🏐  Үндэсний Дээд Лигийн 𝟐𝟎𝟐𝟒-𝟐𝟎𝟐𝟓 оны улирал цоо шинэ улирал маргааш эхэлнэ. 
🎫Msports-ийн хамт олон "Волейболын Үндэсний Дээд лиг"-ийн бүх төрлийн мэдээллийг та бүхэнд цаг алдалгүй хүргэхэд бэлэн боллоо.

📈Тамирчдын тоглолтод үзүүлж буй дундаж статистик үзүүлэлт
🧾Багуудын амжилтын хүснэгт

📊Тоглолтын сет бүрийн шууд статистик, Boxscore

💁Баг тамирчдын мэдээлэл

📆Тоглолтын хуваарь, үр дүн

10 факт

ВОЛЕЙБОЛ СОНИРХОГЧДЫН АНХААРАЛД 💯

Өсөхбаяр

Сагсан бөмбөгийн үндэсний дээд лигийн 𝟑𝟎 дахь улирал эхлэх гэж байна. Та бүхэн 𝐌𝐬𝐩𝐨𝐫𝐭𝐬 𝐚𝐩𝐩 болон www.msports.mn сайтаар дамжуулан ДЭЭД ЛИГ-ийн бүхий л МЭДЭЭЛЭЛ-ийг нэг дороос харах боломжтой.
Үүнд: Тоглолтын хуваарь-Тоглолтын Үр дүн-
𝐒𝐭𝐚𝐧𝐝𝐢𝐧𝐠𝐬 буюу Амжилтын хүснэгт-𝐁𝐨𝐱 𝐒𝐜𝐨𝐫𝐞 буюу статистик мэдээлэл-Баг, Тамирчдын мэдээлэл - Тамирчдын дундаж үзүүлэлт - Багийн дундаж үзүүлэлт зэрэг бүх мэдээллийг авах боломжтой. 
Та 𝐌𝐒𝐏𝐎𝐑𝐒 𝐀𝐏𝐏-аа татаад хамгийн хялбараар ДЭЭД ЛИГ-тэй ойрхон байгаарай.

Өөрийн дэмждэг болон өрсөлдөгч баг, тамирчдын мэдээлэл, өөрийн дэмждэг багийн тоглолтын хуваарь, статистик мэдээлэл.

Дээд лигийн болон спортын бүх төрлийн мэдээ мэдээллийг авах боломжтой.

Багуудын улирлын амжилтын хүснэгт, тамирчин бүрийн дундаж статистик үзүүлэлт.

Дээд Лигийн улирлын стандинг, тоглолтын хуваарь, өнгөрсөн болон удахгүй болох тоглолтын хуваарь үр дүнгийн мэдээлэл.

Тоглолт бүрийн Лайв стат буюу тоглолтын үр дүнг шууд харах боломжтой, мөн тоглогчдын статистик үзүүлэлтийг тоглолтын үеэр харах боломжтой.

САГСАН БӨМБӨГ СОНИРХОГЧДЫН АНХААРАЛД

Парисын олимп надад маш их зүйл ойлгуулсан. Монгол боксчдын тэр тусмаа эмэгтэй тамирчин дүү нартаа боломж байгаа гэдгийг харуулсандаа баяртай байгаа.

Олимпын тулаан бүр маш хэцүү, хүнд байсан. Бүх тоглолтуудаасаа сургамж авч, дутуу зүйлээ мэдэрч, өөрийгөө илүү нээж чадсан. Надад одоо байгаагаас илүү зүйл байгаа гэдгийг маш сайн ойлгосон.

Ажлаа бас бэлтгэлээ чин сэтгэлээ хийх дуртай. Бэлтгэлээ хийхээр тайван, төвлөрөөд маш гоё байдаг.

Багадаа хөдөлгөөнтэй, дуу гаргалгүй чимээгүй үймүүлдэг, зальтай хүүхэд байсан. 2011 онд боксын спортод хөл тавьж байлаа.

Анхны багш МУГТ А.Гантулга багш маань. Одоог хүртэл надад зааж, сургаад явж байна. Анхны тэмцээн дээр цохиулахад аав ээж хоёр маань минь уйлаад харж чаддаггүй байсан бол одоо мэргэжлийн багш дасгалжуулагч шиг л зөвлөгөө өгдөг болсон.

Боксын спортоос бууж өгдөггүй зан чанар, амьдралд тэмцэж чадах тэмцэл, өөрийгөө ялан дийлэх, хүчирхэг байх зан чанаруудыг биеэрээ сурч ойлгож авдаг. Парисын олимпын дараа яг л шинэ хичээл орж байгаа мэт бүх санагдсан.

Миний хувьд ном унших, юм оёх, алхалт хийх дуртай. Тэмцээний дундуур хамгийн тохиромжтой сэтгэл санаагаа тайван байлгадаг зүйл бол юм оёх. Төвлөрөхөд тус болдог учраас хичээнгүйлэн оёдог. Одоо аавдаа даалин урлаад бараг дуусаж байна.

Рингнээс гадуур хүнтэй зодолдох бодол хааяа орж ирнэ.Тэгвэл яах уу, ингэвэл яах уу гээд төсөөлж өгнө. Гэхдээ яг цаг нь тулаад зодолдохоо хүрвэл чадахгүй байх. Би чинь өрөвч, хүнтэй шөргөөлцөлдөж чаддаггүй хүн.

Найз залуу байхгүй ч Сrush бол байгаа. Хүнээс хамгийн эхлээд хүнтэй харилцах харилцааг нь харна. Хөөрхөн инээдэг байвал гоё санагддаг. Ажилтай хөдөлмөрч тууштай хүмүүс таалагддаг.

Тамирчин дүү нартаа спорт сонирхогчиддоо захиж хэлэхэд “Зорьсон л бол заавал хүрээрээй. Бэлтгэл хийхдээ хэзээ ч битгий төвөгшөөж, өөрийгөө хуурч залхуураарай. Нэгэнт л хийж байгаа юм чинь минут секунд бүрээ өөртөө зориулж, жаргалтай инээж байгаад бэлтгэлээ хийгээрэй.

Хожил болгон аварга болохгүй, хожигдсон ч ахиад ахиад эхлүүлж, хүчтэй шантаршгүй байдлыг өөртөө байнга оруулж байгаарай. Спорт хэзээ ч нэг тэмцээнээр дуусахгүй. Дараагийн тулаандаа бэлэн байх хэрэгтэй. Ямар ч үед дасгалжуулагчаа, шүүгчээ бусад хүмүүсийг хамгийн гол нь өрсөлдөгчөө хүндлээрэй.

Мөнгөнцэцэг Энхжаргал

Дөлгөөн

Багадаа утсаа хүмүүст дээрэмдүүлэхэд нь ээж аав нь “Тамирчин болох ч яамай. Дахиж хүнд дээрэмдүүлэхгүй, биеэ хамгаалдаг болчих” хэмээн хэлж, боксын спортоор хичээллүүлсэн гэнэ.

Хамгийн анх сэтгүүлээс ОУХМ Т.Болортуул эгчийгээ Азийн аварга болсон тухай мэдээг хараад ямар хөөрхөн мундаг эгч вэ гэж бодож байсан хэхэ

Түүний амьдралдаа баримталдаг зарчим бол "Ямар ч нөхцөлд ХҮН хэвээрээ байж төлөв даруу зан чанарыг эрхэмлэх"

Хамгийн очих дуртай газар маань боксоор хичээллэж эхэлсэн Орхон аймгийн Хүүхдийн ордны подволын жижигхэн заал. Учир нь тэнд миний хүсэл тэмүүлэл дүүрэн, хичээж зүтгэсэн, инээж баярласан, шантарч уйлсан хүүхэд нас мань өнгөрсөн.

Амьдралдаа шинэ зүйл туршиж үзнэ гэвэл зураг зурж сурах. Тайвшрал, амар амгалан мэдрэх юм шиг санагддаг.

Ялагдлын дараа “Арчаагүй амьтан” хэмээн өөрийгөө зүхдэг байлаа. Хэрвээ одоо очоод өөртөө юм хэлэх боломж олдвол “Зүгээр дээ чи хамгийн сайнаараа хичээсэн шүү дээ” гэж хэлнэ.

Одоо уулын аялал, бясалгал, сайн дурын ажил хийхийг хүс ч байгаа. Надад гоё санагдаад байгаа.

Боксын спортыг сонирхож хичээллэх хүүхдүүдийн тоог нэмэх тал дээр анхаарах хэрэгтэй байх. Эцэг эхэд нь боксын спортын талаар зөв ойлголтыг өгч, амжилт гаргасан тамирчид маань нийгэмдээ зөв үлгэр дуурайлал үзүүлэх нь том нөлөөтэй.

Тамирчин байх амьдрал мань надад үргэлж л хамгийн сайхан мөчүүд байсаар ирсэн. Жишээ нь зүгээр л бэлтгэл дуусаад сууж байх эсвэл баг хамт олноо бөөндөө байхыг харах гэх мэт жижиг зүйлсээс амьдралын сайхныг мэдэрдэг.

Монхор Намуун

Гурван үгээр: Тууштай, Эелдэг, Даруу

Хүүхэд нас: Багадаа хөдөлгөөнтэй, сэргэлэн цовоо хүүхэд байсан.

Байт харвааны онцлог: 
Энэ спортын хэв шинж нь миний зан чанартай адилхан санагддаг. Анх хичээллэж байхад удаан резин татаж зогсох нь хэцүү санагдсан ч хичээллэх тусам энэ спортод татагдсан.

Тамирчин хүн: 
Өөрийн гэсэн зорилготой, тууштай, сахилга баттай хүнийг хэлэх байх. Тийм ч учраас тууштай байдлаас туршлага сууж, тэндээсээ улам их зорилго тээдэг байх.

Сургамж: 
Ялж ялагдах үе олон байдаг ч ялагдах болгондоо дахин нэг зүйлийг сурч авдаг.

Үнэ цэнэтэй зүйлс: 
Миний хоёр хүүхэд хамгийн үнэ цэнтэй үнэт зүйлс маань. Мөн миний нум сум надтай үргэлж хамт байдаг болохоор нум сумандаа хайртай.

Урам зориг: 
Гэр бүлийнхээ дэмжлэгээс их урам зориг авдаг. Мөн найз нөхөд, байт харвааныхаа мундаг тамирчдаас үлгэр дуурайлал аван өөрийгөө цэнэглэдэг.

Сайн чанар:
 Бусдаас зөвлөгөө авах дуртай. Хүмүүс миний төлөө зөвлөгөө, шүүмж, зөвлөмж өгөхөд түүнийг нь үргэлж эерэгээр хүлээж авдаг.

Зорилго:
Дэлхийд хүлээн зөвшөөрөгдөж, хүндлэл хүлээсэн шилдэг байт харвааны тамирчин болохыг хичээж байна.

Хэлэх дуртай үг: 
Сүүлийн үед энэ үг манай спортод тохирсон гоё үг шиг санагддаг. “Зорилготой, Зоригтой, Зогсошгүй”

БУЯНЖАРГАЛ ОЮУН-ЭРДЭНЭ

Тууштай,эрэлхийлэгч, төлөвлөгч.

Бага насандаа хичээлдээ явахын хажуугаар дүү нараа хардаг хүүхэд байлаа.

Ц.Энхтуяа эгч маань надад анх байт харвааны тухай танилцуулж эхлэлийг тавьж өгсөн.
Тэгээд цаашлаад энэ спортод дурлах болж гүнзгий хичээллэх болсон.

Яг нэг тодорхой зорилготой ,зорилттой түүндээ хүрэх төлөвлөгөөтэй хүн гэж хувьдаа боддог. Миний хувьд Шилдэг тамирчин байхыг хүсдэг. Нийгэмд үлгэр дуурайлал болсон, зөв манлайлагч байхыг зорьж хүсэж байна.

Спортод гэвэл өмнөх үеэ бодвол илүү их хүмүүстэй харилцах шаардлага,хэрэгцээ гардаг тул тэдэнтэй зөв,зохистой харилцах тухай ойлголттой болсон гэж боддог.

ТА СПОРТ КЛУБ, СПОРТ ТОГЛООМЫН ГАЗРУУДАД НЭГ, НЭГ УДАА ҮНЭГҮЙ ҮЙЛЧЛҮҮЛЖ БОЛНО ГЭВЭЛ ЯМАР БЭ?
Msports app гишүүн байгууллагуудтайгаа хамтран спорт сонирхогч, хичээллэгч нартаа зориулан энэхүү үйлчилгээг нэвтрүүллээ.
Msports app-ын Version-2 оо татаад Plus гишүүн болоорой.
Манай Plus гишүүн болсоноор та:
✅+60 Спорт клуб, сургалт, тоглоомын төвүүдэд НЭГ, НЭГ УДАА үнэгүй хичээллэх, тоглох боломжтой,
✅+170 Спортын газруудад 3-65%-ын хөнгөлттэй үйлчлүүлэх /спорт клуб, сургалт, дэлгүүр, спорт лаунж, эмнэлэг г.м/
✅Долоо хоног бүр нэмэгдэх спортын видео хичээл үзэх боломжтой. /Шатар, даам, оюун ухааны, фитнес, гимнастик г.м/
✅Эрүүл хооллолт, спортын гэмтэл, спортын хоол зүйн видео хичээл үзэх, зөвлөгөө авах боломжтой,
✅Plus гишүүдэд зориулсан төрөл бүрийн сургалт, зөвлөгөө, өдөрлөгт үнэ төлбөргүй оролцох
✅500 гаруй спортын үйлчилгээний газруудын мэдээлэл авах, контент үзэх зэргээр олон олон боломжуудыг танд олгохоор
Иргэдийг спортоор хичээллэхийг дэмжиж манай гэрээт байгууллагууд тогтмол нэмэгдэж байгаа шүү 😍🥰.
Plus гишүүн болохыг хүсвэл https://onelink.to/wvgkqe энэхүү линкээр орж, апп татаж бүртгүүлээрэй.

Өчигдрийн өөрөөсөө өнөөдрийн Сэлэнгээ нэг алхам илүү байхыг эрмэлздэг

Мэдээж миний гэр бүл,найз нөхөд. Мөн миний хобби буюу байт харваа.

Хажууд түшиж буй гэр бүл, найз нөхөд. Бас чадахгүй байсан зүйлээ чаддаг эсвэл бага зэрэг ч хамаагүй сайжирвал үүнээсээ “би чадчихлаа “ гэсэн бодлоос эрч хүч, урам зоригоо авдаг.

Сайхан амарч, сэтгэл санаагаа тайвшруулчхаад “эрүүл ухаанаар” дахин дахин эргэцүүлэн боддог.

Өмнө дурдсанчлан байт харваа ч бай юу ч бай зорилго,зорилт,хүрэх газраа тодорхойлоод түүнд хүрэх зам хэчнээн бартаатай байсан ч шантралгүй хичээвэл зорьсон зүйлдээ заавал хүрэх болно оо.

Дэмбэрэл Сэлэнгэ

Нанва

Тэвчээртэй, хөгжилтэй, сэтгэл хөдлөл өндөртэй.

Би их даруухан хүүхэд байсан. Бас сурагч байхдаа Монгол бүжгээр хичээллэдэг, урдах зүйлээ чимээгүй хийгээд л явж байдаг хүүхэд байсан.

Манай гэр бүлийнхэн бөхийн спортод маш дуртай хүмүүс байдаг. Бас би үеийнхнээсээ биеэрээ арай том биетэй хүүхэд байсан. Тийм болохоор гэрийнхэн маань бөхөөр явуулъя гэж ярилцаад жүдог сонгож байсан. Уг спортоор хичээллээд 9 жил болж байна.

Сүүлийн үеийн амжилтуудаас гэвэл Азийн АШТ-ий мөнгө, Азийн наадмын хүрэл, Их дуулга тэмцээнүүдээс хоёр мөнгө, гурван хүрэл медаль хүртэж байсан.

Ихэнх цагаа бэлтгэлдээ зарцуулдаг болохоор чөлөөт цаг тэр бүр гардаггүй. Гэхдээ завсар гарвал дуу сонсох, дуу дуулах дуртай.

Хамгийн сайхан нь гэвэл “Ялалт”. Үүнээс гадна өөрийгөө ялан дийлэх, чадахгүй зүйлээ чаддаг болохын тулд тэмцэх гэж боддог.

Зарчим гэхээсээ илүүтэй өдөр болгон өмнөхөөсөө илүү хичээхийг хүсдэг. Өөрийгөө шахаж, шаргуу байхыг эрхэмлэдэг.

Жүдог хүндлэлийн спорт гэдэг. Тийм болохоор хүндлэл, ёс суртахуун, хүн хоорондын харилцааг надад гүнзгий суулгасан бас сургасан гэж боддог.

Миний гэр бүл, найз нөхөд, жүдо бөхийн хамт олон. Ерөнхийдөө л намайг хүрээлж буй бүхэн гэхэд болно.

Надад шантрах, хэцүү санагдах үе зөндөө байсан. Тэр болгонд намайг дэмждэг хүмүүс, миний гэр бүл маш их урам зориг өгдөг. Ямар ч үед намайг чадна гэдэгт итгэдэг нь урам зориг болдог.

Амарсайхан Адьяасүрэн

Тууштай, шаргуу, шартай.

Хүүхэд байхдаа сахилгагүй, маш сониуч, зураг зурах дуртай хүүхэд байсан.

Спортын олон төрлийг сонирхож хичээллэсний эцэст сагсан бөмбөг хамгийн гоё санагдсан. Уг спорт намайг аз жаргалтай болгож байсан болохоор улам гүнзгийрсэн. Сагсан бөмбөгөөр хичээллээд 10 жил болсон байна.

Сүүлийн үеийн амжилт гэвэл манай баг 2023-2024 оны улиралд Дэд лигийн play off-д шалгарсан.
Залуу оддын тоглолтод сонгогдож өнгөрсөн зургаан сард FISU ASIA Champions 2024 Азийн оюутны АШТ-д оролцон мөнгөн медалийг хүртэж оюутны дэлхийн аваргад оролцох эрхээ авсан.

Зөвхөн сагсан бөмбөг гэлтгүй бүх спортын төрөлд амжилт үзүүлж, зорилгодоо хүрэхийн тулд туулах зам нь сайхан.

Боломжгүй зүйл гэж байхгүй.

Тамирчин хүний эхнэр байна гэдэг хэцүү гэж боддог. Унаж босох бүх л үед хамт байж тэр мөчийг хуваалцаж түших болдог. Арыг минь дааж, үргэлж дэмждэг эхнэртээ баярлалаа.

Хэчнээн алдсан ч алдаанаасаа суралцаж, давтахгүй байх.

Миний эхнэр, миний хүү амьдралыг минь аз жаргалтай болгодог. Бас сагсан бөмбөг.

Шантарч, ядрах үе байлгүй яах вэ. Тийм үедээ хүүгийнхээ төлөө хичээх хэрэгтэй гэж бодоход л эрч хүч, урам зориг орчихдог доо.

Өөртөө зорилго тавьж, түүнийхээ төлөө тууштай хөдөлмөрлөж зүтгэх хэрэгтэй шүү.

Ууганбаяр Чингүүн

Тууштай, үнэнч, нийтэч.

Би бага ангид байхдаа өвөө эмээтэйгээ Дарханд амьдардаг байсан. Тухайн үед волейбол их тоглодог байсан. Тэгээд 4-р ангидаа аав ээж дээрээ очиж амьдрах болсноос хойш найзуудтайгаа гадаа хөл бөмбөг тоглож энэ спортод дуртай болсон. Хөл бөмбөгөөр хичээллээд 10 жил болсон байна.

Сүүлийн үеийн амжилтуудаас гэвэл 19 насандаа Чехийн лигт оролцож 5-р байрт шалгарсан. Чех улсын залуучуудын дээд лигт шилдэг тоглогчийн жагсаалтад 3-р байр эзэлсэн. Мөн Монголын хөл бөмбөгийн үндэсний шигшээ багт анх удаа дуудагдаж Баку-д болсон нөхөрсөг тоглолтод Монголоо төлөөлж хамт тоглосон.

Багийн тоглолт гэдэг утгаараа ялсан ч ялагдсан ч тэр мэдрэмжүүдийг хамт хуваалцах мэдрэмж гоё. Үүнээс онцгой нь гэвэл гоал хийгээд баярлах тэр мэдрэмж.

Бэлтгэлээ чанартай хийх, сайн унтах, эерэг хандлагатай байх.

Үнэнч тэгээд өөрийнхөөрөө байх зан чанар нь ямар ч эмэгтэй хүнийг илүү гоё харагдуулдаг гэж боддог.

Хожигдож сурсан. Би хүүхэд байхын ялагдалд дургүй шартай хүүхэд байсан. Гэхдээ спортоор хичээллэсний ачаар цаг баримтлахаас авахуулаад сэтгэл зүйн хувьд ч дархлаатай болсон санагддаг.

Миний гэр бүл, миний найз нөхөд. Бас загварлаг хувцас /ххэ/.

Ирээдүйгээ бодож төсөөлөхөд л урам зориг орчихдог.

Хичээх явцад маш олон бэрхшээл, саад гарч ирнэ. Гэсэн ч шантралгүйгээр үргэлжлүүлэн зүтгэсээр байгаарай. Сахилга баттай байж, зорьсон зүйл рүүгээ урагшилж байхад чиний цаг үе ирэх болно гэж хэлмээр байна.

Гантогтох Төгөлдөр

Би тэсвэр тэвчээрийн тууль.

Би хүүхэд байхдаа цэргийн албан хаагч болох мөрөөдөлтэй байсан. Учир нь эх орныхоо төлөө зүтгэх эр зоригтой, эмх цэгцтэй, эрхэмсэг байдлууд таалагдсан. Харин спортын ач тусаар энэ мөрөөдлөө биелүүлж чадсан.

Өрсөлдөгчөө битгий бас хэнийг ч битгий дутуу үнэл. Амьдрал дээр ч бас ялгаагүй гэдгийг тултал ойлгосон доо.

Эхлүүлсэн зүйлийнхээ үр дүнг нь үзэхийн төлөө тууштай хичээнгүй байх.

Сэтгэлийн хаттай, амьдралын ухаантай, ямар ч саад бэрхшээлд нурж унахгүй дайчин байж чаддаг нь Монгол эмэгтэй хүнийг тодорхойлдог зан чанар гэж бодож байна.

Ямар ч хүмүүстэй эелдэг харьцаж, өөрийнхөө хүрээллийг бий болгож чаддаг, найрсаг зан чанарт нь дуртай.

Гүйлтээс би аз жаргалыг мэдэрдэг. Яагаад вэ гэвэл өөрийнхөө хийх ажлаа төгс гүйцэтгэсний дараах мэдрэмж юм. Гүйлт бол миний амьдрал.

Миний амьдралын өнгө бол гэр бүл. Миний гаргаж байгаа амжилтын утга учир, намайг хүчтэй зоригтой байлгаж чаддаг.

Гүйх сонирхолтой, гүйлтээр хичээллэж байгаа хүүхэд залуучууддаа хэлэхэд ямар ч зүйлийг эхлүүлсэн бол дуусгана гэсэн зорилготой байж, тууштай байж, эцсийн үр дүнг нь харж өөрийгөө ялан дийлж тэндээсээ баяр баясал, аз жаргалыг мэдэрдэг байгаарай гэж хэлмээр байна.

Баярцогт Мөнхзаяа

Тэмцэгч, Ухаалаг, Туслагч гэж хэлнэ.

Гэр бүлтэй маань шууд холбоотой. Би багадаа их сэргэлэн хөдөлгөөнтэй хүүхэд байсан. Тухайн үед ПС тоглоом эд дэлгэрч байхад нэлээн тоглоно. Үүнээс болж аав маань анх шатрын клубд дагуулж явсан. Тэр үеэс л энэ спортод дуртай болж гүнзгийрсээр 20 жил болсон байна.

Хамгийн хүчтэй мэдрэмж гэвэл өрсөлдөөн гэж хэлнэ. Эсрэг хүнээсээ илүүг сэтгэх хэрэгтэй, бодол санаагаа нуух хэрэгтэй, сэтгэл зүйн дарамт өгөх хэрэгтэй гэх мэт нэг ёсондоо оюун ухаанаараа тулалдаж байгаа учраас шууд өрсөлдөөнийг мэдэрдэг. Өрсөлдөгчөө ялах хүсэл эрмэлзлийг хүчтэй авч байдаг гэж хэлж болно.

Томоохон амжилтууд гэвэл 2011 онд сонирхогчдын дэлхийн аваргад түрүүлж байсан. Дэлхийн шатрын холбоонд улсаа төлөөлж 3 удаа оролцсон. Үүнээс 2018 онд багаараа оролцож Б категорит түрүүлж байсан амжилттай. Мөн бодлого бодолтын залуучуудын ДАШТ-д тэмцээнд оролцож дэлхийн аварга болж байсан.

Шатрын онцлог нь тоглолтын турш хэнтэй ч ярихгүй, дэмжлэг авдаггүй. Нэг ёсондоо тоглолтын турш өөрийгөө дасгалжуулна гэсэн үг. Тэгэхээр үүнээс үүдэн би ямар нэг зүйлээс ангид байж сурсан. Амьдралд хэн нэгний туслалцаа, зөвлөгөө, хамтын ажиллагаа байдаг ч эцсийн дүнд бүх шийдвэрийг би өөрөө л гаргана.

ТА СПОРТ КЛУБ, СПОРТ ТОГЛООМЫН ГАЗРУУДАД НЭГ, НЭГ УДАА ҮНЭГҮЙ ҮЙЛЧЛҮҮЛЖ БОЛНО ГЭВЭЛ ЯМАР БЭ?
Msports app гишүүн байгууллагуудтайгаа хамтран спорт сонирхогч, хичээллэгч нартаа зориулан энэхүү үйлчилгээг нэвтрүүллээ.
Msports app-ын Version-2 оо татаад Plus гишүүн болоорой.
Манай Plus гишүүн болсоноор та:
✅+60 Спорт клуб, сургалт, тоглоомын төвүүдэд НЭГ, НЭГ УДАА үнэгүй хичээллэх, тоглох боломжтой,
✅+170 Спортын газруудад 3-65%-ын хөнгөлттэй үйлчлүүлэх /спорт клуб, сургалт, дэлгүүр, спорт лаунж, эмнэлэг г.м/
✅Долоо хоног бүр нэмэгдэх спортын видео хичээл үзэх боломжтой. /Шатар, даам, оюун ухааны, фитнес, гимнастик г.м/
✅Эрүүл хооллолт, спортын гэмтэл, спортын хоол зүйн видео хичээл үзэх, зөвлөгөө авах боломжтой,
✅Plus гишүүдэд зориулсан төрөл бүрийн сургалт, зөвлөгөө, өдөрлөгт үнэ төлбөргүй оролцох
✅500 гаруй спортын үйлчилгээний газруудын мэдээлэл авах, контент үзэх зэргээр олон олон боломжуудыг танд олгохоор
Иргэдийг спортоор хичээллэхийг дэмжиж манай гэрээт байгууллагууд тогтмол нэмэгдэж байгаа шүү 😍🥰.
Plus гишүүн болохыг хүсвэл https://onelink.to/wvgkqe энэхүү линкээр орж, апп татаж бүртгүүлээрэй

Шударга байдал, тусч зан. Энэ хоёр зан чанарыг би илүүд үздэг. Хүний өөрийн гэлтгүй ямар ч нөхцөлд шударга байх хэрэгтэй. Тусч зангийн хувьд надад юу байна түүгээрээ туслахдаа харамгүй байдаг. Мөн дүү нартаа ч захиж өөрөө ч тэд нартаа туслахыг хичээдэг.

Би маш сайхан гэр бүлд төрж өссөн. Мөн миний ахан дүүс элгэмсэг дотно. Бас найзууд байна. Тийм болохоор намайг хүрээлж буй хүмүүс миний амьдралд хамгийн их аз жаргал авчирдаг.

Спортын ер нь бүх төрлийг сонирхож тоглох дуртай. Ихэнхэд нь ур дүйтэй гэж боддог. Магадгүй шатраар яваагүй бол спортын сэтгүүлч болно гэж боддог байсан.

Уг спортоор хичээллэснээс хойш “шатрын их мастер” болно гэж боддог байсан. Үүндээ хүрсэн. Том зорилгоо биелүүлсэн болохоор хойч үеэ, дүү нараа дасгалжуулж дэлхийд гаргахыг хүсэж байна. Мөн нийгэмд сайнаар нөлөөлж хийхийг хүсэж байгаа зүйлүүд зөндөө байна.

Ойр дотнын хүмүүсийн ачаар шантрах, буцах үе харьцангуй бага байдаг. Гэхдээ тийм болсон үедээ бага зэрэг амралт аваад тайвшрахыг илүүд үздэг.

Шатарт маш том онцлог байдаг. Тэр нь хэнээс ч хамааралгүйгээр суралцах, хичээллэх. Амжилт гаргахыг зорьж байгаа хүүхэд залуучууд бол дасгалжуулагчаас гадна өөрөө бүхнийг хийж бие даах чадварыг илүү суулгаарай. Мөн мультимедиа хөгжиж байгаа өнөө үед ямар ч мэдээлэлд шууд авталгүй цензуртэй хандаж байгаарай гэж хэлмээр байна.

Сумьяа Билгүүн

Намайг Алтангэрэлийн Нямжав гэдэг. 25 настай, Барилгын инженер мэргэжилтэй. Өөрийгөө 3 үгээр илэрхийлбэл Эрч хүчтэй, Омголон, Дүрэлзсэн гэж тодорхойлно.

Анх найзыгаа дагаж очин хичээллэхэд үнэхээр уйтгартай санагддаг байсан. Гэхдээ хичээллэх тусам улам сонирхолтой болж хор шар хөдөлгөж, шалгуур ихтэй болж байсан. Тэрэнд нь илүү татагдаж орсон юм болов уу гэж бодож байна. Уг спортоор хичээллээд одоо 10 жил болж байна.

Сүүлийн үед гэвэл сая наадмын үеэр Итали улсын Милан хотод зохион байгуулагдсан 19 дэх удаагийн дэлхийн кэндогийн АШТ-д МУ-ын шигшээ багийн ахлагчаар багийнхантайгаа явсан.
Уг тэмцээнд эрэгтэйчүүдийн ганцаарчилсан төрөлд оролцож шөвгийн 64 хүртэл тунаж үлдсэн.

Тайван, стрессгүй байхад минь хамгийн их тусалдаг. Кэндогоор хичээллэж эхэлснээс хойш бие болоод сэтгэл зүйн хувьд ч маш тогтвортой эрүүл болсон.

Би маш олон удаа бүр тоолж чадахааргүй олон удаа хожигдож сурсан. Хожигдол бүрдээ өөртөө дүгнэлт хийж, алдаан дээрээсээ суралцдаг. Заримдаа хамгийн сайнаараа хичээсэн ч амжилт гаргахгүй үе байж болдог гэдгийг ойлгож авсан.

Сайн ид, сайн унт гэдэг хоёрхон л зарчимтай.

Маш гоё амттай хоол, сайн нойр авсан өдөр, намайг хүрээлэн буй хүмүүс миний амьдралд хамгийн их өнгө нэмдэг дээ.

Кэндогийн спортыг Монгол улсад улам түгээн дэлгэрүүлмээр байна. Хувь талаасаа гэвэл олон улсын шүүгч, дасгалжуулагч болох хүсэлтэй байгаа.

Тийм үедээ бол зүгээр л унтаад өгдөг. Аль болох тархиа амраахыг хичээдэг. Тэмцээний үеэр сандрал ихтэй байвал хөнгөн чихэрлэг зүйл идээд 3-5 минут дуг хийчихдэг.

Хатуужил, тууштай бөгөөд даруу төлөв байдлыг кэндогоор дамжуулан маш сайн суралцах боломжтой болохоор ирээд нэг удаа бэлтгэл хийгээд үзээрэй гэж хэлмээр байна.

Алтангэрэл Нямжав

Манайх гэдэг айл 5 хүүтэй. Би чинь дээрээ 4 ахтай айлын бага хүү болж өссөн болохоор 4 ахын дунд ах нартайгаа байнга зодолдож өссөн. Хичээлдээ сайн ер нь хөдөлгөөнтэй гэдгээрээ багш нарынхаа толгойг өвтгөчихдөг сахилгагүй талдаа хүүхэд байснаа санадаг.

ESport хааяа сонирхож тоглодог. Цаг зав дажгүй үедээ спортын бус чиглэлээр жижиг бичвэрүүд бичих дуртай. Урлагийн авьяас ер нь бага талдаа. Гэхдээ оюутан байхад сургуулийнхаа цэнгээнт бүжгийн хамтлагт бүжиглэдэг байсан.

Би 1980-аад оны сүүл үеийн төлөөлөл. Бидний үеийн залуусын хувьд зодоон цохион, зодолдоон, ноцолдоон бол хүүхэд насны нэг хэсэг байсан даа. Хичээл тараад л шууд л гадаа гараад 20, 30-аараа жийлцэж зодолдож тоглодог байсан. Тэгэхээр хүүхэд байхаас л тулаанд дуртай байсан болж таараад байгаа юм. Холимог тулаанд дуртай болсон олон шалтгаан бий. Үлгэр домог шиг яригддаг сайн тулаанчдын түүхүүдээс гадна өөрөө хичээллээд эхлэхээр үнэхээр эрч хүч, эрэмгий чанар, сахилга баттай сайн амьдралын чанарууд илт нэмэгдэж эхэлснээр улам лавширч явсаар хобби маань одоо бүр ажил болжээ.

Намайг яг ч UFC- д байдаг гэж ойлгож болохгүй. Анх удаагаа UFC-ийн тамирчинтай уулзсан нь миний дотнын найз, Монголын хамгийн анхны UFC тулаанч Данагийн Батгэрэл. Анх очоод найзынхаа тулааныг сурвалжлаад хөшигний ард гээд төслийг эхлүүлж байлаа. Маш олон саад бэрхшээлийг тамирчин хүн даван туулдаг шүү гэдгийг харуулахыг зорьж энэ нэвтрүүлгээ “Хөшигний ард” гэж нэрлэсэн нь учиртай. Дэлхийн олон том одуудтай ойроос ярилцаад гар бариад ганган зураг татуулаад явж байгаа маань их аз тохиол гэж боддог. Зарим бичлэг зургуудаа хараад бүр итгэж явдаг.

Спортын тайлбарлагч Нийтлэг бус өөрийн өнцгөөс хариулахад миний тайлбар хийдэг тулааны спортын төрөл нь хамгийн өндөр эрсдэлтэй спортын төрөлдөө тооцогдоно. Баргийн аавын хүү бариад авдаггүй энэ төрлийг сонгон аваад чинь сэтгэлээсээ тэмцэж байгаа тулаанчдыг хараад дурлаж тайлбарлах нь л хамгийн сайхан нь. Заримдаа чинь сэтгэл ихдээд ажлаас давчих гээд өндөр эмоци гаргах нь бий. Ялангуяа Монгол тулаанчдынхаа тулаан дээр хэт их эмоци гаргадгаа дараа нь тайлбараа давтаж үзээд их анзаарна.

Япон хэл жаахан гадарлана. Англи хэл бол дэлхийн хэл болсон. Мэргэжлийн тамирчид заавал хэлтэй байж карейр хурдан өснө. Одоо гэхдээ манай залуу үеийн тамирчид бол хэлний чадамж өмнөх үетэй харьцуулбал харьцангуй сайн гэж харагддаг.

Гадаад төрхөөс гадна эмэгтэй хүний хамгийн хайр татам зүйл нь чин үнэнч байдал. Өөрийн биеийн өрөөсөн тал мэт үнэнч ханийг олж учирна гэдэг амар хувь заяа биш байх. Би гэдэг хүн заяаныхаа ханийг олоод учирсан азтай нэгэн болоод аав болж 3 хүүтэй тавуулаа өнөр өтгөн сайхан амьдарч байгаадаа өдөр бүр л талархдаг.

Спортын сэтгүүлч, тайлбарлагч хийхээс гадна хэд хэдэн чиглэлээр бас ажилладаг. Ерөнхийдөө Маркетингийн чиглэлээр багагүй туршлагатай. Одоо нэг компанийн  маркетинг борлуулалтын албыг удирдаж ажилладаг. Орчин цагийн хэллэгээр бол CMO гэдэг албыг давхар хийдэг.

Маш өндөр сахилга баттай спорт. Мэндлэх хүндлэхээс эхлээд энэ спортын сахилга оршдог. Сахилга бат хүмүүжил, ёс суртахуун үгүй бол амжилтын талаар ярих ч юм биш. Сошиалд хамаагүй мэт явдаг тамирчид мөн чанартаа хөшигний ард жинхэнэ тэмцэл өндөр сахилга батын доор явдаг гэж боддог. Монгол тулаанчид Дутуугаасаа илүү нь хэд дахин их дээ. Орчин цагийн шоу бизнест бол даруу төлөв Монгол эрийн зан нь л сул тал болох гээд байх шиг санагддаг. Тэрийг эс тооцвол чин зоригтой, дайчин чанартай, гүйцэтгэл өндөр, хурдан сурцтай сэтгэлийн тэнхээ өндөр гээд тоочвол олон давуу талыг ойр ажиллаж байсан тамирчдаасаа мэдэрч байсан.

Өдөр гэхээсээ илүү азтай сар бий. Жил бүрийн 3-р сар үргэлж л аз дагуулдаг, амжилт ахуйлж байдаг. Эхнээсээ одоог хүртэл аз дагуулаад 12 жил болсон байна.

Ганболд Хүрэлбадарч

2004 оны есдүгээр сарын 27-нд Улаанбаатар хотод төрсөн. Ам бүл дөрвүүлээ. Усан спортоор найман настайгаасаа эхэлж хичээллэж эхэлсэн.

Баримталдаг зарчим бол аливаа эхлүүлсэн, хийж буй зүйлдээ тууштай хандсанаар үр дүн нь заавал гарна гэж боддог.

Ахлах дасгалжуулагч О.Баттулга болон дасгалжуулагч Э.Дэмүүл багш нарынхаа доор бэлтгэлээ хийдэг. Манай клуб 2012 оноос эхлэн мэргэжлийн тамирчид бэлтгэж эхэлсэн. Одоо цар хүрээгээ өргөн тэлж, олон олон тамирчид бэлтгэж байна. Багш нар маань бүх насныханд зориулсан анхан шатны сургалт явуулж ирээдүйтэй тамирчдыг сонгон шалгаруулж авдаг.

Уснаас авдаг тэр гайхалтай мэдрэмж таалагдаж, бага наснаасаа эхлэн тууштай хичээллэх болсон.

Ямар нэгэн эхлүүлсэн зүйлдээ хичээснийхээ хэрээр амжилт үзүүлэхгүй байх үед их айдаг.

Миний дуртай хоол будаатай хуурга, багаасаа идэж өссөн болохоор байх. Тэмцээний үеийн хооллолтын талаар гэвэл нүүрстөрөгчөө нөөцөлж гам сайн барьдаг.

Миний амьдралдаа гаргаж байсан олон шийдвэр дундаас яг одоогоор спортоор хичээллэж эхэлсэн минь хамгийн зөв байсан.

Сэтгэлээр унасан үедээ аль болох бодлогошрохгүйгээр маргаашийнхаа ажлыг төлөвлөөд тэр өдөртөө эрт унтаж аваад өглөөг эрч хүчтэйгээр эхлүүлдэг. Мэдээж амжилт ахихаа болих үед хэсэг шантардаг.

Түүх бүтээлцэж байсан үе болох 100 метр сэлэлтээр 51 секунд явсан Монгол улсын анхны тамирчин. 2018 онд Сибирийн цом тэмцээнээс медаль авсан үе маань хамгийн бахдам байсан.

Чөлөөт цагаараа кино үзэх дуртай. Мөн усан спортоос гадна Волейболын спортоор хичээллэж, үзэх дуртай.

Батбаяр Энхтамир

Олон улсын том тэмцээнд жин үзүүлэх өрөөнд Монголын тамирчин сайн тамирчин гэж бусад орны тамирчид шивнэлдэж ярих нь хамгийн их хүчийг өгсөн.

Баруун өвдөгний хойд чагтан холбоосоо хүнд гэмтээгээд хагалгааны заалттай болсон. ДАШТ, болон Олимпын эрхийн тэмцээн ойрхон байсан тул хагалгаа хийлгэхгүй бусад эмчилгээгээ хийлгэх арга замыг сонгосон. Гэмтэлтэй байх үедээ ч би дээд үеийн хүчний бэлтгэлийг тогтмол хийдэг байсан. Гэмтэл намайг амраах шалтгаан шантрах шалтгаан ерөөсөө болж байгаагүй. Зүүн хөлийн хүч болон техник илүү сайжруулах цаг хугацааг үр дүнтэй ашиглахыг хичээсэн.

Амьдралдаа золиос гаргасан зүйл гэвэл эхнэрээ жирэмсэн Солонгост төрөх хүртэл нь хамт байж чадаагүй нь хамгийн том золиос байх гэж миний хувьд боддог.

Монгол улсын таеквондогийн түүхэнд тод бичигдэх анхны амжилтуудыг гаргасан. 2013 оюутны Азийн аварга 2014 оны Азийн наадам хүрэл медаль 2015 онд Оюутны дэлхийн аварга 2016 Азийн аварга мөнгө 2017 Арми ДАШТ хүрэл 2018 Азийн арга хүрэл 2019 Дэлхий оюутан залуучуудын наадмаас мөнгө Дэлхийн чансаанд 1000 гаруй тамирчдаас 23-р байрт жагссан.

Чөлөөт цагаараа адал явдалт, зөгнөлт кинонууд болон NBA сагс үзэх илүү дуртай.

Таеквондогийн спорт бол хүндлэл. Хүн байх хүнлэг байхыг сурсан гэж боддог. Үйл хөдлөлөөрөө хэн бусдыг манлайлах үлгэр жишээ байхыг бусад дүү тамирчдадаа зааж сургахыг хичээсэн. Би биш бид сайн байсан болохоор л амжилт гардаг гэж боддог.

Зан төлөвийн хувьд даруухан гэж бодож байна. Дотно хүмүүс энийг уншвал инээд нь хүрэх нь тодорхой байх. Бэлтгэл хийж байхдаа би хэнээс ч илүү галзуу байдаг.

12 настайдаа тэмцээнээ зүүдлээд хожигдож зүүдэлсэн. 3:00 цагийн үед сэрээд буцаад унтах гэсэн зүүд бодогдоод унтахгүй байхаар нь нисэх рүү гүйж байгаад ирсэн. Өглөө болгон нисэх рүү гүйдэг байсан хөгжилтэй ч юм шиг дурсамж бий.

Эхнэр бид хоёр хүү төрөх үед миний олимпын эрхийн тэмцээн болон чухал тэмцээнд оноо цуглуулах үе байсан. Манай эхнэрийн хувьд Солонгост дүүтэйгээ би Монголд бэлтгэлээ хийдэг. Би өөрийгөө сэтгэл зүй биеийн хувьд маш өндөр зэрэглэлд бэлдсэн гэж боддог.

Миний мөрөөдлийн өдөр бол өөрөө дутуу хийсэн ажиллаа шавиараа хийлгэчхээд дэлхий дүүрэн орилно.

Молом Түмэнбаяр

Боксын сонгох шалтгаан бол жоохон байхаасаа тагнуулч болно гэж боддог байлаа. Өөрөө бас action төрлийн кинонд дуртай байсан болохоор тулааны спортоор хичээллэх юм сан гэж боддог байсан. Тэгээ л боксын спортыг сонгосондоо.

Боксоор хичээллэж эхлээд энэ спортыг мэддэг болоод ирсэн чинь би яг тэр хүн шиг л болмоор байна гэж бодогддог болчихсон байсан. Тэр хүн бол МУГТ Нандинцэцэг эгч байсан юм.

Шантраад унах үе маш олон. Тэр яг шантрах үедээ боддог бодол маань миний зорилго байсан. Тэр зорилгоо биелүүлээрэй гэсэн жижигхэн тэр итгэлийн очин дээр л босож ирдэг дээ.

Очих дуртай газар гэхээс илүү өөрийн тухтай газраа байх дуртай. Би байгальд байхдаа эсвэл гэртээ байхдаа тухтай байдаг. Би угаасаа жоохон гэр амьтай хүн л дээ.😂

Боксын спортоос өөр дуртай зүйл маань бүжиглэх.

Эмэгтэй хүнийг боксын спортоор хичээллэхэд олон хүмүүс гайхдаг. Тэр нь аргагүй. Яагаад гэвэл тэд боксын спортыг сайн мэдэхгүй шүү дээ.

Эрэгтэй хүний сэтгэлтэй байдал, ямар зорилготой байх бас мэдрэмжтэй талуудыг нь хардаг.

Ирээдүйд хийхийг хүсэж, төлөвлөсөн маш их зүйл байгаа.😁

Монгол улсын насанд хүрэгчдийн хошой аварга, насанд хүрэгчдийн ази тивийн аварга шалгаруулах тэмцээний хүрэл медаль, дэлхийн цомын хос медаль буюу мөнгө, хүрэл медалийн эзэн болсон.

Монголд боксын спорт хөгжихөд хамгийн чухал зүйл бол хүүхэд залуучууд энэ спортоор маш олноор хичээллэж, боксын спортоор хичээллэдэг хүмүүсийн тоо улам бүр нэмэгдвэл өөрөө л энэ спорт маань хөгжих байх.