Msports

Шинэ мэдээ

Парис 2024: Олимпын наадмын шилдэг гэрэл зургуудаас

Төгсбаясгалан

Өмнөд Африкын олиимпын хошой аварга Кастэр Семеня&nbsp;нь 1991 оны нэгдүгээр сарын 7-нд төрсөн. Тэрээр&nbsp;Өмнөд Африкийн дунд зайн гүйлтийн тамирчин бөгөөд Олимпын хоёр алтан медальт, эмэгтэйчүүдийн 800 метрийн дэлхийн аварга шалгаруулах тэмцээний гурван удаагийн аварга юм. Тэрбээр анх 2009 онд дэлхийн аваргаас алтан медаль хүртэж, 2016 оны олимп, 2017 оны дэлхийн аварга шалгаруулах тэмцээнд түрүүлж, 1500 метрийн зайд хүрэл медаль хүртэж байжээ. Олон хүмүүс түүнийг Өмнөд Африкийн хөнгөн атлетикийн билэг тэмдэг гэж нэрлэдэг байна. Семеня 2012 онд Лондонгийн эмэгтэйчүүдийн 800 метрийн гүйлтийн төрөлд, дөрвөн жилийн дараа Риогийн олимпын алтан медаль хүртсэн амжилтуудтай.

Гэвч&nbsp;2019 оны 5-р сард дэлхийн хөнгөн атлетикаас гаргасан шинэ журамд&nbsp;бэлгийн хөгжлийн зөрүүтэй эмэгтэй тамирчдыг тестостероны түвшинг зохиомлоор бууруулахаас бусад тохиолдолд дунд зайн гүйлтийн төрөлд оролцохоос сэргийлсэн байдаг аж. Семеня 2009 оны дэлхийн аварга шалгаруулах тэмцээнд түрүүлсний дараа түүнийг дааврын шинжилгээнд хамруулж, дараа жил нь тэмцээнд оролцох эрхийг нь олгож байжээ.

Тэрээр төрөхдөө умайтай эмэгтэй төрсөн боловч дотроо бүрэн гүйцээгүй эрэгтэй төмсөгтэй учраас түүнээс болж эрэгтэй даавар ихээр ялгардаг аж. Мөн түүнд сарын тэмдэг нь ирдэггүй байна. 2012, 2016 оны олимпын 800 метрт алт авсан ч хуульчид эрдэмтэд түүний хүйс болон аль ангилалд орох тал дээр хоёр хуваагдсан юм. Энэ асуудлаар хуулийн байж болох бүх шатаар Сэмэня явсан бөгөөд одоо ч энэ асуудал спортын Арбитрын шүүхээр хөөн хэлэлцэж яваа. Сэмэня өөрийгөө “нэг төрлийн эмэгтэй хүн” гэж хэлсэн удаатай аж. 400-1500 метрийн уралдаанд тест авна гэсэн ч жижиг тэмцээний тест авдаггүй 5000 метрт Сэмэня уралдаад алт авч байлаа. Яах аргагүй эмэгтэй төрсөн боловч тестероны хэмжээ хэт өндөр эрэгтэйлэг тамирчдын хувьд тестероны хэмжээний хязгаарыг давахгүй байх ёстой гэж үзэж буй. Сэмэня олон жил үерхсэн эмэгтэй тамирчинтайгаа гэр бүл болж байлаа.&nbsp;&nbsp;&nbsp;

Эмэгтэй төрсөн боловч эрэгтэйлэг тамирчин, Олимпын хошой аварга Кастэр Сэмэня

БНХАУ-ын Тайваний&nbsp;боксчин Лин Ю-Тин нь 1995 оны арван хоёрдугаар сарын 13-нд төрсөн&nbsp;Нью Тайбэй хотод төржээ. Тэрбээр 2018 оны AIBA-гийн эмэгтэйчүүдийн боксын дэлхийн аварга шалгаруулах тэмцээний жинд алтан медаль, 2019 оны AIBA эмэгтэйчүүдийн боксын дэлхийн аварга шалгаруулах тэмцээнээс медаль хүртсэн аж. Мөн 2023 оны 3-р сард Нью Дели хотод болсон боксын эмэгтэйчүүдийн дэлхийн аварга шалгаруулах тэмцээний үеэр эрх баригчид зарим оролцогчдын хүйсийн талаар асуудал дэвшүүлж хэд хэдэн ДНК-ийн шинжилгээ хийлгэхийг шаардлага тавьж эцэст нь хоёр тамирчинг оролцох эрхийг нь хассан байна. Тухайн үед AIBA-гийн ерөнхийлөгч Омар Кремлев хэлэхдээ Халиф, Лин Ютин зэрэг тамирчид "XY хромосомтой" болохыг шинжилгээгээр нотлогдсон гэж мэдэгджээ. Тэрбээр мэдэгдэл хийх үедээ тамирчдыг хууран мэхэлж, эмэгтэй дүр эсгэж байгаад баригдсан гэж хэлж байсан байна. Олон улсын олимпийн хорооны хэвлэлийн төлөөлөгч саяхан хэлэхдээ: "Парис-2024 боксын бүлгийн дүрэм журмын дагуу боксын тэмцээнд оролцох бүх тамирчид тэмцээний шалгуур, оролцох журам, түүнчлэн холбогдох эмнэлгийн бүх дүрэм журмыг дагаж мөрддөг гэдгийг онцлон анхааруулж хэлсэн байна. &nbsp;

Дашрамд монголын хамгийн анхны эмэгтэй боксчдоос ДАШТ- хүрэл медальт М.Нандинцэцэг 2016 онд Хятадын Цяньанд болсон олимпын эрх олгох тэмцээнд 51кг Лин Ю Тинг-д 2:1 харьцаагаар ялагдсан ч эн тэнцүү үзсэн түүхтэй.&nbsp;Тайванийн тамирчин өмнө нь эрэгтэй xүн байж байгаад xүйсээ солиулсан бөгөөд 2023 оны 3-р сард Ю-Тинг жендэрийн шалгалтад бүдэрч, Олон улсын боксын холбооны (IBA) эмэгтэйчүүдийн боксын дэлхийн аварга шалгаруулах тэмцээний хүрэл медалийг хүчингүйд тооцож медалийг нь Болгарын Светлана Станевад гардуулж байжээ. Тэрбээр 2018, 2022 оны дэлхийн аварга, Ханжоу 2022 Азийн 19-р наадмын аварга. Харин Ханжоуд түрүүлсэнийхээ дараа ДАШТ-ээс жендерийн шалгалтад бүдэрч хөөгдөж байжээ. Энэ удаа Лин Ю Тинг өнөөдөр Парисын тулааны рингэнд эхний тулаанаа хийнэ.

Трансжендер боксчин Лин Ю Тинг өнөөдөр рингэнд гарна

Парисын олимпод Монголын эмэгтэй боксчдын түүхэнд ОУХМ М.Энхжаргал Олимпын тавцанд ялалт байгуулж, цоо шинэ хуудас нээсэн. Тэрбээр өнөөдөр медалийн төлөө хариуцлагатай тулаан хийх гэж байна.-54кг жинд тулалдаж буй М.Энхжаргалын хувьд эхний учраа болох дэлхийн аваргын мөнгөн медальт Италийн боксчин Сирин Чараабитаг шүүгчдийн санал нэгтэй шийдвэрээр ялж монголын эмэгтэй боксчдын олимпын наадмын анхны ялалтыг авсан юм.&nbsp;

Дэлхийн цомын аварга, U22 насны Ази тивийн аварга, дэлхийн аваргын хүрэл медальт ОУХМ М.Энхжаргал шөвгийн 16-д&nbsp;2022 оны ДАШТ-ий мөнгө, энэ оны европын аваргын мөнгөн медальт Румын улсын Ленута Лекрамиоараг буулган авч олимпын медалийн төлөө тулалдах эрхтэй болсон билээ. М.Энхжаргал нь 2023 оны ДАШТ-ны хүрэл медаль хүртэж дэлхийн боксчин гэдгээ батлан харуулсан. Харин өнөөдөр бол түүний шийдвэрлэх тулаан болно. Тэрбээр олимпын хүрэл медалийн төлөө Туркийн боксчин Акбас Хатистэй тулалдана. Акбас Хатис нь 2022 оны Истанбулд болсон ДАШТ-ий аварга, 2023 оны Европын АШТ-ий хүрэл медальтай, өдгөө 23 настай залуу тамирчин юм. Тэдний тулаан өнөөдөр 23:22 цагаас эхлэх хуваарьтай байна.

Өнөөдөр ОУХМ М.Энхжаргал медалийн төлөөх шийдвэрлэх тулаанаа хийнэ

200 метрийн мэлхий сэлэлтийн төрөлд Францын супер од Леон Маршан 2:05.85 секундийн амжилтаар олимпын хоёр дахь алтан медалиа хүртлээ. Тэрбээр энэхүү гайхалтай үзүүлбэрээ дөрвөн өдрийн дотор 15,000 гаруй хүн цугларсан Парисын Ла Дефэнс Аренадад халуун дулаанаар хөгжөөн дэмжигчдийнхээ уухайн дор хоёр дахь алтан медаль хүртсэн анхны Францын усанд сэлэгч болсон бөгөөд эрч хүч, урам зоригийг хайрласан үзэгч фенүүдийнхээ өмнө тэрээр бүгдийг тултал хийж чаджээ.

Тэрбээр тэмцээний дараа хэлэхдээ "Бүгд надад эргэлзэж үүнийг боломжгүй гэж хэлж байсан." Гэхдээ нэг л хүн намайг хамгаас илүү дэмждэг байсан. Тэр хүн бол миний дасгалжуулагч асан Боб Боуман юм. Тэр бол "Надад дутагдаж байсан гайхалтай итгэл хүчийг өгсөн" гэж хэмээжээ. Мөн тэрбээр алтан медалийг авхад илүү түлхэц болсон зүйлийн нэг гэвэл миний стратегиа маш сайн ашиглах чадвар байсан байх гэж таамаглаж байна гэжээ. Алтан медалийн эзэн болсондоо сэтгэл хангалуун сайхан байгаагаа илэрхийлжээ.&nbsp;

Харин Австралийн сэлэгч Зак Стубблти-Кук Маршанаас 0.94 секундээр хоцорч 2:06.79 секундийн амжилтаар мөнгөн медаль хүртсэн бол гуравдугаар байрын болзлыг хангасан Нидерландын Каспар Корбо 2:07.90 хэдхэн секундийн зайтай удаалжээ.

Парис 2024: Францын супер од Леон Маршан эх орондоо хоёр дахь  алтан медалиа авчирлаа

Египетийн туялзуур сэлэмчин Нада Хафез Парисын олимпод долоон сартай бие давхар хэрнээ, олимпын наадмыг өнжилгүй оролцсон байна. Тэрбээр эхний тойрогтоо АНУ-ын тамирчин Элизабет Тартаковскиг 15:13-аар ялсан боловч хоёрдугаар шатанд БНСУ-ын Жён Ха Ёнгд 7:15-аар ялагдсан байна.

Тэрбээр олимпын тэмцээнээ өндөрлүүлсний дараа өөрийн инстаграм хуудсаар дамжуулан бие давхар гэдгээ зарлажээ. Египет тамирчин бүсгүй 2014 оноос хойш илд сэлэмний төрөлд (sabre) шигшээ багийн гишүүн болсон бөгөөд түүнээс хойш 2016, 2020, 2024 оны олимпод оролцсон нь энэ юм.&nbsp;

Египетийн туялзуур сэлэмчин Нада Хафез 7 сартай  бие давхар ч олимпод оролцжээ

Монгол улсын начин Өлзийсайханы Батзул 2024 оны долоодугаар сарын 30-ны өдөр зуурдаар таалал төгсөж, Монголын бөхийн ертөнцөд нөхөж баршгүй хүнд гарз тохиолоо.
Ө.Батзул нь 1994 онд Орхон аймгийн Баян-Өндөр сумд төрж бага наснаасаа үндэсний бөхөөр хичээллэхдээ үндэсний бөхөөр 2016 онд &ldquo;Аймгийн харцага&rdquo;, 2020 онд &ldquo;Аймгийн арслан&rdquo;, 2022 онд &ldquo;Монгол Улсын начин&rdquo; цол тус тус хүртсэн бөх байлаа.Тэрээр үндэсний бөхөөр төрөлх Орхон аймгийнхаа баяр наадамд дөрвөн удаа их шөвөгт шалгарч, хоёр удаа түрүүлсэн бөгөөд бөхийн чөлөөт барилдааны Олон улсын тэмцээн, Ази тивийн аварга шалгаруулах тэмцээн, Дэлхийн аварга шалгаруулах тэмцээнд удаа дараа амжилттай оролцсон, Олон Улсын хэмжээний мастер цолтой, уран хурц, шуурхай түргэн барилдаантай бөх байв. Талийгаачийн бөхийн спортод зориулсан нөр их хөдөлмөр, шулуун шударга, ажилч хичээнгүй, тэвчээртэй, алиа хошин, нөхөрсөг даруу зан бидний сэтгэл зүрхэнд үүрд дурсагдах болно. Түүний гэр бүл, үр хүүхэд, ахан дүүс, төрөл саданд нь гүн эмгэнэл илэрхийлье.
Эх сурвалж: Монголын Үндэсний Бөхийн Холбоо

Эмгэнэл: Улсын начин Ө.Батзул зуурдаар таалал төгсжээ

Парисын олимпын эрэгтэй скейтбордын гудамжны тэмцээн Парисын нарны хурц туяагаар гийгүүлсэн Эйфелийн цамхгийн хажууд, Елисейн тансаг талбайд болж өндөрлөлөө. Хөгжөөн дэмжигч үзэгчид, алдартан одууд, олон зуун шүтэн бишрэгчид орон орны тамирчдаа дэмжин үзэж байлаа. Тус тэмцээний финалд Токиогийн олимпын медаль хүртсэн тамирчид болох Японы тамирчин Юто Хоригоме, АНУ-ын тамирчид Нижа Хьюстон, Итон нар багтсан юм. Тэднийг шөвгийн наймд үлдэхэд Япон болон АНУ-ын олон шүтэн бишрэгчид дэмжиж байлаа. Тэд нийтдээ "X Games" скэйтбордын ДАШТ-нд удаа түрүүлсэн дэлхийн шилдгүүд байлаа.&nbsp;

Шийдвэрлэх торгон мөчид гудамжны тэмцээний тайзны гурван томчууд болох Японы Юто Хоригоме, мөн АНУ-ын Нижа Хьюстон, Итон үлдсэн. Гүйлттэй хэсгийг тэргүүлсэн Хьюстон дөрөв дэх раунд хүртэл трик оролдлогоо амжилттай хийж дээд байр сууриа хадгалж чадлаа.
Харин Хоригоме гурван оролдлогоо бүгдийг нь амжилттай гүйцэтгэсний эцэст тав дахь буюу сүүлчийн эргэлтээ амжилттай гүйцэтгэн 270 оноо авч, финалын хамгийн өндөр оноо болох 97.08 оноог дунджилснаар нэгдүгээр байрт шалгарлаа.&nbsp;

Парис 2024: Эрэгтэй скейтбордын гудамжны төрөлд Япон улсын Юто Хоригоме тэргүүллээ

2024 оны 7-р сарын 29-нд Парисын Ла Дефэнс Аренад болсон эрэгтэйчүүдийн 200 метрийн чөлөөт сэлэлтийн финалын шигшээ тоглолтод Румы услын Давид Поповичи 1.44.72 амжилтаар алтан медаль хүртэж, Их Британийн Маттью Ричардс 1:44.74 минутаар мөнгө, АНУ-ын шигшээ багийн Лук Хобсон 1:44.79 секундийн амжилтаар хүрэл медаль хүртсэн байна.&nbsp;
Дэвид Поповичи алтан медаль хүртэж, Румын улсад анх удаа усанд сэлэлтийн төрлөөр алтан медаль авчирлаа. Өмнө нь түүний хувьд "Токио 2020"-д дөрөвдүгээр байрт шалгарсан нь 19 настай залуугийн хувьд чамлахааргүй том амжилтыг үзүүлсэн гэж хэлж болно.&nbsp;

Түүний алтан медаль хүртсэн баярын сэтгэгдлээс хуваалцвал "Надад гайхалтай сайхан санагдаж байна. Парис 2024 олимпын наадам үнэхээр сайхан болж байна. Энд цугласан олны дунд маш олон Румынчуудыг харахад сэтгэл үнэхээр их хөдөлж байна. Өнөөдөр миний мөрөөдөл биелсэн өдөр боллоо. Би энэ мөчийг юутай зүйрлэж хэлэхээ мэдэхгүй байна" хэмээн Поповичи хэлэв.&nbsp;

Парис 2024: Дэвид Поповичи усанд сэлэлтийн төрлөөр Румын улсад анхны алтан медалийг авчирлаа

Өнөөдөр дэлхийн хошой хүрэл медальт, 2024 оны Ази тивийн аварга МУГТ, ОУХМ Л.Энхрийлэн өрсөлдөнө. Л.Энхрийлэн эхний тойрогтоо өмнөх олимпын аварга Косово улсын тамирчин Нора Гжаковатай учраа таарсан байна. Гранд Сламын 2021, 2023 оны аварга Гжакова 2021 онд дэлхийн аварга болж байсан туршлагатай тамирчин аж.
&nbsp;

Харин манай тамирчин МУГТ, ОУХМ Л.Энхрийлэн дэлхийн хошой хүрэл медальтай, 2024 оны Ази тивийн аварга, 2018 оны залуучуудын ДАШТ-ий мөнгөн медальт, 2016 оны Чингис Хаан гранпри тэмцээний алтан медальт гээд түүний гаргасан амжилтууд чамгүй их.
Тэрбээр хэвлэлд өгсөн ярилцлагадаа Парис 2024 олимпын наадмын аварга болохыг хүсэж байгаа тухайгаа &nbsp;хэлж байсан удаатай. Түүний хүсэл биелсэн олимп байх болно хэмээн олон хүмүүс найдаж буй. Хэрвээ Л.Энхрийлэн ялалт байгуулбал Нидерланд, Германы бөхчүүдийн аль ялсантай шигшээ 16-д өрсөлдөх юм.&nbsp;

МУГТ, ОУХМ Л.Энхрийлэн эхний тойрогтоо олимпын аварга Косово улсын тамирчин Нора Гжаковатай учраа таарна

Парис 2024 олимпын нээлтийн арга хэмжээг Францын нэрт театрын найруулагч Томас Жолли нээлтийн ёслолын уран сайхны удирдаачаар ажилласан билээ. Тэрээр нээлтийн ёслолын агуулгыг ихэд нууцалж&nbsp; Францын өв соёлыг тусгасан, уламжлалт болон орчин үеийн элементүүдийн гайхалтай хослол бүхий шоу үзүүлбэрийг зохион байгуулагчид амлаж сонирхолтой тоглолт үзүүлбэрүүдийг аргагүй л Францын бүхий л гайхам сайхныг хэдхэн хормын дотор мэдрүүлэх шиг л болсон.
&nbsp;

Харин Парисын олимпын нээлттэй холбоотойгоор зарим хүмүүсийн шүүмжлэл, өртөөд байсан онцлох хэд хэдэн шоу үзүүлбэрүүд байсан юм. Тухайлбал толгойгүй эмэгтэй бол Мари Антуанетта юм. Тэрээр Францыг захирч байсан бөгөөд эх орноосоо урвасан, хуйвалдсан, улсын хөрөнгө шамшигдуулсан хэргээр шийтгүүлж байсан байна.
Мөн Да Винчигийн "Сүүлчийн оройн зоог" (1498) байгаагүй юм. Харин Ян Херманс ван Бейлертийн Фетида, Пелейн хурим, тэр дундаа хөгжим, бүжиг, яруу найраг, нарны бурхан Аполлон найрын ширээг голлон дүрсэлсэн"Бурхдын баяр" (1635) уран зургаас буюу Эртний Грекийн Дарсны бурхан гардан хийдэг Баканал буюу хөлчүү цэнгүүн дүрсэлсэн аж. Учир нь Олимпын наадам эртнийх, Грекийнх бөгөөд Баканали бол олноороо учирсан хөрөнгөөр зодсон дуу шуутай цэнгүүн хэмээн үздэг байна. Эрт үед&nbsp;хүмүүс дарсны бурхан Бахусыг (усан үзмийн модоор бүрхсэн цэнхэр эр) хүндэтгэж, цөөнгүй өдөр найрладаг байсан түүхтэй аж. Дашрамд сонирхуулахад олонд Грекийн үржил шимийн бурхан Дионисус хэмээн танигдсан ба хожим дарс, ханамжийн бурхан болж алдаршсан байдаг байна. Сүүлд нь Үхэл буурал морь хүлэглэсэн байгаагүй. Завин дээр суурилуулсан Сена мөрний дагина Секвана байлаа. Угтаа Олимпын сүр сүлд, Секвана дагины төлөөлж байжээ.&nbsp;
&nbsp;
Эх сурвалж: Монгол хэлнээ буулгасан: Bolorsaikhan Badamsambuu

Парис 2024: Нээлттэй холбоотойгоор зарим хүмүүсийн төдийлөн сайн ойлгоогүй, шүүмжлэл дагуулсан үзэгдлүүдээс

МУГТ, Хөдөлмөрийн баатар Х.Цагаанбаатар: "Халтмаагийн Баттулга Монголын Жүдо бөхийн холбооны Ерөнхийлөгчөөр 2006 онд сонгогдон өдгөө 18 дахь жилдээ ажиллаж байна. Бүх цаг үед багш тамирчдынхаа ялалт ялагдал бүрт хамт байж чаддаг эрхэм. Бэлтгэл сургуулилалт тамирчны сэтгэл зүй, багш тамирчдын ур чадвар гээд бүхнийг биеэрээ сэтгэлээрээ арьс махаараа мэдэрдэг хүн дээ.
Монголын жүдочдынхоо төлөө хийж байгаа бүх зүйлд тань талархая"
&nbsp;
&nbsp;

Азийн Аварга, Их дуулга, Азийн наадам зэрэг тэмцээнийг оролцуулалгүй, зөвхөн Олимп, Дэлхийн аваргад үзүүлсэн амжилтууд:
2008 онд Олимпын Аварга 2009 онд Дэлхийн Аварга 2010 онд Дэлхийн хошой хүрэл 2012 онд Олимпын Мөнгө хүрэл 2013 онд Дэлхийн Аварга 2013 онд Дэлхийн Мөнгө 2014 онд Дэлхийн Аварга 2015 онд Дэлхийн 3 хүрэл 2016 онд Олимпын Мөнгө 2017 онд Дэлхийн Аварга 2017 онд Дэлхийн Мөнгө 2017 онд Дэлхийн 4 хүрэл 2018 онд Дэлхийн 3 хүрэл 2019 онд Дэлхийн хүрэл 2020 онд Олимп Мөнгө 2020 онд Олимп Хүрэл 2020 онд Олимп Хүрэл 2021 онд Дэлхийн хошой хүрэл 2022 онд Дэлхийн Аварга 2022 онд Дэлхийн Мөнгө 2022 онд Дэлхийн хүрэл 2023 онд Дэлхийн хошой хүрэл 2024 онд Дэлхийн хүрэл 2024 онд Дэлхийн Аварга 2024 онд Олимпын Мөнгө Энэ хугацаанд өнөөдрийг хүртэл &nbsp; Олимпын Алт 1 Олимпын Мөнгө 4 Олимпын Хүрэл 3 ДАШТ-ий Алт 6 ДАШТ-ий Мөнгө 3 ДАШТ-ий Хүрэл 19 нийт олимпын 8, ДАШТ-ны 28 медалийн эзэд болжээ. 2024 онд&nbsp; 2025 онд ..... цааш үргэлжилнэ.&nbsp;
&nbsp;
Эх сурвалж: МУГТ, Хөдөлмөрийн баатар Tsagaanbaatar Khashbaatar
Гэрэл зургыг: Ч.Ганбат
&nbsp;

МУГТ, Хөдөлмөрийн баатар Х.Цагаанбаатар: "Халтмаагийн Баттулга Монголын Жүдо бөхийн холбооны Ерөнхийлөгчөөр 2006 онд сонгогдон өдгөө 18 дахь жилдээ ажиллаж байна

Зимбабве 7 тамирчин, 67 албан тушаалтнаа олимпод илгээж байна гэх постыг нэгэн спортын сэтгүүлч нийтэлжээ.
Уг постны комментоос: -Геноцид Камерун Сайд нар, тэдний эхнэр, найз охид, 92 настай ерөнхийлөгч зэрэг 32 албан тушаалтны хамт 6 тамирчнаа илгээж байна. -Энэ бол Африк, Африк бол бидний бизнес -Тамирчид нь хаана байна? -Тиймээ тэнд тамирчдад дэмжлэг хэрэгтэй байна.
&nbsp;
&nbsp;

Зимбабве 7 тамирчин, 67 албан тушаалтнаа олимпод илгээжээ

Ута Абэ нь 2000 оны долдугаар сарын 04-нд Японы Хёго мужийн Хобе хотод мэндэлсэн. Түүний биеийн өндөр 158 см. Абэ нь 2017 хоёрдугаар сард Дюссельдорфын Гранприд тэргүүн байр эзэлснээр Олон улсын жүдо бөхийн холбооны Гран Прид түрүүлсэн хамгийн залуу жүдоч болсон байдаг байна.
Японы жүдоч Ута Абэ нь &ldquo;Токио 2020&rdquo; олимпийн аварга болсон төдийгүй түүний ах Хифуми Абэгийн хамтаар 2023, 2022, 2019, 2018 оны дэлхийн дөрвөн удаагийн аварга болж байсан түүхтэй.&nbsp;
Абэ 2017 онд өсвөрийн дэлхийн аварга болж байсан. Тэрээр Парис, Дюссельдорф, Ташкент, Казань зэрэг Японы Их дуулга тэмцээнд дөрвөн удаа түрүүлсэн амжилттай. 2017 онд тэрээр Дюссельдорф хотноо 2017 онд IJF World Tour тэмцээний хамгийн залуу ялагчаар тодорч &nbsp;2017 онд өсвөр үеийн холимог багийн дэлхийн аварга шалгаруулах тэмцээнд түрүүлсэн. 2019 онд Токиод болсон холимог багийн дэлхийн аварга, 2024 онд Анталья хотод болсон "Их дуулга" тэмцээнд удаа дараа түрүүлж байсан удаатай.

Тэрбээр сүүлийн 3 жил ялагдал хүлээгээгүй -52 жингийн тэргүүн бөх Олимпын аварга, Дэлхийн 4 удаагийн аварга юм. Харин &nbsp;Парис 2024 олимпын наадам түүний хувьд &nbsp;хүндхэн даваа болж Узбекстаны бөх Keldiyorova-д харамсалтайгаар цэвэр ялагдаж түүний мөрөөдөл талаар боллоо.

Алдарт ах дүү хоёр Абэ-ийн дараалан олимпын хошой аварга болох мөрөөдөл талаар боллоо

Өнөөдөр Эрэгтэйчүүдийн 10 метр хийн урт бууны төрөлд оролцож буй ОУХМ Н.Баяраа 17:15 цагаас цэц мэргэнээ сорино. Тэрээр 23 эрэгтэй 10 метрийн хийн бууны 2012 оны Лондон, GBR 593, 33 эрэгтэй бага оврын буу, гурван байрлал, 50 метр 2012 Лондон, GBR 1154, 40 эрэгтэй жижиг сумтай винтов, 50 метрийн зайд 2012 Лондон, GBR 588, тус тус тэмцээнүүдэд амжилттай оролцож байсан түүхтэй. Мөн тэрээр Индонезийн нийслэл Жакарта хотноо болсон буудлагын Азийн аварга шалгаруулах тэмцээнээс Монголын мэргэн буучид олимпын хоёр дахь эрхээ өвөртөлж байсан удаатай.&nbsp;

Эрэгтэйчүүдийн урт бууны 50 метрийн гурван байдлаас буудах дасгалд 44 тамирчин цэц сорьсноос &nbsp;тамирчин 583 ( суугаагаас 194, хэвтээгээс 197, босоо байдлаас 192 оноо) оноогоор финалд буюу шигшээ наймд шалгарч "Парис 2024" олимпын эрхээ хүртэж тэрээр урт бууны 50 метрийн гурван байрлалаас буудах дасгалд олон улсын хэмжээний мастер Н.Баяраа финалдсанаар &ldquo;Парис-2024&rdquo; олимпод цэц сорих болзлоо биелүүлсэн. &nbsp;
Тэрбээр 2012 оны Лондоны олимпод анхлан оролцож байсан тамирчин аж. Түүнээс хойш 12 жилийн дараа хоёр дахь удаагаа олимпын наадмын буудах цэгт зогсохоор болсон нь энэ.&nbsp;
Дэлхийн шилдгийн шилдэг тамирчдын дээд рекордоос жишээ дурдвал Швед улсын буудагч Линдгрен Виктор 629.3, &nbsp;Алжир улсын Адул Косейла 617.4, гэсэн амжилтуудтай байдаг аж. Харин манай тамирчин ОУХМ Н.Баяраагийн дээд үзүүлэлт 627.3 юм.&nbsp;
Хэдхэн хормын дараа тэрбээр амжилтаа улам бататгаж олон улсын шилдгийн шилдгүүдтэй цэц мэргэнээ сорино.
&nbsp;
&nbsp;
&nbsp;
&nbsp;
&nbsp;
&nbsp;
&nbsp;

ПАРИС 2024: ОУХМ Н.Баяраа  хэдхэн хормын дараа  буудна

Японы сүмо бөхийн холбооноос Токиод шинэ бөхийн шалгалтад орох 11 залуугийн нэрийг зарлаж, тэр дундаас шинжээчдийн анхаарлыг ихэд татаж байсан бөх бол Дархан аварга Г.Өсөхбаярын хүү Ө.Дэмиджамц байлаа. Тэрбээр 2000 оны наймдугаар сарын 24-нд төрсөн ба 193 см өндөртэй, 135 кг жинтэй ажээ.
Миягино дэвжээ нь Их аварга Хакүхогийн дэмжээ юм. Ө.Дэмиджамц 2016 онд Японы Тоттори жёохокү сургуульд элсэж Дошишя их сургуулийн сүмо бөхийн багт байхдаа бүх Японы аварга шалгаруулах оюутны тэмцээнд оролцож, Каназавагийн тэмцээнд түрүүлж байв.
&nbsp;

Сэйхакухо Ө.Дэмиджамц амжилтаа улам бататгаж одоо ч эрчээ алдалгүй&nbsp; Жонидан зиндаанд уналгүй түрүүлжээ.&nbsp;
Мэргэжлийн сумо бөхийн 69 дэх их аварга Хакухо аваргын шавь, Дархан аварга Г.Өсөхбаярын дунд хүү Сэйхакухо Ө.Дэмиджамц мэргэжлийн сумо бөхийн Жонидан зиндааны энэ сарын барилдаанд 7-0 амжилт үзүүлжээ. Тэрбээр мэргэжлийн сумо бөхөд ороод хоёр дахь башёдоо барилдаж байгаа юм.

Спортын шийдэл

Msports