авсаар аваргын төлөө тоглох эрхтэй болсон юм. Тэрээр шөвгийн 32-т Никарагуагийн Карен Гарсиаг ялж, цааш амжилттай тоглосоор финалд шалгарсан нь тэмцээний онцлох амжилтын нэг байлаа.&nbsp;

Аваргын төлөөх тоглолтод Б.Нарантуяа heyball-ын дэлхийн хамгийн хүчтэй эмэгтэй тоглогчдын нэг, БНХАУ-ын Ши Тианьчитэй өрсөлдсөн. Ши Тианьчи энэхүү тэмцээний аваргын цомыг дараалан гурав дахь жилдээ хүртэж, түүхэн амжилтын эзэн болсон бол Монголын тамирчин мөнгөн медаль хүртсэнээр олон улсын хамгийн өндөр зэрэглэлийн тэмцээнээс медаль хүртсэн цөөн монгол тамирчдын нэг боллоо. Б.Нарантуяа дэд байр эзэлснээр 20,000 ам.долларын мөнгөн шагнал хүртсэн бөгөөд Монголын heyball спортын олон улсын амжилтын түүхэнд дахин нэг шинэ хуудсыг нээлээ.&nbsp;

Энэ удаагийн тэмцээнд Монгол Улсаас Б.Нарантуяагаас гадна хэд хэдэн тамирчин оролцсон бөгөөд нээлттэй тэмцээний бүртгэлд Э.Ариунцэцэг зэрэг тамирчдын нэрс бүртгэгдсэн байна. Харин Монголын багийн бүрэн бүрэлдэхүүний албан ёсны жагсаалтыг зохион байгуулагч хараахан нийтлээгүй байна. Б.Нарантуяагийн энэхүү амжилт нь Монгол Улсад heyball буюу хятад пүүл бильярдын спорт эрчимтэй хөгжиж байгаагийн илэрхийлэл бөгөөд энэ оны эхээр Монголын эрэгтэй шигшээ баг Heyball-ын багийн Дэлхийн цомын аварга болсон амжилтын дараа олон улсын тавцанд дахин өндөр амжилт үзүүлсэн үйл явдал болж байна.

Б.Нарантуяа дэлхийн шилдэг тамирчидтай өрсөлдөн мөнгөн медаль хүртлээ

2026 оны эмэгтэйчүүдийн Волейболын Үндэстнүүдийн Лиг (VNL) албан ёсоор өндөрлөж, Туркийн шигшээ баг финалын тоглолтод Бразилыг 3:1-ээр буулган авч түүхэндээ хоёр дахь удаагаа VNL-ийн аваргын цомыг хоёр дахь удаагаа өргөлөө.

БНХАУ-ын Макаод болсон аваргын төлөөх тоглолтод Бразил эхний үеийг илүүрхэн авсан ч Турк дараагийн гурван үеийг дараалан ялж, эргэн ирэлт хийснээр аваргын алтан медалийг хүртэв. Ингэснээр тэд 2023 онд анх түрүүлснийхээ дараа дахин VNL-ийн аварга болж, дэлхийн эмэгтэйчүүдийн волейболын хамгийн хүчирхэг шигшээ багуудын нэг гэдгээ батлан харууллаа. Харин Бразилын шигшээ баг “VNL” тэмцээнд тав дахь удаагаа аваргын төлөө шалгарсан ч аваргын цом өргөж үзээгүй хэвээр үлдэж, 5 дахь мөнгөн медалиа хүртлээ.

Финалын тоглолтын гол баатар нь Туркийн од довтлогч Мелисса Варгас байв. Түүний хувьд аваргын төлөөх тоглолтод 33 оноо авч гайхалтай тоглолт үзүүлж, зөвхөн финалд төдийгүй тэмцээний турш тогтвортой өндөр түвшинд тоглож, 2026 оны VNL-ийн хамгийн үнэ цэнтэй тоглогч (MVP)-ээр шалгарлаа.

Хүрэл медалийн төлөөх тоглолтод Итали Хятадыг хожиж, тэмцээнийг гуравдугаар байраар өндөрлүүлэв. Олимпын аварга Италийн хувьд аваргын цолоо хамгаалж чадаагүй ч медальтай нутаг буцаж чадсан бол Хятадын шигшээ эх орондоо болсон финалын шатанд дөрөвдүгээр байрт шалгарлаа.Энэ жилийн VNL зургаадугаар сарын эхээр эхэлж, дэлхийн шилдэг 18 улсын шигшээ баг гурван долоо хоногийн урьдчилсан шатанд өрсөлдсөний дараа шилдэг найман баг Макаод аваргын төлөө хасагдах шатанд хүч үзсэн юм. Тэмцээний турш өндөр түвшний өрсөлдөөн, шинэ оддын гялалзсан тоглолтууд хөгжөөн дэмжигчдэд мартагдашгүй мөчүүдийг бэлэглэлээ. 📝 Мэдээллийн ивээн тэтгэгч:🤝 <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a> - Эрүүл хүнсийг Эвт брэндээс🤝 <a href="https://www.facebook.com/VngTravelAgency" rel="noopener noreferrer" target="_blank">VNG Travel</a> - Европыг танд илүү ойртуулна.

VNL 2026: Туркийн эмэгтэй шигшээ баг хошой аварга боллоо

Монгол улсын төлөөлөл The Mongolz баг энэ оны хоёрдугаар улирлын эхний S-Tier зэрэглэлийн тэмцээн болох "Blast Bounty 2026 Season 2" тэмцээнд амжилттай оролцож хасагдах шатад өрсөлдөх шилдэг найман багийн нэгээр шалгараад байна. Багийн бүрэлдэхүүндээ өөрчлөлт оруулсан The MongolZ багийн шийдвэр одоогоор зөв нүүдэл болж байна. Бүрэлдэхүүнээ өөрчилсөн мэргэжлийн багууд тодорхой амжилт гаргахад доод тал нь гурваас дөрвөн сарын хугацаа шаарддаг. Хэдий өндөр зэрэглэлийн хүчтэй багуудтай өрсөлдөөгүй ч эхний тэмцээндээ амжилттай оролцлоо.

"Blast Bounty 2026 Season 2" тэмцээн нь Single Elimination буюу нэг хожигдвол тэмцээнийг өндөрлүүлэх зарчмаар өрсөлддөг. Мөн энэ тэмцээнд оролцож байгаа чансаа доор багууд өндөр зэрэглэлийн багуудыг амлаж аван тоглолт хийдгээр онцлогтой юм. Тэмцээний эхний тоглолт HERIOC баг The MongolZ багийг амлан авсан. Тоглолтын үр дүн 2-1 гэсэн харьцаатайгаар The MongolZ багийн ялалтаар өндөрлөсөн. Дараагийн тоглолт Wildcard баг The MongolZ багийг амлаж, тоглолтын үр дүн 2-0 гэсэн харьцаатай The MongolZ ялалт байгуулж хасагдах шатад шалгарсан юм.

The MongolZ багийг хамгийн ихээр анхаарал татаж байсан зүйл бол багийн шинэ хоёр тоглогч юм. Tikuak болон DarKMeaster гэх залуу тоглогчид өөрсдийн анхны өндөр зэрэглэлийн тэмцээнд оролцсон юм. Хоёр тоглогчийн хувьд сайн тоглолтыг үзүүлж, өөрсдийн байрлалд сайн тохирсон гэдгийг харуулж чадлаа. Тоглолтыг харахад багийн тактик болон системд төдийлөн сайн уусаж байгаа харагдахгүй байгаа ч энэ орон зайгаа өөрсдийн буудалтаар нөхөж харуулж чадаж байна. Зарим тохиолдолд багийн гол буудалтуудыг үзүүлж, хэрэгтэй үед чухал шийдвэрүүдийг гаргаж чадаж байна.

"Blast Bounty 2026 Season 2" тэмцээний хасагдах шатны тоглолтууд Мальта улсад долоодугаар сарын 30-ний өдрөөс эхэлнэ. Багуудын хуваарь болон тоглох цаг тодорхой болоогүй байгаа юм. мөн адил чансаа доогуур багууд The MongolZ багийг амлаж авах тул хасагдах шатны эхний тоглолтууд дээр харьцангуй тайван тоглолтыг The MongolZ багаас харах байх.&nbsp;

Шинэ контент