2026 оны хөлбөмбөгийн ДАШТ-ий хэсгийн шатны тоглолтуудын ээлжит өдөр "I" болон "J" хэсгийн багууд тоглолтуудаа хийлээ. Дэлхийн шилдгүүд болох Киллиан Мбаппе, Эрлинг Холанд нар тус бүр дубль хийсэн бол Лионель Месси хэт-трик хийж, ДАШТ-ий бүх цаг үеийн мэргэн бууч Германы шилдэг довтлогч Мирослав Клозегийн хамтаар 15 гоол оруулсан үзүүлэлттэй тэнцэж ирлээ.Франц 3:1 Сенегал

Өнгөрсөн ДАШТ-ий дэд аварга хүчирхэг Францын шигшээ баг Африк тивийн аварга Сенегалын шигшээ багуудын хооронд “I” хэсгийн эхний тоглолт явагдаж, Францын шигшээ баг 3:1 харьцаатайгаар хожиж, эхний гурван оноогоо авч чадлаа. Хоёр багийн тоглолтын эхний хагас гоолгүй өндөрлөсөн бөгөөд хоёрдугаар хагасын 66 дахь минутад Михаэль Олисегийн ганган дамжуулалтаар Киллиан Мбаппе гоол оруулж, 1:0 болгов. Улмаар тоглолтын 82 дахь минутад сэлгээгээр дөнгөж талбайд орж ирсэн Бредли Баркола гоол оруулж, 2:0 болгосон ч Сенегалын шигшээ багаас 90+4 дэх минутад Ибрахим Мбайе гоол оруулж, 2:1 болгон ойртуулав. Гэсэн ч тоглолтын 90+6 дахь минутад Киллиан Мбаппе дахин нэг гайхалтай гоолыг оруулж, 3:1 харьцаатайгаар хожил байгууллаа.Ирак 1:4 Норвег

Хөлбөмбөгийн ДАШТ-2026 тэмцээний “I” хэсгийн хоёр дахь тоглолт Норвег болон Иракийн шигшээ багуудын хооронд болж, Норвегийн шигшээ баг 4:1 харьцаатай ялалт байгуулснаар 1998 оноос хойших буюу 28 жилийн дараах ДАШТ-ий анхны ялалтаа авлаа. Тоглолтын 29 дэх минутад Норвегийн шигшээ багийн бүх цаг үеийн мэргэн бууч Эрлинг Холанд гоол оруулж, 1:0 болгов. Тоглолтын 39 дэх минутад Иракийн шигшээ багийн довтлогч Аймен Хуссейн мөргөж гоол оруулан 1:1 болгосон ч түүний гоолоос ердөө 4 минутын дараа Иракийн шигшээ багийн хамгаалагч, хаалгач нарын маш том алдааг Эрлинг Холанд ашиглаж, 2:1 харьцаатайгаар эхний хагаст Норвег илүүрхэв. Тоглолтын хоёрдугаар хагасын 76 дахь минутад Лео Эстигор гоол оруулж, 3:1 болгосон бөгөөд тоглолтын үндсэн цаг дуусаж, 90+5 дахь минутад Иракийн шигшээ багийн довтлогч Аймен Хуссейн өөрийн хаалганд гоол оруулж, 4:1 харьцаатайгаар Норвегийн шигшээ баг ялалт байгууллаа.Австри 3:1 Йордан

28 жилийн дараа ДАШТ-д эргэн ирсэн Австрийн шигшээ баг “J” хэсгийн эхний тоглолтдоо Йорданыг 3:1-ээр буулган авлаа. Австрийн шигшээ тоглолтын 20 дахь минутад Романо Шмидийн хүчтэй цохилтоор тэргүүлийг авсан. Харин Йордан хоёрдугаар үеийн эхэнд буюу 51 дэх минутад Али Олваны гоолоор тоог тэнцүүллээ. Тоглолтын 76 дахь минутад Марсель Забитцерийн булангийн цохилтыг Йорданы хамгаалагч Язан Аль-Араб өөрийн хаалгандаа оруулснаар Австри дахин тэргүүлийг авч, улмаар тоглолтын 90+7 дахь минутад Марко Арнаутович торгуулийн цохилтоос гоол оруулж, 3:1-ийн харьцаатайгаар Австрийн шигшээ баг хожил байгууллаа.Аргентин 3:0 Алжир

Өнгөрсөн ДАШТ-ий аварга, дэлхийн чансааны №1 Аргентины шигшээ баг болон Алжирын шигшээ багуудын хооронд “J” хэсгийн хоёр дахь тоглолт явагдаж, Аргентины шигшээ баг 3:0 харьцаатайгаар хожил байгууллаа. Тоглолтын 17 дахь минутад Аргентины шигшээ багийн ахлагч, Лионель Месси 16-ийн гаднаас ганган цохилтоор гоол оруулж, 1:0 болгож, эхний хагаст Аргентины шигшээ баг илүүрхэв. Тоглолтын хоёрдугаар хагасын 60 дахь минутад Лионель Месси дахин гоол оруулж, 2:0 болгов. Улмаар тоглолтын 76 дахь минутад Лионель Месси гоёмсог цохилтоор гоол оруулж, Францын домогт Зинедин Зиданы хүү Лука Зиданы хаалганд хэт-трик толилуулж, ДАШТ-ий бүх цаг үеийн мэргэн бууч Германы шилдэг довтлогч Мирослав Клозегийн хамтаар 15 гоол оруулсан үзүүлэлттэй тэнцэж ирлээ.Эдгээр багуудын дараагийн тоглолтууд (Монголын цагаар):06-р сарын 23-нд01:00 цагаас — Аргентин vs Австри05:00 цагаас — Франц vs Ирак08:00 цагаас — Норвег vs Сенегал11:00 цагаас — Йордан vs АлжирМэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

Шинэ мэдээ

ДАШТ 2026: Мбаппе, Холанд дубль хийж, Лионель Месси хэт-трик толилуулж, Австри эхний хожлоо байгууллаа

Пүрэвлхагва

IEM Cologne Major 2026 тэмцээний хасагдах шат, тайзны тоглолтуудад оролцох найман баг хэдийн тодроод байгаа билээ. Шигшээ шатны эхний тоглолтууд нь 9z болон FURIA, Aurora болон BetBoom, G2 болон Spirit, Falcons болон Vitality гэсэн багууд тоглох юм.&nbsp;

Багууд бүгд гурван тоглолт хийж түрүүлж хоёр хожил байгуулсан баг тэмцээнийг цааш үргэлжлүүлнэ. Харин хожигдсон багууд тэмцээнийг өндөрлүүлэх болно. Энэ удаагийн мажор тэмцээнд төсөөлөөгүй үр дүн үзүүлсэн 9z болон BetBoom гэх багууд гайхалтай тоглолтуудыг үзүүлж шигшээ шатад шалгарсан. Тэр тундаа BetBoom багийн хувьд нэгдүгээр шатнаас хожил байгуулж энэ тавцанд ирсэн билээ.

Мөн энэ тэмцээнд түрүүлэх өндөр магадлалтай байгаа хоёр баг эхний тоглолтдоо таарсан нь хүн бүрийн сонирхлыг татаж байна. Falcons болон Vitality гэх хоёр баг таш олон дэмжигчидтэйгээс гадна, дэлхийн шилдэг тоглогчид байдаг багууд юм. Мэдээж тус хоёр багийн тоглолт сонирхолтой байх нь ойлгомжтой байх.

IEM Cologne Major 2026 тэмцээн энэ сарын 18-ний өдөр (6-р сарын 18) эхлэх болно.

Мажор тэмцээний шигшээ шатны тоглолтууд эхлэхэд бэлэн боллоо

Мөнхбаясгалан

2026 оны хөлбөмбөгийн ДАШТ талбай дээрх гоол, сенсац, баяр хөөрөөр дүүрэн өрнөж байгаа ч тэмцээний гаднах хамгийн их яригдсан сэдвийн нэг нь виз болон хил нэвтрэхтэй холбоотой асуудлууд болоод байна. АНУ, Канад, Мексик гэсэн гурван улсын хамтран зохион байгуулж буй энэ удаагийн дэлхийн аварга эхлэхээсээ өмнө ч, эхэлсний дараа ч тоглогчид, дасгалжуулагчид, шүүгчид хүртэл визний хүндрэлтэй тулгарсан нь олны анхаарлыг татаж байна. Хамгийн их шуугиан тарьсан тохиолдол бол Сомалийн шүүгч Омар Артантай холбоотой хэрэг байв. Африкийн шилдэг шүүгчдийн нэгээр нэрлэгдсэн тэрээр ДАШТ-д ажиллахаар АНУ-д ирсэн ч нисэх буудал дээрээс нэвтрэх эрхгүй болж, улмаар эх орон руугаа буцаагдсан юм. ФИФА түүнийг тэмцээнд оролцох боломжгүй болсон гэдгийг баталсан бөгөөд энэ явдал шүүгч хүртэл визний асуудлаас ангид биш гэдгийг харууллаа.&nbsp;

Зөвхөн шүүгчид ч биш байв. Ираны шигшээ баг ДАШТ эхлэхийн өмнө олон бэрхшээлтэй тулгарсан. Тоглогчид визээ авсан ч багийн зарим албан тушаалтан, ажилтнуудын хүсэлт удааширч, зарим нь зөвшөөрөл авч чадаагүй байна. Үүний улмаас Иран бэлтгэлийн баазаа АНУ-д бус Мексикт байгуулж, тоглолт бүрийн өмнө хил дамжин зорчихоос өөр аргагүй болсон юм.&nbsp;

Шинэ Зеландтай 2:2-оор тэнцсэн эхний тоглолтын дараа ч Ираны баг асуудалтай нүүр тулсан хэвээр байлаа. Ахлах дасгалжуулагч Амир Галеноигийн мэдээлснээр тоглолтын дараахан багийг АНУ-аас буцаж Мексик рүү явахыг шаардсан нь тоглогчдын сэргэлт, бэлтгэлд сөргөөр нөлөөлжээ. Түүний үзэж байгаагаар энэ нь тэмцээний үеийн хамгийн хүндрэлтэй нөхцөлүүдийн нэг болсон байна.&nbsp;

Африк тивийн өөр нэг төлөөлөл болох Өмнөд Африкийн шигшээ ч визний асуудлаас болж ДАШТ-д явах нислэгээ хойшлуулсан. Зарим тоглогч болон албан тушаалтнуудын бичиг баримтын асуудал цаг тухайдаа шийдэгдээгүй тул баг төлөвлөсөн хугацаанаасаа хоцорч Хойд Америк руу ниссэн юм.&nbsp;

Гэхдээ визний хүндрэл зөвхөн баг, албаны хүмүүст тулгарсангүй. Кабо Вердегийн ахмад хаалгач Возинья Испанитай хийсэн түүхэн тоглолтын дараа нулимс дуслуулсан нь спортын бус шалтгаантай холбоотой байв. Тэрээр ээж нь АНУ-ын виз болон холбогдох зардлын улмаас тоглолтыг газар дээрээс нь үзэж чадаагүй тухай ярьсан нь олон хүний сэтгэлийг хөдөлгөсөн юм. Кабо Вердегийн хувьд визний нэмэлт барьцаа болон өндөр өртөг олон хөгжөөн дэмжигчдэд саад болсон талаар мэдээлэгдсэн байна. Энэ бүх нөхцөл байдал өрнөж байх үед ФИФА-гийн ерөнхийлөгч Жанни Инфантино ОУХБХ байгууллага нь улс орнуудын цагаачлалын бодлогод нөлөөлөх боломжгүй гэдгийг онцолжээ. Түүний хэлснээр виз олгох эсэх нь тухайн улсын бүрэн эрхийн асуудал бөгөөд ФИФА зөвхөн зохион байгуулалтын түвшинд хамтран ажиллаж чадна гэсэн байр суурийг илэрхийлсэн байна.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Дэлхийн аваргын визний асуудлууд хөндөгдсөөр байна

2026 оны хөлбөмбөгийн ДАШТ-ий хэсгийн шатны тоглолтуудын ээлжит өдөр "G" болон "H" хэсгийн багууд тоглолтуудаа хийлээ. Анх удаагаа ДАШТ-д оролцож буй Кабо Верде түүхэн оноогоо авсан бол өнөөдрийн бүх тоглолтууд эвийн гэрээгээр өндөрлөлөө.Испани 0:0 Кабо Верде

Өнөөдрийн хамгийн том сенсацыг Кабо Верде бүтээлээ. Европын аварга Испанийн шигшээ тоглолтын турш бөмбөг эзэмшилт, довтолгоогоор илүүрхсэн ч хаалгач Возинья гайхалтай тоглолтыг үзүүлж, хаалгаа хуурай манаж чадлаа. Испаничууд 23 удаа хаалга руу цохилт хийсэн ч гоол оруулж чадалгүй 0:0-ээр тэнцсэн юм. 40 настай Возинья хэд хэдэн аюултай довтолгоог хааж, Кабо Вердегийн ДАШТ дэх анхны оноог авчрахад гол үүрэг гүйцэтгэлээ. Испанийн шигшээ баг сүүлийн гурван ДАШТ-д Африк тивийн багуудыг хожиж чадсангүй.Бельги 1:1 Египет

Дэлхийн чансааны №10 Бельгийн шигшээ баг болон дэлхийн чансааны №29 Египетийн шигшээ багуудын хооронд тоглолт явагдаж, тоглолтын 20 дахь минутад Эмам Ашур Мохаммед Салахын дамжуулалтаар хүчтэй цохилт гүйцэтгэж, тооны харьцааг нээв. Бельги удаа дараа боломж үүсгэж байсан бөгөөд тоглолтын 66 дахь минутад сэлгээгээр орж ирсэн Ромелу Лукакугийн шахалтаас үүдэн хамгаалагч Мохамед Хани өөрийн хаалгандаа гоол оруулснаар тоо 1:1 болов. Үлдсэн хугацаанд хоёр баг аль аль нь хожлын гоол оруулах боломжтой байсан ч тооны&nbsp;харьцаа өөрчлөгдсөнгүй. Саудын Араб 1:1 Уругвай

Майамид болсон тоглолтод Саудын Араб гайхалтай эхлэлийг тавьж, эхний үед төвийн хамгаалагч Абдулела Аль-Амри гоол оруулж, эхний хагаст 1:0 харьцаатайгаар Саудын Арабын шигшээ баг илүүрхэв. Гэсэн ч Уругвай хоёрдугаар үед илүү идэвхтэй тоглож, 80 дахь минутад Максимилиано Араухо хаалгачийн хаасан бөмбөгийг нэмж цохиж гоол оруулж, тооны харьцааг тэнцүүлэв. Ингэснээр “H” хэсгийн дөрвөн баг тус бүр нэг оноотой үлдэж, “H” хэсгийн өрсөлдөөн улам сонирхолтой боллоо. Иран 2:2 Шинэ Зеланд

Өнөөдрийн хамгийн сонирхолтой тоглолтын нэг Лос Анжелест болж, Иран болон Шинэ Зеландын шигшээ багууд дөрвөн гоолтой тэнцээгээр өндөрлөлөө. Шинэ Зеландын жигүүрийн довтлогч Элайжа Жаст хоёр гоол оруулж, багаа ялалтад тун ойртуулсан ч Ираны шигшээгээс Рамин Резаэян болон Мохаммад Мохеби нар тус бүр нэг гоол оруулж, тоглолт 2:2 харьцаатай тэнцээгээр өндөрлөлөө. Ийнхүү “G” хэсгийн бүх баг эхний тойргийн дараа тэнцэж, хэсгийн хүснэгтэд дөрвөн баг бүгд нэг оноотой зэрэгцэн бичигдэх болов. Эдгээр багуудын дараагийн тоглолтууд (Монголын цагаар):06-р сарын 22-нд00:00 цагаас — Испани vs Саудын Араб03:00 цагаас — Бельги vs Иран06:00 цагаас — Уругвай vs Кабо Верде09:00 цагаас — Шинэ Зеланд vs ЕгипетМэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ 2026: Ялагдашгүй Армадачууд сүүлийн гурван ДАШТ-д Африк тивийн багуудыг хожиж чадсангүй

IEM Cologne Major 2026 тэмцээний гуравдугаар шатны тоглолтууд өнгөрсөн орой өндөрлөж флэй оффын тоглолтуудаар эргэн ирэх гэж байна. Зургаадугаар сарын хоёрны өдрөөс эхэлсэн энэ оны эхний мажор тэмцээний шилдэг найман баг шалгарч дууслаа.

Spirit, Furia, Vitality, Aurora, Falcons, 9z, BB, G2 гэсэн найман баг флэй оффт шалгараад байна. Энэ дундаас BetBoom багийн залуус нэгдүгээр шатнаас эхлэн ялалт байгуулж мажор тэмцээний тайзны тоглолт руу шалгарсан нь таамаглаагүй үр дүн болсон юм.

Монгол улсын төлөөлөл The MongolZ баг энэ оны эхний мажор тэмцээнээ энэ хүрээд өндөрлүүллээ. Тэд нийт таван тоглолт хийж 2-3 гэсэн амжилттай тэмцээнийг дуусгаж байна. Эхний тоглолтоо BetBoom багийн эсрэг хийж 1-2 гэсэн үр дүнгээр ялагдал хүлээсэн. Дараагаар нь B8 багийг 2-0 харьцаатай буулган авсан бол NAVI багийн эсрэг 1-2 гэсэн харьцаатай хожигдсон. Ингэснээр тэд хасагдах шатны тоглолтууд хийж Monte багийн эсрэг 2-1 гэсэн үр дүнтэйгээр ялалт байгуулсан. Харин өнгөрсөн шөнө 9z багтай тааран тоглож 0-2 гэсэн үр дүнтэй тэмцээнийг өндөрлүүлсэн.

Тэмцээнийг ийм үр дүнтэй өндөрлүүлсэн нь олон хүмүүсийн бухимдлыг төрүүлж байна. Сүүлийн хэдэн мажор тэмцээнд дандаа флэй оффт ордог байсан болохоор энэ удаагийн тэмцээнийг эрт өндөрлүүлж байгаад сэтгэл дундуур байгаа хариу үйлдлүүд үзүүлж байна. Тиймээс энэ багийн түүхийг эргэн саная.

Анх 2013 онд үүсгэн байгуулагдсан энэ баг өдгөө бид бүхний бухимдлыг түрүүлэх баг болохын тулд маш олон зүйлийг туулсан байдаг. Бага багаар амжилт үзүүлж MLG Columbus Major 2016 тэмцээнд оролцох эрхтэй болсон ч визний асуудлаас болж тухайн тэмцээнд оролцож чадаагүй юм. Дараагаар нь 2019 онд Starladder Berlin Major 2019 тэмцээний сонгон шалгаруулалтад оролцсон ч тоглогчид насанд хүрээгүй улмаас хасагдсан байдаг. Үүний дараагаар амжилт үзүүлж чадаагүй удаж, багийн бүрэлдэхүүн солигдож, уналтын үе эхэлсэн.&nbsp;

Үүний дараа IHC нэртэй шинэ залуу бүрэлдэхүүнтэйгээр эргэн ирэлт хийсэн. 2022 онд анхны мажор тэмцээн PGL Major Antwerp 2022 тэмцээнд оролцох эрхтэй болсон нь түүх болон бичигдсэн. Үүний дараагаар багийн нэр болон бүрэлдэхүүнд өөрчлөлт орж одоогийн бид бүхний мэддэг The MongolZ баг үүссэн байдаг. Энэ бол маш товч түүх юм.

Сүүлийн жил гаруй хугацаанд мажор тэмцээний финалд тоглож, хэд хэдэн томоохон тэмцээнд түрүүлж, хэсэг хугацаанд дэлхийн #1 баг болсон учраас бид бүхэн ийм байх ёстой гэж бодсон байна. The MongolZ баг энэ түвшинд хүрэхийн тулд бүх зүйлийг эхнээс нь эхэлсэн. Мажор тэмцээнд түрүүлж чадаагүй ч өөрсдийгөө баталж чадсан залуус. Үүнтэй адил энэ удаагийн мажор тэмцээнд шинэ залуу бүрэлдэхүүнтэй багууд хүчтэй өрсөлдөөн үзүүлснийг дэлхий нийт харсан. BetBoom баг нэгдүгээр шатнаас энэ хүртэл шалгарч, 9z багийн хувьд дэлхийн топ Vitality болон Spirit багуудыг буулган авсан.&nbsp;

The MongolZ баг бол тэмцээн бүрд урилгаар оролцож, дэлхийн топ 10 багийн нэгт тогтмол багтаж, Ази тивийн #1 баг ийм багтай байна гэдэг нь Монгол түмний бахархал юм. The MongolZ багийг дэмждэг хүмүүс ямар ч үед анхны мэдрэмжээрээ энэ багийг дэмжээрэй гэж хүсмээр байна.

The MongolZ баг мажор тэмцээний аяллаа өндөрлүүллээ

2026 оны хөлбөмбөгийн дэлхийн аварга шалгаруулах тэмцээний хэсгийн шатны тоглолтууд улам сонирхолтой өрнөсөөр байна. Е хэсэгт Германы шигшээ баг Кюрасаог бут ниргэж, Кот-д ‘Ивуарын шигшээ баг Эквадорыг буулган авсан бол F хэсэгт Нидерланд, Японы шигшээ багууд тэнцэж, Швед Тунисийг хожлоо.Герман 7:1 Кюрасао

Германы шигшээ ердөө 6 дахь минутад Феликс Нмечагийн гоолоор тэргүүлж эхэлсэн ч 21 дэх минутад Ливано Комененсиа Кюрасаогийн ДАШТ-ий түүхэн дэх анхны гоолыг оруулж тоог тэнцүүлэв. Гэвч үүнээс хойш германчуудын машин бүрэн хүчээрээ ажиллаж эхэлсэн юм. Нико Шлоттербек 38 дахь минутад мөргөж гоолдсон бол Кай Хаверц 45+1 минутад торгуулийн цохилтоос гоолдож эхний үеийг 3:1-ээр өндөрлүүлэв. Хоёрдугаар үед Жамал Мусиала (47'), Натаниэль Браун (68'), Дениз Ундав (78'), Кай Хаверц (87') нар дараалан гоолдсоноор Герман 7:1-ийн илт давамгай ялалт байгууллаа. Нидерланд 2:2 Япон

F хэсгийн Нидерланд болон Японы тоглолт гайхалтай болж, 2:2 харьцаатайгаар эвийн гэрээ байгууллаа. Эхний үе гоолгүй өндөрлөсний дараа Нидерландын ахлагч Виржил Ван Дейк 51 дэх минутад багтаа тэргүүлэл авчирсан. Гэвч Японы шигшээ баг ердөө зургаахан минутын дараа буюу 57 дахь минутад Кейто Накамурагаар хариу барьж тоог тэнцүүллээ. Нидерланд 64 дэх минутад Крисенсио Саммервиллийн гоолоор дахин тэргүүлсэн ч Япон бууж өгсөнгүй. Тоглолт өндөрлөх мөчид буюу 89 дэх минутад Дайчи Камада булангийн цохилтоос мөргөж гоолдсоноор Японы шигшээ баг үнэтэй нэг оноо салгаж чадсан юм. Кот-д Ивуар 1:0 Эквадор

E хэсгийн нөгөө тоглолтод Кот-д’Ивуар болон Эквадорын багууд тун ширүүн өрсөлдсөн ч үндсэн цагийн турш хаалганы тор хөдөлсөнгүй. Гэвч тоглолтын 90 дэх минутад сэлгээгээр орж ирсэн Амад Диалло боломжоо ашиглан тоглолтын цорын ганц гоолыг оруулж, багтаа чухал ялалт авчирлаа. Ийнхүү Кот-д’Ивуарын шигшээ баг Эквадорыг 1:0-ээр буулган авч E хэсэгт Германы араас бичигдэх болов.Швед 5:1 Тунис

Шведийн шигшээ баг Тунисийг 5:1-ээр буулган авч, хүчтэй мэдэгдэл хийлээ. Скандинавын төлөөлөгчид довтолгоо бүрдээ аюул тарьж, тоглолтын эхний гоолыг 7 дахь минутад Шведийн шигшээ багаас 22 настай хагас хамгаалагч Ясин Айяри оруулж 1:0 болгов. Улмаар тоглолтын 30 дахь минутад Александр Исак гоол оруулж, 2:0 болгосон ч тоглолтын 43 дахь минутад Тунисийн шигшээ багаас Омар Рекик гоол оруулж, 1:2 болгон ойртуулав. Тоглолтын хоёрдугаар хагасын 59 дэх минутад Александр Исак-н дамжуулалтаар Виктор Гёкереш гоол оруулж, 3:1 болгов. Улмаар тоглолтын 84 дэх минутад сэлгээгээр талбайд орж ирээд эхний хүрэлтээрээ, 17 секундэд Маттиас Сванберг гоол оруулж, 4:1 болгов. Үндсэн цаг дуусаж 90+5 дахь минутад эхний гоолын эзэн Ясин Айяри эцсийн цэгийг тавьж, 5:1 харьцаатайгаар Шведийн шигшээ баг чухал хожил байгууллаа.Эдгээр багуудын дараагийн тоглолтууд (Монголын цагаар):06-р сарын 21-нд<ul><li class="ql-align-justify">01:00 — Нидерланд vs Швед </li><li class="ql-align-justify">04:00 — Герман vs Кот-д ‘Ивуар </li><li class="ql-align-justify">08:00 — Эквадор vs Кюрасао </li><li class="ql-align-justify">12:00 — Тунис vs Япон</li></ul>Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ 2026: Герман, Швед гоолын хур буулгаж, Япон чухал оноо авлаа

Олон улсын шатрын холбоо (FIDE)-ноос БНХАУ-ын Засаг захиргааны онцгой бүс Хонконгт рапид болон блиц төрлийн дэлхийн аварга шалгаруулах багийн тэмцээнийг зохион байгуулах гэж байна.

Энэхүү тэмцээн нь Дэлхийн аварга шалгаруулах багийн орчин үеийн шатрын ертөнцийн хамгийн өрсөлдөөнтэй, үзүүштэй тэмцээний нэг бөгөөд дэлхийн өнцөг булан бүрээс шилдэг их мастерууд, үндэсний шигшээ багууд, мэргэжлийн клубүүдийг нэг дор цуглуулдгаараа онцлогтой. Богино хугацааны хяналттай рапид, блиц төрлөөр явуулдаг тул тоглолт бүр хурд, ур чадвар, багийн нягт уялдаа холбоог сорьсон оюуны тэмцээн болдог юм.&nbsp;

Зургаан өдөр үргэлжлэх энэхүү тэмцээнд “The MongolZ”, “Алдар” спорт хороо, “Босоо Ноён” баг өрсөлдөхөөр бэлтгэлээ хангаж дууссан байна.Тус гурван багийн бүрэлдэхүүнд: The MongolZ баг:Дасгалжуулагч: ФИДЕ мастер Б.Ану1-р ширээ-их мастер Д.Батсүрэн2-р ширээ-олон улсын мастер Х.Итгэлт3-р ширээ-олон улсын мастер Ү.Агьбилэг4-р ширээ-олон улсын мастер Х.Өлзийхишиг5-р ширээ-олон улсын мастер Б.Баярмаа6-р ширээ-А.Эрхэмбаяр “Босоо Ноён” шатрын клубын баг:(2000 хүртэл чансаатай сонирхогчдын ангилал)1-р ширээ-спортын мастер А.Золжаргал2-р ширээ-дэд мастер Б.Очирсүх3-р ширээ-ФИДЕ мастер Б.Хүслэнзаяа4-р ширээ-дэд мастер Н.Очирваань5-р ширээ-спортын мастер Ж.Мичид6-р ширээ-дэд мастер М.Батням “Алдар” спорт хорооны баг:1-р ширээ-их мастер С.Билгүүн2-р ширээ-олон улсын мастер Г.Амартүвшин3-р ширээ-олон улсын мастер С.Чингүүн4-р ширээ-их мастер Б.Мөнгөнтуул5-р ширээ-олон улсын мастер Б.Мөнгөнзул6-р ширээ-Б.Цогтбаяр

Монголын шатрын холбооны ерөнхийлөгч, шатрын Олон улсын хэргэмт мастер (Arena IM) Г.Занданшатар Хонконгт болох дэлхийн багийн аварга шалгаруулах тэмцээнд (FIDE World Rapid, Blitz&nbsp;Team Championship 2026) төрлөөр оролцохоор болсон байна.

Тэрбээр энэ удаагийн ДАШТ-д шатрын ертөнцийн супер оддыг эгнээндээ нэгтгэсэн, дэлхийн чансааг тэргүүлэгч алдарт “WR Chess” багийн бүрэлдэхүүнд албан ёсоор багтан тоглох юм. Энэхүү багт дэлхийн №1 их мастер Магнус Карлсен тэргүүтэй Фабиано Каруана, Уэсли Со, Максим Вашье-Лаграв, Хоу Ифань, Александр Костенюк нарын шилдэг мастерууд багтаж байгаа билээ. Тэмцээн энэ сарын 16-22-нд болно.

Шатрын дэлхийн аварга шалгаруулах багийн төрөлд Монгол улсаас гурван баг оролцоно

Цахим спортын хамгийн том тэмцээнүүдийн нэг IEM Cologne Major 2026 тэмцээний хасагдах шатны сүүлийн өдөр эхэлж байна. Гуравдугаар шатад нийт 16 баг оролцсоноос 3:0 гэсэн амжилттай FURIA болон Spirit гэсэн хоёр баг флэй-оффт шалгарсан бол 3:1 гэсэн амжилттайгаар Vitlity, Aurora, Falcons гэсэн гурван баг шалгараад байна.&nbsp;

Нийт найман баг энэ зуны эхний мажор тэмцээний тайзны тоглолт флэй-оффт орох бол аль хэдийн таван баг нь шалгарсан байна. Өнөөдөр бол (6-р сарын 15) хасагдах шатны сүүлийн өдөр, үлдсэн гурван эрхийн төлөө 2:2 гэсэн амжилттай байгаа зургаан багийн гал гарсан гурван тоглолт явагдах болно.

Монгол улсын The MongolZ баг энэ зургаан багийн нэг нь юм. Тэд энэ тэмцээний эхний тоглолтыг BetBoom багийн эсрэг хийж 1-2 гэсэн үр дүнтэйгээр хожигдол хүлээсэн. Үүний дараагаар B8 багийн эсрэг 2-0 гэсэн харьцаатай ялалт байгуулсан. Харин дараагаар NAVI багийн эсрэг 1-2 гэсэн үр дүнтэйгээр хожигдож хасагдах шатны тоглолт хийхээр болсон. Өнгөрөгч орой тэд Monte багийн эсрэг 2-1 гэсэн харьцаатай ялалт байгуулж 2:2 гэсэн амжилттай хасагдах шатны сүүлийн тоглолтоо хийх гэж байна.

Мажор тэмцээний гуравдугаар шатны&nbsp;сүүлийн өдөр The MongolZ баг Хойд Америкийн 9z багийн эсрэг тоглох оноолт гараад байна. Тус хоёр баг нь хоёулаа тоглогчийн ур чадвар болох буудалтад суурилсан багууд учир ширүүн тулаанууд гарах болно. Мэдээж 9z багийн хувьд энэ тэмцээнд хамгийн бэлтгэл сайтай, хүчирхэг багуудын нэг юм. Тэд тэмцээний хоёрдугаар шатнаас оролцож байгаа ч энэ тэмцээнд хүчирхэг баг болох Vitality багийг буулган авсан цор ганц баг юм.&nbsp;

The MongolZ багийн хувьд энэ тоглолтод ялалт байгуулбал тайзны тоглолтуудаар бид бүхэнтэй уулзах болно. Харин ялагдал хүлээвэл тэмцээнийг энэ хүрээд өндөрлүүлэх болно. Тэд энэ удаагийн мажор тэмээнд гуравдугаар шатад урилгаар оролцож байгаа дэлхийн шилдэг найман багийн нэг. Мажор гэдэг тэмцээн нь дэлхийн хамгийн шилдэг 32 баг оролцдог, улт үргэлжилдэг тэмцээн. Энэхүү том тэмцээнд урилгаар оролцоно, тэр дундаа гуравдугаар шатнаас тоглолтоо эхлүүлж байгаа нь аль хэдийн дэлхийд хүлээн зөвшөөрөгдсөн гэсэн үг юм. Тийм болохоор энэ тоглолтод хожсон ч, хожигдол хүлээсэн ч аль хэдийн өөрсдийгөө баталж чадсан залуучуудыгаа сэтгэл дүүрэн дэмжицгээе.

The MongolZ баг өнөөдөр шийдвэрлэх тоглолт хийнэ

2026 оны хөлбөмбөгийн дэлхийн аварга шалгаруулах тэмцээний хэсгийн шатны ээлжит тоглолтууд хөгжөөн дэмжигчдэд олон сонирхолтой үйл явдалаар дүүрэн явагдаж байна. Австрали Туркийг буулган авч, хүчтэй эхлэл тавьсан бол Шотланд Гаитигийн эсрэг үнэ цэнэтэй ялалт байгуулж, Бразил Мароккотой оноо хуваалаа. Мөн Катар, Швейцарын тулаан тэнцээгээр өндөрлөлөө.Австрали 2:0 ТуркАвстрали болон Туркийн шигшээ багуудын тоглолт D хэсгийн өрсөлдөөнийг улам сонирхолтой болгосон тоглолт байлаа. Сүүлийн жилүүдэд олон улсын тавцанд тогтвортой амжилт үзүүлж буй Австраличууд тоглолтын эхнээс л илүү зохион байгуулалттай, хурдтай тоглолтыг үзүүлэв. Турк бөмбөг эзэмшилтийн хувьд илүү байсан ч довтолгооны төгсгөлийн шийдэл дутмаг байлаа. Харин Австрали боломж бүрээ илүү үр ашигтай ашиглаж, хоёр гоолын зөрүүтэй ялалт байгуулснаар чухал гурван оноо авсан юм. Австралийн тоглолтын гол давуу тал нь хамгаалалт болон довтолгооны хоорондын тэнцвэр байв. Тэд бөмбөг алдах үедээ маш хурдан хамгаалалтад шилжиж, Туркийн жигүүрийн довтолгоог саармагжуулж чадлаа.

Гаити 0:1 ШотландХарин С хэсэгт болсон Гаити, Шотландын тоглолт тийм ч олон гоолтой байгаагүй ч өрсөлдөөн ширүүн байв. ДАШТ-д удаан хугацааны дараа эргэн ирсэн Шотландчууд хариуцлагатай тоглолт үзүүлж, хамгаалалтаа найдвартай зохион байгуулсан нь ялалтын үндэс болов. Гаити тоглолтын туршид хэд хэдэн боломж үүсгэсэн ч ашиглаж чадсангүй. Шотландын цорын ганц гоол тоглолтын хувь заяаг шийдэж, чухал гурван оноогоо авч чадлаа.&nbsp;

Гаитигийн хувьд ялагдал хүлээсэн ч тоглолтын агуулга муу байсангүй. Карибын тэнгисийн төлөөлөгчид хурдтай сөрөг довтолгоогоороо хэд хэдэн удаа Шотландын хамгаалалтыг сандаргасан бөгөөд хэрэв довтолгооны төгсгөлийг сайжруулж чадвал дараагийн тоглолтуудад оноо авах бүрэн боломжтой харагдлаа.Бразил 1:1 МароккоӨнөөдрийн хамгийн анхаарал татсан тоглолт бол яах аргагүй Бразил, Мароккогийн тоглолт байв. Таван удаагийн дэлхийн аварга Бразил тэмцээний өмнөхөн фаворитуудын нэгээр нэрлэгдэж байсан ч Мароккогийн эсрэг амаргүй сорилттой нүүр туллаа. Мароккогийн шигшээ баг 2022 оны дэлхийн аваргад хүрэлцэн ирсэн хүчирхэг үеийнхээ тоглолтыг дахин санагдуулам зохион байгуулалттай тоглолтыг үзүүлсэн юм. Бразилчууд уламжлал ёсоор бөмбөгийг илүү эзэмшиж, довтолгооны санаачилгыг гартаа авч байсан ч Мароккогийн хамгаалалт тун нягт байлаа. Хойд Африкийн баг хамгаалалтаас довтолгоонд маш хурдан шилжиж, Бразилын хамгаалагчдад байнга асуудал үүсгэж байсан нь тоглолтыг улам сонирхолтой болгосон.

Эцэст нь хоёр баг тус бүр нэг гоол оруулж, 1:1-ийн харьцаатай тэнцэв. Мароккогийн хувьд энэ нь ялалттай дүйцэх үр дүн байлаа. Харин Бразилын хөгжөөн дэмжигчид илүү ихийг хүлээж байсан нь ойлгомжтой. Гэсэн ч тэмцээн дөнгөж эхэлж байгаа учраас тэдэнд алдаагаа засах боломж хангалттай бий.&nbsp;

Катар 1-1 ШвейцарВ хэсгийн Катар, Швейцарын тоглолт ч мөн тэнцээгээр өндөрлөсөн нь хэсгийн өрсөлдөөнийг бүр ч ээдрээтэй болгож байна. Азийн аварга Катар тоглолтын эхнээс идэвхтэй тоглож, талбайн төв хэсэгт өрсөлдөгчтэйгөө эн тэнцүү тулалдсан. Харин Швейцар уламжлал ёсоороо сахилга баттай, зохион байгуулалттай тоглолтоо үзүүлэв. Тоглолтын турш хоёр баг ээлжлэн аюултай довтолгоо өрнүүлж байсан бөгөөд аль аль нь ялалт байгуулах боломжтой байлаа. Эцэст нь 1:1 гэсэн үр дүнгээр өндөрлөж, багууд тус бүр нэг оноо авсан юм. Швейцарын хувьд оноо алдсан мэт харагдаж болох ч хэсгийн дараагийн тоглолтуудад илүү туршлагатай тоглолтоо гаргах боломж бий. Харин Катар тэмцээнийг оноотой эхлүүлсэн нь тэдний хувьд эерэг дохио болов.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Бразил Марокко тэнцэж, Австралийн шигшээ баг Туркийг хожлоо

2026 оны хөлбөмбөгийн ДАШТ-ий хоёр дахь өдөр хамтран зохион байгуулагч гурван улсын хоёр нь талбайдаа тоглож, хөгжөөн дэмжигчдээ баярлууллаа. Торонтод Канадын шигшээ баг Босни ба Херцеговинтой 1:1-ээр тэнцэж, түүхэн оноогоо авсан бол Лос Анжелест АНУ-ын шигшээ баг Парагвайг 4:1-ээр бут ниргэж, тэмцээний хамгийн анхны том мэдэгдлийг хийлээ. Канад 1:1 Босни ба ХерцеговинТоронто хотын төвд байрлах цэнгэлдэх хүрээлэнд Канадын шигшээ баг ДАШТ-ий түүхэн дэх анхны эх орондоо хийсэн тоглолтдоо Босни ба Херцеговины эсрэг эхлүүлсэн юм. Улаан өнгөөр жигдэрсэн хөгжөөн дэмжигчид, үндэсний баяр наадам мэт уур амьсгал дунд талбайд гарсан Жесси Маршийн залуус тоглолтын эхнээс довтолгооны санаачилгыг гартаа авч байсан ч эхэлж гоол алдсан нь тэдэнд хүнд цохилт болов. Тоглолтын 21 дэх минутад Босни булангийн цохилтоос үүссэн боломжоо ашиглаж, Йово Лукич мөргөж оруулснаар эхний хагаст Босни ба Херцеговины шигшээ баг илүүрхэв.&nbsp;

Гэсэн ч талбайн эзэд бууж өгсөнгүй. Жонатан Дэвид, Ричи Ларея нар хэд хэдэн аюултай довтолгоо өрнүүлж, Боснийн хамгаалалтыг байнга дарамталж байсан ч тэнцээний гоол орж ирэхгүй удсаар байлаа. Канадын дасгалжуулагч шийдвэрлэх алхам хийж, туршлагатай довтлогч Сайл Лариныг талбайд гаргасан нь тоглолтын эргэлтийн цэг болов. Сэлгээгээр орж ирснээсээ ердөө хоёрхон минутын дараа Ларин Промис Дэвидийн гайхалтай дамжуулалтыг ашиглан 78 дахь минутад тоог тэнцүүлэв. Тэр гоол зөвхөн нэг оноо авчирсангүй, Канадын эрэгтэй шигшээ багийн ДАШТ-ий түүхэн дэх анхны оноог бэлэглэсэн мөч байлаа.1986 болон 2022 оны ДАШТ-д оролцохдоо нэг ч оноо авч чадаагүй Канад энэ удаа нутаг дээрээ өөр түүх бичиж эхэллээ. Тоглолтын дараа Сайл Ларин “Багтаа хэрэгтэй үед гоол оруулж чадсандаа баяртай байна” хэмээн ярьлаа.

АНУ 4:1 Парагвай﻿Харин хэдэн цагийн дараа АНУ-ын баруун эрэг дээрх СоФай цэнгэлдэхэд шал өөр дүр зураг өрнөв. Дэлхийн аваргын нээлтийн дараа талбайд гарсан Маурисио Почеттиногийн удирдсан АНУ-ын шигшээ баг Парагвайг тоглолтын эхнээс дарамталж, тоглолтыг бүрэн хяналтдаа авч 4:1 харьцаатай бут ниргэлээ.&nbsp;

Тоглолтын долоо дахь минутад Парагвайн хамгаалагчдын алдаанаас үүдэн өөрийн хаалгандаа оруулсан гоолоор америкчууд тэргүүлж эхэлсэн. Үүнээс хойш АНУ улам эрчээ авч, довтолгоо бүр нь аюул дагуулж байв. Фоларин Балогун 31 болон нэмэлт цагт дараалан гоол оруулж, дубль хийснээр эхний үе өндөрлөхөд АНУ 3:0-ээр илүүрхэв. Талбай дээр Тайлер Адамс, Уэстон Маккенни нарын хагас хамгаалагчид тоглолтын хэмнэлийг удирдаж, Кристиан Пулишич болон Малик Тиллман нар жигүүрт хамгаалагчдыг тайван байлгасангүй.&nbsp;

Хоёрдугаар үеийн 73 дахь минутад Маурисио Парагвайн шигшээ багаас 2026 оны ДАШТ-ий эхний гоолоо оруулав. Харин үндсэн цаг дуусаж, нэмэлт цагийн төгсгөлд Жио Рейна гоол оруулж, эцсийн цэгийг тавьснаар АНУ 4:1-ийн харьцаатай ялалт байгууллаа.&nbsp;

Почеттиногийн багийн тоглолтоос харахад АНУ зөвхөн хэсгээс гарах бус илүү өндөр зорилго тавьж байгаа нь мэдрэгдэв. Багийн довтолгоо хурдтай, хамгаалалт нь зохион байгуулалттай, тоглогчид нь өөртөө итгэлтэй байлаа.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ 2026: Канад талбайдаа түүхэн оноогоо авч, АНУ талбайдаа бут ниргэлээ

2026 оны ДАШТ-ий хөшгийг өчигдөр Мехико хотын домогт Ацтека цэнгэлдэхэд Мексик болон Өмнөд Африкийн шигшээ багуудын тоглолт албан ёсоор нээж, хөлбөмбөгийн ертөнц дахин нэгэн түүхэн аяллаа эхлүүллээ. Гэвч энэ удаагийн ДАШТ өмнөх тэмцээнүүдээс онцлог. Анх удаа гурван улс хамтран зохион байгуулж буй тул Мексик, АНУ, Канад улс тус бүр өөрийн гэсэн нээлтийн ёслолыг хийхээр төлөвлөсөн байна. Мексикийн нээлтийн арга хэмжээ аль хэдийн болж өнгөрсөн бол өнөөдөр шөнө Канадад, маргааш өглөө АНУ-д ДАШТ-ий уур амьсгал дахин оргилдоо хүрэх гэж байна. АНУ-ын шигшээ баг маргааш өглөө 09:00 цагаас Парагвайн шигшээ багтай Лос Анжелес хотод тоглоно.Тоглолтын өмнө АНУ-ын шигшээ багийн ахлах дасгалжуулагч Маурисио Почеттино:&nbsp;

"Мэдээж нутагтаа тоглох гэж буй болохоор бага зэрэг дарамт мэдрэгдэж байгаа ч манай багийн 26 тоглогчид бэлэн. Багийн тактик, сэтгэлзүй, бие бялдрын хувьд сайн байгаа. Парагвайн шигшээ баг маш хүчтэй. Ялангуяа тэдний стандарт чөлөөт цохилт, алсын дамжуулалт, хамгаалалтыг сэтлэх амаргүй байх болно.” Хэмээн мэдэгдлээ.Тоглолтын өмнө Парагвайн шигшээ багийн ахлах дасгалжуулагч Густаво Альфаро:&nbsp;

“Манай шигшээ баг ДАШТ-д дахин оролцох болсондоо баяртай байна. Манай шигшээ баг зүгээр нэг оролцогчийн тоо нөхөх гэж ирээгүй. Манай багийн тоглогчид олон жилийн турш хүсэн хүлээсэн боломжоо ашиглан эх орныхоо нэрийг өндөрт өргөхийг зорьж байна.” Хэмээн мэдэгдлээ.АНУ болон Парагвайн шигшээ багууд хоорондоо өмнө нь 9 удаа тоглож байсан бөгөөд АНУ-ын шигшээ баг 5 хожиж, 2 тэнцэж, 2 удаа ялагдаж байжээ. Энэхүү хоёр шигшээ багийн хоорондын сүүлийн гурван тоглолтууд:

АНУ 2:1 Парагвай /Нөхөрсөг тоглолт, 2025 он/АНУ 1:0 Парагвай /Нөхөрсөг тоглолт, 2018 он/АНУ 1:0 Парагвай /Копа Америка Сентенарио, 2018 он/АНУ-ын шигшээ багийн сүүлийн гурван тоглолт:АНУ 1:2 Герман /Нөхөрсөг тоглолт, 2026 оны 06-р сарын 07-нд/АНУ 2:1 Сенегал /Нөхөрсөг тоглолт, 2026 оны 06-р сарын 01-нд/АНУ 0:2 Португал /Нөхөрсөг тоглолт, 2026 оны 04-р сарын 01-нд/Парагвайн шигшээ багийн сүүлийн гурван тоглолт:Парагвай 4:0 Никарагуа /Нөхөрсөг тоглолт, 2026 оны 06-р сарын 06-нд/Парагвай 1:2 Марокко /Нөхөрсөг тоглолт, 2026 оны 04-р сарын 01-нд/Парагвай 1:0 Грек /Нөхөрсөг тоглолт, 2026 оны 03-р сарын 28-нд/АНУ-ын шигшээ багийн боломжит гарааны бүрэлдэхүүн:

Дасгалжуулагч:Маурисио Почеттино 3-4-2-1Хаалгач: M.FreeseХамгаалагч: C.Ricards, T.Ream, A.FreemanХагас хамгаалагч: A.Robinson, W.McKennie, T.Adams, S.DestДовтлогч: C.Pulisic, M.Tillman, F.BalogunПарагвайн шигшээ багийн боломжит гарааны бүрэлдэхүүн:

Дасгалжуулагч: Густаво Альфаро 4-4-2Хаалгач: O.GillХамгаалагч: J.Caceres, G.Gomez, O.Aldereto, J.AlonsoХагас хамгаалагч: D.Gomez, A.Cubas, D.Bobadilla, M.AlmironДовтлогч: A.Sanabria, A.Arce2026 оны хөлбөмбөгийн ДАШТ-ий хоёр дахь өдрийн хоёр дахь тоглолт Монголын цагаар 2026 оны 06-р сарын 12-нд 09:00 цагаас эхэлнэ.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ 2026: Маргааш өглөө АНУ-д нээлтийн ёслол болж, АНУ-ын шигшээ баг эхний тоглолтоо хийнэ

2026 оны ДАШТ-ий хөшгийг өчигдөр Мехико хотын домогт Ацтека цэнгэлдэхэд Мексик болон Өмнөд Африкийн шигшээ багуудын тоглолт албан ёсоор нээж, хөлбөмбөгийн ертөнц дахин нэгэн түүхэн аяллаа эхлүүллээ. Гэвч энэ удаагийн ДАШТ өмнөх тэмцээнүүдээс онцлог. Анх удаа гурван улс хамтран зохион байгуулж буй тул Мексик, АНУ, Канад улс тус бүр өөрийн гэсэн нээлтийн ёслолыг хийхээр төлөвлөсөн байна. Мексикийн нээлтийн арга хэмжээ аль хэдийн болж өнгөрсөн бол өнөөдөр шөнө Канадад ДАШТ-ий уур амьсгал дахин оргилдоо хүрэх гэж байна. Канадын шигшээ баг өнөөдөр шөнө 03:00 цагаас Босни ба Херцеговин улсын шигшээ багтай Торонто хотод тоглоно. Канад болон Босни ба Херцеговин улсын шигшээ багууд хоорондоо өмнө нь таарч тоглож байгаагүй бөгөөд өнөөдөр шөнө анх удаагаа хоорондоо тоглохоор болж байна.Тоглолтын өмнө Канадын шигшээ багийн ахлах дасгалжуулагч Жесси Марш:&nbsp;

“ДАШТ-ийг нутагтаа зохион байгуулж буйд сэтгэл хангалуун байна. Канадын хөлбөмбөгийн түүхэнд ийм боломж дахин хэзээ тохиохыг хэн ч мэдэхгүй учраас тоглогчид тоглолтын мөч бүрийг үнэлж, талбай дээр бүхнээ зориулах ёстой гэж хэлсэн байна. Мөн багийн гол тоглогч Альфонсо Дэвис бүрэн эдгэрээгүй тул өнөөдрийн тоглолтод оролцох магадлал маш бага.” Хэмээн мэдэгдлээ.Тоглолтын өмнө Босни ба Херцеговин улсын шигшээ багийн ахлах дасгалжуулагч Сергей Барбарез:

“Юуны өмнө ДАШТ-д дахин оролцох болсондоо баяртай байна. Гэвч нээлтийн тоглолтоо талбайн эзэн Канадын шигшээ багийн үзэгчдийн өмнө хийх тул амаргүй байх нь гарцаагүй боловч манай багийн тоглогчид энэ боломжийг удаан хүлээсэн бөгөөд өөрсдийн чансааг харуулахын тулд талбайд гарах гэж байна. Канадын шигшээ багийн сүүлийн гурван тоглолт:Канад 1:1 Ирланд /Нөхөрсөг тоглолт, 2026 оны 06-р сарын 06-нд/Канад 2:0 Узбекистан /Нөхөрсөг тоглолт, 2026 оны 06-р сарын 02-нд/Канад 0:0 Тунис /Нөхөрсөг тоглолт, 2026 оны 04-р сарын 01-нд/Босни ба Херцеговины шигшээ багийн сүүлийн гурван тоглолт:Панам 1:1 Босни ба Херцеговин /Нөхөрсөг тоглолт, 2026 оны 06-р сарын 07-нд/Босни ба Херцеговин 0:0 Хойд Македон /Нөхөрсөг тоглолт, 2026 оны 05-р сарын 30-нд/Босни ба Херцеговин (4) 1:1 (1) Итали /ДАШТ-ий урьдчилсан шатны плей-офф, 2026 оны 04-р сарын 01-нд/&nbsp;Канадын шигшээ багийн боломжит гарааны бүрэлдэхүүн:

Дасгалжуулагч: Жесси Марш 4-4-2Хаалгач: M.CrepeauХамгаалагч: R.Laryea, D.Cornelius, Luc De Fougerolles, A.JohnstonХагас хамгаалагч: L.Millar, I.Kone, S.Eustaquio, T.BuchananДовтлогч: C.Larin, J.DavidБосни ба Херцеговины шигшээ багийн боломжит гарааны бүрэлдэхүүн:

Дасгалжуулагч: Сергей Барбарез 4-4-2Хаалгач: N.VasiljХамгаалагч: A.Dedic, N.Katic, T.Muharemovic, S.KolasinacХагас хамгаалагч: E.Bajraktarevic, I.Basic, A.Memic, B.TahirovicДовтлогч: E.Demirovic, S.Bazdar2026 оны хөлбөмбөгийн ДАШТ-ий хоёр дахь өдрийн эхний тоглолт Монголын цагаар 2026 оны 06-р сарын 13-нд 03:00 цагаас эхэлнэ.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ 2026: Өнөөдөр шөнө Канадад нээлтийн ёслол болж, Канадын шигшээ баг эхний тоглолтоо хийнэ

2026 оны хөлбөмбөгийн дэлхийн аварга шалгаруулах тэмцээний эхний тоглолтдоо БНСУ-ын шигшээ баг гайхалтай эргэн ирэлт хийж, Европын төлөөлөл Чехийн шигшээ багийг 2:1-ээр буулган авч, хэсгийн шатны өрсөлдөөнөө ялалтаар эхлүүллээ.&nbsp;

Мексикийн Гвадалахара хотын “Акрон” цэнгэлдэх хүрээлэнд болсон тоглолтын эхний үе харьцангуй болгоомжтой өрнөж, хоёр баг бие биенийхээ алдааг хүлээсэн тактикийн тулаан өрнүүлсэн юм. Гэвч хоёрдугаар үед Чехийн баг хажуугийн шугамаас шидсэн бөмбөгийг багийн ахлагч Ладислав Крейчи амжилттай ашиглаж, мөргөж гоол оруулан тооны харьцааг нээж чадлаа.&nbsp;

Гэсэн ч Азийн хүчирхэг төлөөлөл бууж өгсөнгүй. Тоглолтын хэмнэлийг гартаа авсан БНСУ-ын шигшээ баг довтолгоогоо улам эрчимжүүлж, 67 дахь минутад Хван Ин Бом хамгаалагч, хаалгачыг хуурч гоёмсог гоол оруулж, тооны харьцааг тэнцүүлэв. Энэ мөчөөс эхлэн Солонгосчуудын итгэл сэргэж, талбай дээрх давамгайлал нь улам тодорч эхэлсэн юм.&nbsp;

Тоглолтын 80 дахь минутад сэлгээгээр талбайд гарсан О Хён Гю эхний гоолын эзэн Хван Ин Бомын дамжуулалтаар гоол оруулж, БНСУ-ын хөгжөөн дэмжигчдээ баярлууллаа. Хван Ин Бом нэг гоол, нэг гоолын дамжуулалт өгч тоглолтын гол баатар болсон бол хамгаалалтын шугамыг Ким Мин Жэ найдвартай удирдан тоглолтын төгсгөлд Чехийн дарамтыг амжилттай сөрөн зогсов.&nbsp;

Ийнхүү БНСУ хэсгийн шатны хамгийн чухал тоглолтуудын нэгд ялалт байгуулж, дараагийн шатанд шалгарах боломжоо эрс нэмэгдүүллээ. Харин 20 жилийн дараа дэлхийн аваргад эргэн ирсэн Чехийн шигшээ баг эхний гоолыг оруулсан ч ялагдсанаар, цаашдын тоглолтуудад заавал оноо авах шаардлагатай нөхцөлд орлоо.Энэхүү хоёр шигшээ багуудын А хэсгийн дараагийн тоглолтууд Монголын цагаар:06-р сарын 19-нд 00:00 цагаас Чех-ӨАБНУ06-р сарын 19-нд 09:00 цагаас Мексик-БНСУМэдээллийн ивээн тэтгэгч:<a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Ази тивийн төлөөлөл БНСУ-ын шигшээ баг эхний хожлоо байгууллаа

Өнгөрсөн шөнө (6-р сарын 11) IEM Cologne Major 2026 тэмцээний гуравдугаар шатны тоглолтууд эхэлсэн. Тэмцээний гуравдугаар шатад урилгаар оролцож байгаа найман багтай нэг болон хоёрдугаар шатнаас шалгарсан найман баг оноолтоор тааран тоглосон.

Монгол улсын төлөөлөл The MongolZ баг өнгөрсөн шөнө 17 цагаас Орос улсын төлөөлөл BetBoom багийн эсрэг гурван мап тоглолт хийсэн. Эхний мап тоглолтоо 13:11 гэсэн харьцаатай хожил байгуулсан боловч сүүлийн хоёр мап дээр 6:13, 11:13 гэсэн харьцаатай хожигдож тэмцээнийг 0-1 гэсэн амжилттай эхлүүлж байна.

Өнөөдөр орой мөн 17 цагаас The MongolZ баг Украйн улсын төлөөлөл B8 багтай best of 3 тоглолт хийнэ. Хожил байгуулсан баг нь тэмцээнийг 1:1 гэсэн амжилттай үргэлжлүүлэх бол хожигдсон баг нь 0:2 гэсэн амжилттайгаар хасагдах шатны тоглолтууд хийх болно. B8 багийн хувьд тэмцээний нэгдүгээр шатнаас энэ хүртэл хожил байгуулж гарж ирсэн хүчтэй багуудын нэг юм.

Гуравдугаар шатны тоглолтууд дээр тэмцээнийг 1:0 гэсэн амжилттай FURIA, MOUZ, BetBoom, Falcons, Aurora, 9z, Vitality, Spirit гэсэн багууд үргэлжлүүлэхээр болсон бол тэмцээнийг 0:1 гэсэн амжилттай The MongolZ, B8, FUT, G2, Monte, NAVI, Legacy, PARIVISSION гэсэн багууд үргэлжлүүлж байна.&nbsp;

The MongolZ баг өнөөдөр орой Украйн улсын багтай өрсөлдөнө

Хөлбөмбөгийн дэлхийн хамгийн том баяр болох 2026 оны ДАШТ-ийн хөшиг Мексик улсын Мехико хотын алдарт “Ацтека” цэнгэлдэх хүрээлэнд нээгдэж, талбайн эзэн Мексикийн шигшээ баг Өмнөд Африкийн шигшээг 2:0-ээр буулган авч тэмцээнийг төгс эхлүүллээ. 16 жилийн өмнө буюу 2010 оны ДАШТ-ий нээлтийн тоглолтод мөн эдгээр хоёр баг учраа таарч, 1:1-ээр тэнцэж байсан түүхтэй. Харин энэ удаа Ацтекагийн 80 мянга гаруй хөгжөөн дэмжигчдийн өмнө Мексик өрсөлдөгчдөө илүүрхэн тоглож, эхний гурван оноогоо авлаа.&nbsp;

Тоглолтын эхнээс л довтолгооны санаачилгыг гартаа авсан мексикчүүд 9 дэх минутад хамгаалагчдын алдааг ашиглан Хулиан Киньонес хаалганы торыг хөдөлгөж, ДАШТ-2026-ын анхны гоолын эзэн болсон юм. Түүний цохилт цэнгэлдэх хүрээлэнг бүхэлд нь доргиож, дэлхийн аваргын уур амьсгалыг албан ёсоор эхлүүлэв.&nbsp;

Өмнөд Африк эхний үед зохион байгуулалттай хамгаалж байсан ч хоёрдугаар хагаст нөхцөл байдал эрс өөрчлөгдсөн. Спепхело Ситоле улаан хуудас авч талбайг орхисноор Бафана Бафаначууд арван хүнтэй үлдэж, тоглолтын хувь заяа Мексикийн талд бүрэн эргэв. Хүний давуу талаа ашиглаж, Рауль Хименес 67 дахь минутад мөргөж гоолдож, багийнхаа тэргүүллийг баталгаажууллаа.&nbsp;

Тоглолтын төгсгөлд хоёр багийн тамирчдын сэтгэл хөдлөл дээд цэгтээ хүрч, Өмнөд Африкийн Темба Зване мөн улаан хуудас авснаар тэд есөн хүнтэй үлдсэн бол Мексикийн ахлагч Сесар Монтес нэмэлт цагт улаан хуудас хүртэж, талбайг чөлөөлөв. Ингэснээр ДАШТ-ий нээлтийн тоглолтын түүхэнд ховор тохиох гурван улаан хуудастай ширүүн тулаан болж үлдлээ. Ийнхүү Мексик өөрийн нутаг дээр зохион байгуулагдаж буй дэлхийн аваргыг ялалтаар эхлүүлж, А хэсгийг гурван оноотой тэргүүлж эхэллээ. Харин Өмнөд Африк дараагийн тоглолтдоо Чехийн шигшээтэй учраа таарч, хэсгээс гарах боломжоо хадгалахын төлөө заавал оноо авах шаардлагатай боллоо.&nbsp;

Энэхүү хоёр шигшээ багуудын А хэсгийн дараагийн тоглолтууд Монголын цагаар:06-р сарын 19-нд 00:00 цагаас Чех-ӨАБНУ06-р сарын 19-нд 09:00 цагаас Мексик-БНСУМэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

ДАШТ-2026: Мексик түүхэн нээлтийг ялалтаар эхлүүлж, Өмнөд Африкийг буулган авлаа

Дэлхийн хамгийн том спортын баяр эргэн ирлээ. Хөлбөмбөгийн ДАШТ-ий нээлтийн өдөр буюу маргааш өглөө 10:00 цагаас Ази тивийн төлөөлөл, дэлхийн чансааны №25 БНСУ-ын шигшээ баг болон дэлхийн чансааны №40 Чехийн шигшээ багуудын тоглолт Мексик улсын 46355 үзэгчдийн суудалтай “Akron Stadium” цэнгэлдэх хүрээлэнд А хэсгийн хоёр дахь тоглолт явагдана. БНСУ-ын шигшээ баг ДАШТ-д 12 дахь удаагаа шалгарсан бөгөөд хамгийн том амжилт нь 2002 онд Ази тивийн БНСУ болон Япон улсуудад зохион байгуулагдсан ДАШТ-д 4-р байрт шалгарч байсан нь БНСУ-ын хамгийн том амжилт юм. Харин Чехийн шигшээ багийн хувьд 20 жилийн дараа буюу тэртээх 2006 оны Германд болсон ДАШТ-с хойш урьдчилсан шатнаас шалгарч үзээгүй байсан хар цувралаа зогсоож, энэ удаагийн ДАШТ-д оролцож байна. Чехийн шигшээ баг Чехословак нэртэйгээр ДАШТ-д 1934, 1962 онуудад дэд байрт шалгарч байсан нь хамгийн том амжилт нь юм.Тоглолтын өмнө БНСУ-ын шигшээ багийн дасгалжуулагч Хон Мён-Бо:

“Бидний бэлтгэл одоо бүрэн дууссан. Би тоглогчидтойгоо олон удаа ярилцсан бөгөөд зааж зөвлөхийг хүссэн бүх санаа минь тэдэнд бүрэн ойлгогдсон. БНСУ-ын шигшээ баг ДАШТ-ий нээлтийн өдөр тоглож байгаагүй. Энэ удаа бид дэлхийн анхаарлын төвд байна. Тоглогчид маань тэр орчинд өөрсдөдөө итгэлтэй, тайван тоглоосой гэж хүсэж байна.” Хэмээн мэдэгдлээ.Тоглолтын өмнө Чехийн шигшээ багийн дасгалжуулагч Мирослав Коубек:

“Бид Мексик хүртэл зүгээр нэг оролцогчдын тоог гүйцээх гэж ирээгүй. Бөмбөг бөөрөнхий, тиймээс юу ч тохиолдож болно.” Хэмээн мэдэгдлээ.Чех болон БНСУ-ын шигшээ багуудын өмнөх хоорондын тоглолтууд:

БНСУ 2:2 Чех /Нөхөрсөг тоглолт, 1998 он/Чех 5:0 БНСУ /Нөхөрсөг тоглолт, 2001 он/БНСУ 2:1 Чех /Нөхөрсөг тоглолт, 2016 он/БНСУ-ын шигшээ багийн сүүлийн гурван тоглолт:БНСУ 1:0 Эль Салвадор /Нөхөрсөг тоглолт, 2026 оны 06-р сарын 04-нд/БНСУ 5:0 Тринадад ба Тобаго /Нөхөрсөг тоглолт, 2026 оны 05-р сарын 31-нд/БНСУ 0:1 Австри /Нөхөрсөг тоглолт, 2026 оны 04-р сарын 01-нд/Чехийн шигшээ багийн сүүлийн гурван тоглолт:Чех 3:1 Гватемал /Нөхөрсөг тоглолт, 2026 оны 06-р сарын 05-нд/Чех 2:0 Косово /Нөхөрсөг тоглолт, 2026 оны 05-р сарын 31-нд/Чех (3) 2:2 (1) Дани /ДАШТ-ий урьдчилсан шатны плей-офф, 2026 оны 04-р сарын 01-нд/ &nbsp;БНСУ-ын шигшээ багийн боломжит гарааны бүрэлдэхүүн:

Дасгалжуулагч: Хон Мён-Бо 3-4-3Хаалгач: K.Seung-gyu Хамгаалагч: T.H.Kim, K.Min-Jae, H.LeeХагас хамгаалагч: T.Lee, J.Lee, H.In-Beom, Y.W.SeolДовтлогч: H.Hee-Chan, S.Heung-Min, K.Lee-InЧехийн шигшээ багийн боломжит гарааны бүрэлдэхүүн:

Дасгалжуулагч: Мирослав Коубек 3-4-2-1Хаалгач: M.KovarХамгаалагч: S.Chaloupek, R.Hranac, L.KrejciХагас хамгаалагч: V.Coufal, T.Soucek, V.Darida, D.JurasekДовтлогч: P.Sulc, L.Provod, P.Schick2026 оны хөлбөмбөгийн ДАШТ-ий эхний өдрийн хоёр дахь тоглолт Монголын цагаар 2026 оны 06-р сарын 12-нд 10:00 цагаас эхэлнэ.Мэдээллийн ивээн тэтгэгч: <a href="https://www.facebook.com/profile.php?id=100084363345799" rel="noopener noreferrer" target="_blank" style="color: rgb(9, 13, 27);">ҮҮЭТ ХХК ЭВТ БРЭНД</a>

Шинэ контент